Víkurfréttir - 08.11.2012, Blaðsíða 22

fimmtudagurinn 8. nóvember 2012 • VÍKURFRÉTTIR22
SPORTIÐ
Stu
tta
r
Hnefaleikakapparnir Björn Snævar Björnsson og Elvar
Sturluson héldu til Svíþjóðar á
dögunum þar sem þeir kepptu
fyrir hönd HFR í hinu árlega
ACBC boxmóti, sem er eitt það
stærsta í heiminum. Var þetta
í fyrsta sinn sem þessir kappar
keppa á alþjóðavettvangi en Björn
fór þó utan í sumar þar sem hann
æfði við topp aðstæður í Las Ve-
gas í Bandaríkjunum. Á mótinu
í Svíþjóð voru rúmlega 600 kepp-
endur, þ.á.m. 25 Íslendingar, en
mótið er meðal þeirra stærstu
sem haldin eru í heiminum fyrir
áhugahnefaleikara.
Það er óhætt að segja að strákunum
hafi gengið prýðilega en Elvar náði
í sigur í sínum fyrsta bardaga, sem
jafnframt var hans allra fyrsti bar-
dagi á ferlinum, en mátti sætta sig
við tap í þeim seinni eftir hetjulega
baráttu. Elvar sem hóf að stunda
hnefaleika af krafti fyrir tæpu ári
síðan var virkilega ánægður með
mótið og sagði í samtali við Víkur-
fréttir að reynslan væri ómetanleg.
„Nú er bara að bæta sig enn frekar
og mæta öflugur til leiks að ári
liðnu, en stefnan er að fara aftur og
keppa þá jafnvel í B-flokk,“ segir
Elvar sem nú keppti í C-flokki í
léttþungavikt þeirra sem einungis
hafa 5 eða færri bardaga að baki.
Elvar vann eins og áður segir sinn
fyrsta bardaga en það dugði til þess
að tryggja honum silfurverðlaun.
„Gullið kemur þá bara næst,“ segir
Elvar léttur í bragði.
Björn Snævar sem keppti í A-flokki
í 69 kg veltivigt, eða efsta styrk-
leikaflokki, drógst á móti gríðarlega
öflugum andstæðingi en sá er Sví-
þjóðarmeistari og mikill reynslu-
bolti. Birni gekk vel í bardaganum
og tapaði naumlega. „Þar mætti ég
einum erfiðasta andstæðingi sem
ég hef átt við og hlaut ósigur eftir
þrjár langar og annríkar lotur. Í lok
mótsins fagnaði þessi svíi sigri á
mótinu fjórða árið í röð,“ svo það er
ljóst að Björn var ekki að etja kappi
við neinn aukvisa.
Björn er einnig þjálfari Elvars
og var hann gríðarlega stoltur af
frammistöðu hans.
„Ég er gríðarlega stoltur þjálfari
eftir þessa helgi. Elvar átti tvo
hörkubardaga þar sem hann sýndi
hreint frábæra takta, hann þurfti
að sætta sig við nauman ósigur í
seinni bardaganum en ekki mátti
miklu muna,“ sagði Björn. Hnefa-
leikafélag Reykjaness stefnir að
sjálfsögðu til Gautaborgar að ári
enda mikilvæg reynsla sem fæst af
mótum af þessari stærðargráðu.
„Það munum við klárlega gera og
þá með ennþá stærra lið heldur
en í ár. Við erum með góða, upp-
rennandi unglinga sem eiga eftir
að koma sér vel fyrir í hringnum
þarna.“
ALMENNAR RAFLAGNIR
Viðhald og breytingar á raflögnum
Nýlagnir og endurnýjun raflagna
Rafmagnstöflur
Tölvu- og símalagnir
Sjónvarpslagnir
Dyrasímar
Ekkert sem tilheyrir raflögnum og rafmagni er okkur
óviðkomandi. Við leggjum áherslu á fagmannleg vinnubrögð
og góða umgengni.
Við komum á staðinn, gerum úttekt á raflögnum og ástandi
þeirra og veitum ráðleggingar um framhaldið.
Brekkustíg 16 - Reykjanesbæ - S: 612-5552, 611-5552 og 421-4426
Kæru viðskiptavinir,
Þar sem ég er að nýju flutt aftur heim, mun ég hefja
störf á ný, þann 3. desember á NÝJA CARINO
í Krossmóa 4 og eru því allir velkomnir,
bæði nýir sem gamlir viðskiptavinir.
Hlakka til að sjá sem flesta
Tímapantanir í síma 421 2488
Með bestu kveðju,
Maggý
Sjúkraflutningar í Grindavík voru til umræðu á fundi
bæjarstjórnar en áður hafði verið
fjallað um málið í bæjarráði. Sig-
ríður Snæbjörnsdóttir forstjóri
Heilbrigðisstofnunar Suðurnesja
og Jón Guðlaugsson slökkvi-
stjóri Brunavarna Suðurnesja
komu á 1301. fund bæjarráðs og
gerðu grein fyrir fyrirhuguðum
breytingum á sjúkraflutningum í
Grindavík, sem fela í sér að ábyrgð
á flutningunum færast frá HSS til
BS. Sjúkraflutningamenn verða
þá starfsmenn BS í stað HSS.
Sjúkraflutningamennirnir Páll Jó-
hannesson, Gunnar Baldursson,
Örn Sigurðsson, Sigurður Karls-
son og Bogi Adolfsson komu á
1302. fund og gerðu grein fyrir
sjónarmiðum starfsmanna varð-
andi fyrirhugaðar breytingar á
rekstri sjúkraflutninga.
Bæjarstjórn telur að þjónusta
sjúkraflutninga í Grindavík sé
góð og er ekki sannfærð um að
þjónusta og viðbragð muni aukast
með þeim breytingum sem fyrir-
hugaðar eru. Bæjarstjórn óttast að
með breytingunum verði rekstrar-
grunni sjúkrabíls í Grindavík
ógnað, sem geti leitt til þess að í
framtíðinni verði ekki sjúkrabíll
staðsettur í Grindavík. Slík þróun
væri algerlega óásættanleg fyrir um
3.000 manna sveitarfélag með öfl-
uga útgerð og ferðaþjónustu, en um
Grindavík og Grindavíkurhöfn fara
árlega hundruðir þúsunda gesta.
Bæjarstjórn leggst því alfarið gegn
breytingunum.
Leggjast gegn breytingum
á sjúkraflutningum
Þakka auðsýnda samúð og hlýhug við andlát
og útför elskulegs bróður míns,
Árna Jakobs Óskarssonar,
Framnesvegi 20, Reykjanesbæ.
Sérstakar þakkir til starfsfólks
Heilbrigðisstofnunar Suðurnesja.
Guðný Óskarsdóttir.
- Á einu stærsta áhugahnefaleikamóti heims
Silfur í Gautaborg
Björn Snævar þjálfari, Elvar Sturluson og Arnór Már Grímsson frá Akranesi.
Sjö SIguRLeIkIR
í RöÐ hjá kefLa-
víkuRSTúLkum
Kvennalið Keflavíkur hefur fjögurra stiga forystu
í efsta sæti Dominos-deildar
kvenna í körfuknattleik. Liðið
hefur unnið alla sjö leiki sína á
leiktíðinni til þessa og er með
fullt hús stiga eða 14 stig. Kefla-
vík lagði Fjölni að velli í fram-
lengdum leik í Toyota-höllinni
á þriðjudag. Lokatölur urðu
79-69 fyrir Keflavík. Jessica
Jenkins skoraði 25 stig fyrir
heimakonur og Pálína Gunn-
laugsdóttir kom næst með 23
stig. Fyrir leikinn var Keflavík í
efsta sæti en Fjölnir í því neðsta
og því kom á óvart að leikurinn
hafi verið svona jafn.
„Þetta var slakur leikur hjá okkur
og vonandi lærum við af honum.
Við spiluðum vel í fyrri hálfleik
en svo er eins og við mætum ekki
í seinni hálfleikinn. Við vinnum
ekki leik á 20 mínútum,“ sagði
Pálína í viðtali eftir leikinn. Liðið
hefur nú unnið alla sína leiki í
deildinni. Pálína segir mikilvægt
að missa ekki einbeitinguna.
„Við hugsum bara um einn leik
í einu og næsti leikur er á móti
Haukum. Þar skiptir engu máli
hversu marga leikið við höfum
unnið í röð.“
gunnaR áfRam
hjá njaRÐvík
Gunnar Magnús Jónsson skrifaði undir fram-
lengingu á samning sínum við
knattspyrnudeild Njarðvíkur
og mun hann því áfram þjálfa
meistaraflokk karla hjá fé-
laginu. Gunnar var fyrst ráðinn
haustið 2010 til tveggja ára og
hefur verið mikil ánægja með
störf hans. Æfingar og undir-
búningur fyrir næsta keppnis-
tímabil hefjast í dag. Liðið
leikur í 2. deild þar sem liðið
hafnaði um miðja deild síðast-
liðið sumar.
njaRÐvík SemuR
vIÐ mOORe
Úrvalsdeildarlið Njarðvíkur í körfuknattleik hefur
samið við Bandaríkjamanninn
Nigel Moore um að spila með
félaginu að því er fram kemur á
vef félagsins.
Moore er fenginn til að fylla
skarð Jeron Belin en samningi
hans við félagið var rift í síðasta
mánuði þar sem hann þótti ekki
standa undir væntingum.
Moore er 31 árs gamall og þykir
fjölhæfur leikmaður. Hann
hefur spilað sem atvinnumaður
í Þýskalandi og Finnlandi.
Bandaríkjamaðurinn leikur sinn
fyrsta leik með Njarðvíkingum
á morgun þegar þeir sækja KR-
inga heim.
Atli Eðvaldsson, fyrrum landsliðsþjálfari Íslands
í knattspyrnu, var í síðustu
viku ráðinn nýr þjálfari Reynis
Sandgerðis en liðið leikur í 2.
deild. Segja má að ráðning Atla
sé nokkur hvalreki fyrir Sand-
gerðinga enda er Atli sigur-
sæll þjálfari og hefur mikla
menntun í faginu. Hann gerði
KR að Íslandsmeisturum árið
1999 og tók í kjölfarið við ís-
lenska landsliðinu. Atli þjálfaði
síðast Val sumarið 2009.
„Eftir að hafa hitt Sandgerðinga
og hlustað á þeirra markmið þá
hugsaði ég að þetta væri tilvalið
tækifæri til að koma og byggja
upp,“ segir Atli í samtali við
Víkurfréttir. Hann telur góðan
efnivið í liði Reynis og er bjart-
sýnn á gengi liðsins næsta sumar.
„Við munum ekki fá til okkar fullt
af leikmönnum – það er ljóst. Við
erum ákveðnir í að byggja á því
sem er hér fyrir. Ég tel að við
séum með nógu gott lið til að fara
upp um deild. Vonandi tekst mér
að gera þessa leikmenn enn betri.
Ég get ekki beðið eftir að byrja og
trúi að þetta eigi eftir að ganga
mjög vel. Klúbbur með svona
góða aðstöðu eins og Reynir
Sandgerði á skilið að vera ofar en
í 2. deild.“ Heyra má nánar í Atla
í sjónvarpi Víkurfrétta á vf.is.
aTLI eÐvaLdS TekuR
vIÐ ReynISmönnum