Frjáls verslun - 01.09.2012, Qupperneq 95

FRJÁLS VERSLUN 10. 2012 95
TexTi: HilMar Karlsson
Alfred Hitchcock og starf hans
bak við kvikmyndatökuvélina.
The Girl, sem er sjónvarps mynd
gerð af HBO og frumsýnd í
bandarísku sjónvarpi 20. októ­
ber, sýnir okkur Hitchcock á
mun ógeðfelldari hátt. Fjallar
myndin um samband hans við
leikkonuna Tippi Hedren, sem
lék aðalhlutverkið í tveimur
kvikmynda hans, The Birds og
Marnie. Er The Girl byggð á
hluta úr bókinni Spellbound by
Beauty: Alfred Hitchcock and
His Leading Ladies eftir Donald
Spoto.
Þegar Alfred Hitchcock var
að leita að óþekktri leikkonu í
aðalhlutverkið í The Birds var
það eiginkona hans Alma sem
benti honum á fyrirsætuna
Tippi Hedren, sem Hitchcock
kolféll síðan fyrir. Í The Girl er
sýnt fram á hvernig Hitchcock
reyndi hvað eftir annað að brjóta
Hedren niður og gera hana
háða sér, en Hedren neitaði að
þýðast hann og varði sjálfstæði
sitt, meðal annars með því að
koma með unga dóttur sína
(Melanie Griffith) á tökustað
og hafa nálægt sér. Þegar The
Birds sló eftirminnilega í gegn
og Tippi Hedren þótti standa
sig vel valdi Hitchcoch hana
aftur til að leika í Marnie, en
þó ekki fyrr en hann hafði gert
árangurslausar tilraunir til að fá
Grace Kelly, sem þá var orðin
prinsessa, til að taka að sér
hlutverkið. Þegar Hitchcock
tókst ekkert betur upp í að gera
Hedren háða sér við tökur á
Marnie sá hann til þess að hún
fengi ekkert að gera í kvikmynd­
um næstu árin. Lék Hedren
smávegis í sjónvarpi allt þar til
Charles Chaplin tók af skarið og
fékk henni hlutverk í The Count­
ess From Hong Kong, en aldrei
náði hún að fylgja eftir stóru
hlutverkunum í Hitchcock­my-
ndunum tveimur.
Í The Girl er það breski
leikarinn Toby Jones sem fer
með hlutverk Alfreds Hitch-
cocks. Jones fékk mikið hrós
fyrir túlkun sína á Truman
Capote í Infamous, en leikur
hans féll í skuggann af stjörnu-
leik Philips Seymours Hoffmans
í sama hlutverki á sama tíma í
óskarsverðlaunakvikmyndinni
Capote. Líklegt er að Jones
bíði sömu örlög þegar Hopkins
birtist í Hitchcock. Eins og hjá
Hopkins er hollningin í lagi en
svipurinn ekki eins sannfær­
andi. Sienna Miller leikur Tippi
Hedren og Imelda Staunton
eiginkonuna, Ölmu.

Meðferðin á Alfred
Hitchcock í The Girl hefur farið í
taugarnar á mörgum enda verið
að fjalla um einn dáðasta kvik-
myndaleikstjóra sem uppi hefur
verið á niðrandi hátt og nánast
draga hann í svaðið. Meira að
segja Tippi Hedren hefur komið
honum til varnar en auk þess
að hafa sagt að Hitchcock hafi
eyðilegt feril hennar hefur hún
einnig sagt að hann hafi haft
viss an sjarma sem heillaði hana
og getað verið skemmtilegur og
góður leiðbeinandi.
Alfred Hitchcock fæddist í London 13. ágúst 1899. Áhugi hans á kvikmyndum kom snemma í ljós og árið
1920 fékk hann vinnu í kvikmynda­
veri í London sem aðstoðarmaður
leikstjóra. Árið 1922 fékk hann
fyrsta leikstjórnarverkefni sitt upp í
hend urnar, Number 13, en myndin
var aldrei kláruð. Eftir það fékk hann
vinnu sem handritshöfundur og
listrænn stjórnandi og þar með hófst
ferill sem stóð í 55 ár.
Árið 1925 leikstýrði hann sinni
fyrstu kvikmynd í fullri lengd, The
Pleasure Garden. Sú kvikmynd
sem vakti athygli á honum var The
Lodger (1927) sem þótti óvenjuleg
og frumleg spennumynd. Á næstu
árum leikstýrði Hitchcock nokkrum
kvikmyndum í heimalandi sínu, en
það var ekki fyrr en 1935 sem hann
sló í gegn á heimsmælikvarða með
The 35 Steps.
Hollywood hafði alltaf heillað Hitch­
cock og hann var ekki lengi að flytja
þangað með fjölskyldu sína þegar
hann taldi að sér væru allir vegir
færir. Ekki gekk þrautalaust að koma
undir sig fótunum í Hollywood og
eftir að nokkur stór kvikmyndaver
sögðust ekki hafa not fyrir hann var
það loks david O. Selznick sem gerði
sjö ára samning við Hitchcock, sjálf­
sagt einn dýrmætasti samningur sem
þessi stórhuga framleiðandi gerði.
Samstarfið var samt ekki snurðu­
laust og lenti þeim oft saman þegar
Selznick vildi fá að ráða, sem hann
fékk þó yfirleitt ekki. Fyrsta kvikmynd
Hitchcocks í Hollywood, Rebecca
(1940), sló í gegn sem og hans næstu
kvikmyndir. Ljóst var að konungur
spennumyndanna var kominn fram á
sjónarsviðið.
Hápunktur ferils Alfreds Hitchcocks
sem listamanns hefst með Strangers
on a Train (1951) og lýkur með The
Birds (1963). Auk þessara tveggja
kvik mynda sendi hann frá sér á
þessu tímabili I Confess, Dial M For
Murder, Rear Window, To Catch
a Thief, The Trouble With Harry,
The Man Who Knew To Much,
The Wrong Man, Vertigo, North
By Northwest og Psycho. Allt kvik­
myndir sem eru skylduáhorf hjá öllum
kvikmyndaáhugamönnum.
Heilsu Hitchcocks fór að hraka upp
úr miðjum sjöunda áratugnum og
bera síðustu kvikmyndir hans það
með sér. Þó að um ágætar kvikmyndir
sé að ræða standa þær fyrrnefndum
kvikmyndum langt að baki. Alfred
Hitchcock lést 29. apríl 1980. Þess
má að lokum geta að Hitchcock kom
fram í öllum sínum kvikmyndum, en
yfirleitt aðeins í nokkrar sekúndur.
Anthony Hopkins og Helen
Mirren í hlutverkum hjónanna
Alfreds Hitchcocks og Ölmu
Reville í Hitchcock.
Alfred Hitchcock ásamt Anthony Perkins meðan
tökur á Psycho stóðu yfir.
Lengd kvikmyndar á að vera
í samræmi við hvað blaðran
í mann eskjunni þolir.
Alfred Hitchcock
alfred
Hitchcock
Scarlett Johansson leikur Janet Leigh í Hitchcock.