Víkurfréttir - 06.09.2012, Side 24

Beisluð sýn
Að baki er bjart og hlýtt sumar.
Þurrara en mörg
önnur undanfarin
ár. Garðslangan
fék k s inn sker f
af notkuninni og
gróðurinn drakk í
sig úðann. Krækiberjalyngið á skag-
anum hefur ekki fengið sömu með-
ferð og er líflaust á haustdögum.
Þarf að sækja berin eitthvað lengra
að þessu sinni. Dásamlegt að fá að
safta svolítið og eiga djúsinn í vetur.
Skipulag sumarsins gekk aldrei
þessu vant vel fyrir sig og teyging
á því var að njóta sólarinnar á
Spánarströnd í maí. Varð svo miklu
meira úr sumrinu fyrir vikið. Sum-
arbústaðarferðir og ferðalög lifa í
minningunni. Haustið á næsta leiti
og myrkrið að skella á.
Ólíkt öðrum þá er minn tími að renna upp. Elska þennan tíma.
Tími fyrir kertaljós í gluggasyllum
og notalegar kvöldstundir í kyrrð-
inni. Keypti þennan líka lekkera
ilmolíulampa á Ljósanótt sem ætlar
að magna stemninguna fyrir mér.
Litríkt ljósaskraut að auki. Snark í
arineldi og flísteppi um öxl í haust-
rökkrinu á eftir að lama lúnar lappir
og næra sálartetrið. Ljúfir tónar úr
lystigarði ættartrésins á Skólaveg-
inum fylla umgjörðina og tómið
sem útaf stendur. Eldar, sem dropi í
hafið en fylling í sjálfið. Lóan safn-
ast saman á túninu og undirbýr að
kveðja í bili. Þennan táradal. Lofar
að koma aftur með birtu og yl. Við
þurfum á því að halda.
Félagsstarfið í undirbúningi. Fjörugt og fyrirferðarmikið.
Bræðralagið binst að nýju og ber
saman bækur sínar. Lífið er marg-
breytilegt og ljómi afurðarinnar
ólíkur. Ekki eru allir í lífsins leik.
Aðrir eins og lauf í vindi. Flestir
endurnærðir eða gæfuríkir. Hæðir
eða lægðir eins og gerist og gengur
í lífinu. Gagnast þá faðmur félags-
skaparins og umhyggja fyrir
hvorum öðrum. Fátt betra en hlýtt
handtak eða fágæt stund í horni.
Nálgun í næði. Borin á borð af ein-
lægni og heiðarleika.
Markmiðin liggja þó fyrir og daðra við mig í fylgsnum
hugans. Það er svo margt sem mig
langar að gera og hefur lengi langað.
Draumar geta orðið að veruleika ef
stefnan er mörkuð. Blanda af elju
og hógværð hefur reynst mér vel
hingað til. Stefni á slíka tvennu. Þú
uppskerð eins og þú sáir. Jarðvegur-
inn frjór fyrir flestar hugmyndir.
Sást vel á litbrigðum listafólksins
um helgina. Hamingjan skein úr
hverju andliti enda fantasíurnar
ferskar. Mínar eru þegar komnar á
blað og bíða frjóvgunar. Framkalla
sýn sem ekki verður beisluð öllu
lengur.
vf.is
Fimmtudagurinn 6. september 2012 • 35. tölublað • 33. árgangur
auglýsingasími víkurfrétta er 421 0001
FIMMTUDAGSVALS
VAlUr KeTIlSSon SKrIFAr
Opið alla miðvikudaga frá kl. 8:00 – 16:00
Tímapantanir í síma 426 8540
Opið virka daga frá kl. 8:00 – 17:00
Frjáls mæting
Daglegar fréttir
www.vf.is