Frjáls verslun - 01.09.2012, Síða 63

FRJÁLS VERSLUN 10. 2012 63
brynja guðmundsdóttir, stofnandi og
forstjóri gagnavörslunnar:
margrét sigurðardóttir,
hjá musikmusik:
Brynja Guðmundsdóttir, stofnandi og forstjóri Gagnavörslunnar, fjall­aði um fjármögnun og
fjárfestingar. Hún lagði áherslu á
að annaðhvort þyrfti að hrökkva
eða stökkva og sagði: „Það er
mikil pressa í þjóðfélaginu um
að konur eigi ekki að stofna
fyrir tæki nema þær leggi ekki
hús fjölskyldunnar undir. En af
hverju ætti banki að lána manni
ef maður þorir ekki að leggja allt
sjálf ur undir? Þetta er spurning
um að hrökkva eða stökkva og
þegar maður fer af stað með
fyrir tæki verður maður að ákveða
að maður sé tilbúinn að tapa.“
Hún sagðist hafa verið búin að
undirbúa sig lengi þegar hún
stofnaði fyrirtækið; hún hafði gert
við skiptaáætlun til nokkurra ára til
að sjá hversu raunhæf hugmynd ­
in væri, hún talaði um mikilvægi
tengslanets, hún hafði lesið fjölda
erlendra rannsókna og hún ákvað
í upphafi að vera óhrædd við að
fá aðra aðila inn í fyrirtækið. „Það
er allt í lagi að eiga minni hlut í
stórri köku frekar en að eiga stór­
an hlut í mjög lítilli köku.“
Brynja fór í nokkra banka til að
reyna að fá lán. „Fyrirtækjasvið
bankanna tóku ekki vel í þetta
og sumir vildu háar þóknanir en
BYR ákvað að veðja á mig og
viðskiptaáætlunina.“
Hún leggur áherslu á að vanda
valið vel þegar kemur að vali á
hluthöfum. Hluthafar í Gagna ­
vörsl unni eru þrettán í dag og á
Brynja 18% í fyrirtækinu en átti
fyrirtækið í upphafi 100%.
„Við erum með forkaupsréttar­
ákvæði til að geta haft áhrif á
hverjir eru í hluthafahópnum. Ég
hef líka lagt mikla áherslu á að
vera með öfluga stjórn en ég hef
fengið að hafa mikil áhrif með val
í stjórnina og er mjög kröfuhörð.“
Margrét Sigurðardótt­ir hjá MusikMusik fjallaði um hugtakið „alþjóðafædd“ en
hún hefur stofnað fyrirtæki sem
þróar tónlistarfræðsluefni fyrir
börn í formi tölvuleikja. Hún
sagði að fyrirtækið passaði inn í
þessa skilgreiningu um að vera
„alþjóðafætt“ en hún gerir ráð
fyrir að fyrirtækið nái örum vexti
á erlendum markaði. „Ég sem
stjórnandi fyrirtækisins hugsa
það strax sem alþjóðlegt fyrir ­
tæki og lít á heiminn sem eitt
mark aðssvæði.“
Margrét hefur um árabil starfað
við tónlist og sagðist oft hafa
feng ið að heyra að bæði tónlistar­
menn sem og þeir sem væru í
viðskiptum þyrftu að byrja á því
að sanna sig á heimamarkaði.
Hún er ekki á sömu skoðun og
benti á að í dag byrjuðu margir
íslenskir tónlistarmenn að spila
erlendis áður en þeir væru búnir
að ná nokkrum vinsældum á
Íslandi. Sama hlyti að eiga við
um annað. „Stærð íslenska
markaðarins er á við lítið hverfi
í London og mér finnst í raun
fráleitt að takmarka sig við það
markaðssvæði og miða allt út frá
því, þótt það geti eflaust hentað í
einhverjum tilfellum.
Hvað er heimamarkaður?“
spurði Margrét. „Kannski þarf
að endurskilgreina hugtakið og
ég hugsa að sú kynslóð sem
er að alast upp í dag og næstu
kynslóðir hugsi um sinn heima­
markað sem miklu stærra svæði
en kynslóðirnar á undan.“
Margrét sagðist vilja að fyrir­
tæki sitt væri íslenskt og benti
á kosti þess að vera hér á landi
– gott aðgengi að nýsköpunar-
samfélaginu og leiðbeinendum
úr öllum sviðum atvinnulífsins,
góða ráðgjöf og aðgengi að
íslenskum fjárfestum.
Að hrökkvA eða StökkvA
Að VeRa „AlþjóðAfædd“
„Að þora er mikilvægur eiginleiki frumkvöðla.
Þetta er spurningu um að hrökkva eða stökkva.“Brynja Guðmundsdóttir.
Margrét Sigurðardóttir.
„MusikMusik þróar tónlistarfræðsluefni fyrir
börn í formi tölvuleikja.“
aðalheiður Héðinsdóttir, fram­
kvæmdastjóri Kaffitárs:
Aðalheiður Héðinsdótt­ir, framkvæmdastjóri Kaffitárs, fjallaði um fjár mögnun og fjárfest­
ingar. Hún rakti sögu fyrirtækis-
ins – frá því hún og eiginmaður
hennar stofnuðu það árið 1990.
Hún sagði það alltaf hafa verið
rekið af mikilli ráðdeild og út ­
sjón ar semi til þess að minnka
áhættu. Þau fengu eina og hálfa
milljón að láni en í allt voru um
fjórar og hálf milljón notaðar til
að stofna fyrirtækið. Helmingur
var notaður til þess að hefja
fyrirtækjarekstuirnn – kaupa t.d.
kaffibrennsluofn – en hinn helm ­
ingurinn til þess að fjármagna
tapið þar sem hjónin voru með
neikvætt fjárstreymi.
„Þegar fyrirtækið fór að stækka
var það alltaf með jákvæðri
af komu og við höfum alltaf lagt
áherslu á að skila hagnaði. Þar
af leiðandi höfum við getað
byggt upp efnahagsreikninginn
okkar og við höfum fjármagnað
uppbygginguna að takmörkuðu
leyti með lánum. Við höfum aldrei
þurft að sækja fé til fjárfesta.“
Aðalheiður sagði að á árunum
2004­2008 hefðu ýmsir fjár­
sterkir aðilar haft samband við
sig sem vildu kaupa fyrirtækið
auk þess sem fjármálastofnanir
hefðu viljað lána fé til þess að
láta fyrirtækið vaxa hraðar. „Við
sáum hins vegar aldrei nein
tækifæri í þessu. Ég held að það
sé svo mikilvægt þegar maður
er að huga að sínu eigin fyrirtæki
að maður geri það sem manni
finnst sjálfum henta manni. Við
viljum hafa þetta þannig að við
getum sofið rólega á nóttunni,
að við séum alltaf með hagnað
og við fjármögnum vöxtinn með
þessum hagnaði sem verður til
af því að við erum með sterka
eiginfjárstöðu og mikið eigið
fé. Það er því minni áhætta hjá
lánastofnunum að lána okkur
en við höfum alltaf fengið mjög
góða fyrirgreiðslu í bönkum.“
fjármAgnAð Að TaKmöRK-
uðu leyti með lánum
Aðalheiður Héðinsdóttir.
„Það er mikilvægt í rekstri eigin fyrirtækis að fara eftir eigin sann­
færingu um hvað henti best en hlaupa ekki eftir skoðunum annarra.“