Víkurfréttir - 08.11.2012, Blaðsíða 12

fimmtudagurinn 8. nóvember 2012 • VÍKURFRÉTTIR12
viðtalið
„Við erum að kynna fólki fyrir
Suðaustur-Asíu en leggjum mesta
áherslu á að kynna Taíland eins
og er. Þetta er ferðamannaþáttur
sem sýndur er á netinu og hentar
fyrir fólk á ferðinni. Við kynnum
spennandi ferðamannastaði, veit-
ingahús, lúxushótel og fleira í þeim
dúr. Þetta er mjög spennandi og
við erum að hefja tökur á annarri
þáttaröð,“ segir Angie. Þættirnir
fyrir iTravel eru teknir upp um
helgar og er hlutastarf hjá Angie.
Hennar daglega starf er fyrir
Europcar og starfar hún sem að-
stoðarmarkaðsstjóri fyrirtækisins
í Bangkok. „Það er mikið að gera
og ég er stanslaust að hoppa á milli
skrifstofuvinnunnar og að stjórna
ferðaþættinum,“ bætir Angie við.
Boðið að leika í auglýsingum
Tökur á annarri þáttaröð hófust
fyrir skömmu og var fyrsta takan
á þyrlupalli Hilton hótelsins í
Bangkok. Í annarri þáttaröð verður
ferðast meira um Taíland og einnig
Suðaustur-Asíu. Frammistaða
Angie í þáttunum hefur vakið
athygli og hafa henni verið boðin
nokkur áhugaverð störf í kjölfarið
„Mér hefur verið boðið að stjórna
öðrum þáttum og leika í auglýs-
ingum en ég hef afþakkað það því
ég kýs að vinna frekar með iTravel
og klára aðra þáttaröð áður en ég
sný mér að öðrum verkefnum. Ég
hef þá reglu að nota ekki orðið
‚aldrei‘ þannig að ef mér verða
boðin störf eftir að tökum lýkur
þá er aldrei að vita hvað gerist.“
Í starfi sínu fyrir iTravel hefur
Angie ferðast víða um Taíland. „Ég
hef fengið að ferðast á marga afar
merkilega staði. Svo hef ég fengið
að taka viðtöl við marga fræga
Taílendinga, s.s. sjónvarpsstjörnur,
tónlistarmenn, ungfrú Taíland og
ungfrú Heim. Þetta hefur verið
ótrúlega skemmtilegur tími.“
Nýtur lífsins í Bangkok
Angie flutti til Bangkok fyrir
nokkrum árum og nýtur þess að
búa í höfuðborg Taílands. „Það er
allt öðruvísi að búa hér í Bangkok
en heima á Íslandi. Ég fæddist hér
en fluttist til Íslands þegar ég var
fimm ára með taílenskri móður
og íslenskum föður. Ég vissi því
lítið um Taíland. Ég var komin
með mikla ferðaþrá eftir að hafa
búið í Hondúras sem skiptinemi
og ákvað að flytja til Taílands
þegar ég var 19 ára. Ég kunni
voða lítið í taílensku því ég tala
mest íslensku við mömmu. Þegar
ég kom hingað út þá kunni ég
hvorki að lesa né skrifa. Ég fékk
vinnu sem fararstjóri fyrir Óríental
í Taílandi og það hjálpaði mér
mikið. Þetta hefur samt gengið
mjög vel og það er gott að búa í
Bangkok. Hér er allt opið allan
sólarhringinn og mikið um að
vera. Bangkok er borg sem aldrei
draumavinna
„Þetta er algjör draumavinna. Ég fæ að kynna móðurlandið mitt fyrir
fólki úti um allan heim,“ segir Vogamærin Anchelee Baldursdóttir.
Hún hefur undanfarna mánuði verið þáttastjórnandi í ferða- og kynn-
ingarþætti um Asíu á netsjónvarpsstöðinni iTravel. Hún býr í Bangkok í
Taílandi og fékk starfið eftir að hafa stýrt góðgerðarsamkomu í Taílandi til
styrktar brjóstakrabbameini. Anchelee, eða Angie eins og hún er jafnan
kölluð, bjó um nokkurra ára skeið í Vogunum fyrir nokkrum árum og
stundaði nám við Fjölbrautaskóla Suðurnesja.
vogamær stjórnar
sjónvarpsþætti í taílandi
sefur,“ segir Angie sem sér ekki
fyrir sér að koma til Íslands á næst-
unni. Hún getur þó vel hugsað
sér að koma heim í framtíðinni.
„Ísland verður alltaf mitt heima-
land fyrir mér. Hér ólst ég upp,
foreldrarnir og öll fjölskyldan
mín eru á Íslandi. Ég kíki oft í
heimsókn til Íslands en það er
ekki á döfinni að flytja aftur heim
á næstunni. Ég hef ekki notað ís-
lenskuna í nokkur ár og hún er því
orðin pínulítið ryðguð. Það væri
spennandi að starfa í sjónvarps-
bransanum heima á Íslandi og fá
að stjórna þætti á íslensku ef mér
yrði boðið það.“ Finna má þætti
iTravel á www.youtube.com.
n væri spennandi að starfa í sjónvarpsbransanum heima á Íslandi
VIðTAl Jón Júlíus Karlsson • MyNdIR úr einKasafni angie
Mér hefur verið boðið að
stjórna öðrum þáttum
og leika í auglýsingum
en ég hef afþakkað
það því ég kýs að vinna
frekar með itravel og
klára aðra þáttaröð
áður en ég sný mér að
öðrum verkefnum.
Lífið!