Frjáls verslun - 01.09.2012, Síða 39

FRJÁLS VERSLUN 10. 2012 39
BÆTTU SMÁ DENVER Í LÍF ÞITT
Verð frá 44.900 kr.
Þessi ferð gefur frá 2.700 til 8.100 Vildarpunkta aðra leiðina.
+ Bókaðu núna á icelandair.is
Að tillögu uppstillingarnefndar samþykkti kjördæmaþing í Reykja­
vík að Frosti Sigurjónsson færi fyrir öðru Reykjavíkur kjördæm inu en
Vigdís Hauksdóttir leiddi áfram sitt kjördæmi. Mótfram boð Jónínu
Benediktsdóttur gegn henni fékk hins vegar engar undirtektir.
Hvað varðar möguleika Framsóknarflokksins í næstu kosningum
í samkeppninni um atkvæði miðjufólks þarf flokkurinn að komast
frá prófkjörstíðinni tiltölulega heill og kappkosta að losa sig við
spillingarstimpilinn sem enn vill loða við hann.
flokkurinn stendur tæpt í könnunum
Kannanir sýna að Framsóknarflokkurinn stendur tæpt en ég tel að
hann eigi sóknarmöguleika. Í ljósi þess að andstæðingum ESB­að­
ildar hefur vaxið fiskur um hrygg innan flokksins liggja tækifærin
einkum í því að fá fylgi frá vonsviknum kjósendum VG og
Sjálfstæðisflokksins. Þetta kallar á miðjustefnu sem hefur skírskotun
bæði til vinstri og hægri. Í framkvæmd getur það þó reynst erfitt.
Á kjörtímabilinu hefur flokknum ekki tekist að finna þessa fínu
línu. Þess í stað hefur þingflokkurinn iðulega virst klofinn í hægri
og vinstri arm þar sem formaðurinn fer augljóslega fyrir hægri
arminum. Þetta ruglar kjósendur í ríminu og er m.a. skýringin á því
hvers vegna Framsóknarflokknum hefur ekki tekist að gera sér mat
úr miklum óvinsældum ríkisstjórnarflokkanna.
Sem miðjuframboð keppir Framsóknarflokkurinn líka við Bjarta framtíð sem er nýtt og óreynt framboð og hlynnt ESB­aðild. Þar fara þingmennirnir Guðmundur Steingrímsson og Róbert Marshall fremstir í flokki. Framboðið beið með að kynna sína frambjóðendur þar til framboðslistar keppinautanna lægju fyrir. Líklegt
er að fólk sem hefur tengsl við Samfylkinguna og Besta flokkinn
verði áberandi á lista Bjartrar framtíðar og jafnvel einhverjir sem
hafa látið til sín taka í bloggskrifum. Fróðlegt verður að fylgjast
með því hvort Jón Gnarr borgarstjóri fer yfir í landsmálapólitíkina.
Af skoðanakönnunum má draga þá ályktun að Björt framtíð sæki
fylgi sitt einkum til óánægðra samfylkingarmanna. En fylgi Sam­
fylkingarinnar er einmitt niðri um svipað hlutfall og fylgi Bjartrar
framtíðar mælist nú.
Mál verða að skýrast betur varðandi uppstillingar á öðrum listum
til að hægt sé að átta sig betur á þeim og hvaða möguleika þeir hafa.
Tíminn er fljótur að líða og það er tiltölulega stutt til kosninga.
Það er hlaupinn kosningaskjálfti í frambjóðendur og spennan mun
magnast til muna á nýju ári. Það virðist útrætt af hálfu Hönnu
Birnu Kristjánsdóttur að hún ætli ekki gegn Bjarna í formennskuna;
hún hefur sjálf slegið það út af borðinu. Margir virðast samt eiga
erfitt með að trúa því að það mál sé búið og frágengið. Úrslitin
í Samfylkingunni á milli Árna Páls og Guðbjarts um hvor leiði
flokk inn geta líka reynst afdrifarík varðandi líklega samstarfsflokka
eftir kosningar. Stóru málin í kosningunum verða örugglega efna­
hagsmálin og aðildin að Evrópusambandinu – og hvort nú verandi
ríkisstjórnarflokkar vinni áfram saman með stuðningi fleiri flokka.
Það kraumar undir.
„Líklegt er að fólk sem hefur
tengsl við Samfylkinguna og
Besta flokkinn verði áber­
andi á lista Bjartrar fram tíð­
ar og jafnvel einhverjir sem
hafa látið til sín taka í blogg­
skrifum.“
BJÖRT FRAMTÍÐ
Frosti Sigurjónsson leiðir lista framsóknarmanna í Reykjavík. Margir
telja að hann sé happafengur og dragi til sín mikið fylgi í komandi
kosningabaráttu. Núna er að sjá hvað skoðanakannanir segja.
Guðmundur Steingrímsson.
Kemst hann inn á þing?
Jón Gnarr. Fer hann í landsmálapóli­
tíkina fyrir Bjarta framtíð?