Frjáls verslun - 01.09.2012, Qupperneq 59

FRJÁLS VERSLUN 10. 2012 59
Einars dóttir, framkvæmdastjóri Mentors, og
Svana Helen Björnsdóttir, forstjóri Stika.
Allir tóku undir mikilvægi góðs kennara
eða lærimeistara þegar verið væri að leið ­
beina tilvonandi frumkvöðli. Og flestir voru
sammála því að kenna ætti frumkvöðlafræði
í öllum skólum.
Erfiðasta verkefnið sem kennarinn stendur
frammi fyrir er að sannfæra nemendur um
ágæti nýsköpunar og frumkvöðlastarfs.
Hann verður að geta látið hugmyndina um
stofnun fyrirtækis hljóma spennandi.
Viðhorf kvenna til raungreina er vandamál
í löndum Evrópu. Þær sækja síður í reikni ­
fögin, sem oft eru þörfustu tólin í verk færa ­
kassa frumkvöðulsins. Það er því lykilatriði
að ná fram viðhorfsbreytingu innan mennta ­
kerfisins.
Vandi þessi er djúpstæður og nær langt
út fyrir veggi skólastofunnar. Kynbundnar
staðal ímyndir samfélagsins geta haft áhrif
á hegðun einstaklinga; sumar stelpur snið ­
ganga stærðfræðina einungis vegna þess að
þess er vænst af þeim.
fjármögnunarvandi
frumkvöðla
Máxima Hollandsprinsessa ávarpaði sam ­
komuna á myndbandi þar sem hún talaði
um mikilvægi fjármögnunar. Eðli máls ins
samkvæmt, sagði hún, er fjár mögn un ar ­
vandi frumkvöðla að mestu leyti óháður
kyni. Þó er það þannig að konur eru yfirleitt
áhættufælnari en karlar. Þær taka færri lán
og upphæðirnar eru lægri. Það getur bæði
verið gott og slæmt.
Vissulega er það til eftirbreytni að vera
gætinn. Á móti kemur að þeir sem aldrei
taka áhættu eru síður líklegir til stórræða.
Máxima mælti fyrir því að kvenmenn sýndu
dirfsku þegar verkefni væru fjár mögn uð. En
hún bætti við að það mætti aldrei gleymast
að viðskiptahugmyndin yrði að vera góð,
við skiptaáætlunin heil brigð og mögu leikinn á
vexti fyrir hendi.
„Þyrfti að breyta öllum karlmönn­
um í norræna menn“
Fram kom í máli Dilek Ayhan, fram ­
kvæmda stjóra frá Osló, að Noregur væri
himnaríki fyrir kvenkyns frumkvöðla.
Þangað mætti sækja fyrirmyndir. Í Noregi
eru t.d. tekin saman gögn sem sýna fram á
mikilvægi kvenna í daglegum rekstri sam ­
félagsins. Einnig nefndi hún að þar væri
markvisst unnið að því að uppræta gamlar
hugmyndir um kynbundnar staðalímyndir í
samfélaginu og innan fjölskyldunnar.
Lena Bondue, belgískur frum kvöðla ­
þjálf ari, vísaði í ræðu Dilek og sagði að
það þyrfti að breyta öllum karlmönnum í
norræna menn – það væri hugmynd sem
hún myndi gjarnan vilja fjárfesta í.
Í lok ráðstefnunnar náði ég tali af full ­
trú um Íslands, þeim Vilborgu og Svönu,
og spurði hvort eitthvað væri til í þessum
orð um. Eru Norðurlöndin á einhvern hátt
fyrir mynd annarra landa þegar kemur að
konum og frumkvöðlastarfi? Þær sögðu að
þetta væri að miklu leyti rétt. Á Íslandi væri
hugarfarið t.d. allt annað og heilbrigðara en
sunnar í álfunni.
Ég hlakka bara til, segir Vilborg að lokum,
þegar ekki verður lengur þörf á sérstökum
ráðstefnum fyrir konur. – Þegar ráðstefna
sem þessi verður einfaldlega tileinkuð
„frum kvöðlastarfi“.
Dilek Ayhan, framkvæmdastjóri frá Osló.
Vilborg Einarsdóttir, framkvæmdastjóri
Mentors, var talsmaður Evrópsku fyrirtækja­
vikunnar fyrir hönd Íslands.
Svana Helen Björnsdóttir, framkvæmdastjóri
Stika, og Vilborg Einarsdóttir, framkvæmda­
stjóri Mentors, í góðum félagsskap. Þær tóku
báðar þátt í pallborðsumræðum á ráð stefn­
unni.
fyrirmyndir skipta máli
Jóhannes Benediktsson, sem sat ráðstefnuna í
Brussel fyrir Frjálsa verslun, segir að mikið hafi
verið lagt upp úr því hve fyrirmyndir skipti miklu
máli við stofnun fyrirtækja. Fram hafi komið að
afrekssögur frumkvöðla verði að heyrast. Þær séu
öðrum innblástur og hvatning og fjölmiðlar beri
ábyrgð á því að segja sögur kvenna sem hafa
tekið slaginn og sigrað. Það sé þeirra að búa til
alvörufyrirmyndir fyrir ungt fólk sem segi á eftir:
„Ég vil vera svona.“
Jóhannes segir að af nógu sé að taka þegar
kemur að fyrirmyndum. Hann tekur hér fjórar
ungar konur á Íslandi sem dæmi; þær hafi fengið
hugmyndir og ýtt þeim úr vör.
Sesselja Vilhjálmsdóttir og Valgerður Hall-
dórsdóttir brugðu á það ráð að búa til borðspil
þegar þær sátu atvinnulausar yfir kaffibolla árið
2009. Úr varð spilið Heilaspuni, sem seldist upp á
mettíma og var síðan valið borðspil ársins. Næst
fengu þær styrk frá Evrópu unga fólksins til þess
að gera heimildamynd um tæknifrumkvöðla í
Evrópu og Bandaríkjunum. Nú eru þær að búa til
snjallsíma ­app (kinwins.com), þar sem markmiðið
er að treysta einingu fjölskyldunnar og gera hvers­
daginn skemmtilegri.
Eyrún Eggertsdóttir vann Gullegg Innovit
árið 2011 fyrir dúkkuna Lúllu, sem hefur svipaða
nær veru og foreldri þegar lögð er í vöggu við hlið
ungbarns. Í kjölfarið líður barninu betur og það
sefur værar. Lúlla fer á markað í lok árs.
Jóhanna Björg Christensen er stofnandi og
rit stjóri tískutímaritsins Nude Magazine (nudemag­
azine.is) sem kemur út frítt á netinu. Þegar hún sá
fram á að erfitt yrði að finna vinnu sem grafískur
hönnuður ákvað hún að stofna sitt eigið tímarit.
Blaðið er sett upp á hefðbundinn hátt en það er
óvenjulegt að því leyti að sumar auglýsingarnar eru
myndbönd.
„85% nýrra starfa
verða til í litlum
eða meðalstórum
fyrirtækjum. Það
er því lykilatriði
að hlúa vel að öllu
frumkvöðlastarfi.“