Bæjarins besta - 08.02.2007, Síða 6

FIMMTUDAGUR 8. FEBRÚAR 20076
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564 · Ritstjóri:
Sigurjón J. Sigurðsson, sími 892 5362, bb@bb.is · Blaðamenn: Eiríkur Örn Norðdahl, símar 456 4694 og 845
2685 eirikur@bb.is – Thelma Hjaltadóttir, símar 456 4693 og 849 8699, thelma@bb.is – Anna Sigríður Ólafs-
dóttir, símar 456 4680 og 860 6062, annska@bb.is · Ritstjóri netútgáfu bb.is: Sigurjón J. Sigurðsson ·
Ljósmyndari: Halldór Sveinbjörnsson, sími 894 6125, halldor@bb.is · Ábyrgðarmenn: Sigurjón J. Sigurðsson
og Halldór Sveinbjörnsson · Lausasöluverð er kr. 300 eintakið með vsk. Veittur er afsláttur til elli- og örorkulíf-
eyrisþega. Einnig sé greitt með greiðslukorti. · Önnur útgáfa: Ferðablaðið Á ferð um Vestfirði. · ISSN 1670 - 021X
Þjóðarkakan
Ritstjórnargrein
Hafrannsókn til Ísafjarðar
Á þessum degi fyrir 21 ári
Sighvatur Björgvinsson lagði nú nýverið fram frumvarp til
laga, sem gerir ráð fyrir flutningi aðalstöðva Hafrannsókna-
stofnunar til Ísafjarðar. Í greinargerð með frumvarpinu segir
m.a. „Megintilgangur þessa frumvarps er einfaldur og ljós.
Hann er sá að aðalskrifstofum og stjórnsýslustöð Hafrann-
sóknastofnunar verðir valinn staður á Ísafirði en útibú frá
stofnuninni verði starfrækt frá Reykjavík og einnig á öðrum
stöðum eftir því sem stjórn stofnunarinnar telur rétt vera.
Margt mælir með því að Ísafjörður verði valinn sem aðalstarfs-
vettvangur fyrir þessa stofnun. Þar er sjávarútvegur aðalat-
vinnuvegur og menn hafa þar langa reynslu af sambýlinu við
hafið og nýtingu auðlinda þess. Í næsta nágrenni eru einhver
gjöfulustu fiskimið landsins og við Djúp eru einhverjar full-
komnustu fiskverkunarstöðvar í eigu Íslendinga. Ýmis vísinda-
leg starfsemi hefur risið upp í tengslum við þessar stöðvar og
sjósókn og fiskvinnslu Djúpverja: rannsóknir á sjávardýrum
og sjávarlífi, rannsóknir og tilraunir með veiðarfæri og rann-
sóknir og framleiðsla á tölvubúnaði til nota við fiskvinnslu og
fiskveiðar.
Skipting þjóðarkökunnar milli ríkis og sveitarfélaga hefur
löngum verið þrætuepli; átök þar sem sveitarfélögin hafa
alla jafnan farið halloka, borið skarðan hlut frá borði. Þykir
mörgum sem stóri bróðir, ríkið, hafi um of tekið sumar hús-
freyjur fyrri alda, sem naumt þóttu skammta í aska hjúa
sinna, til fyrirmyndar. Slíkt hefur sjaldan þótt gott til afspurnar
og ranglátt gagnvart þeim er guldu.
Á undanförnum árum hefur sitthvað verið gert til að auka
umfang sveitarfélaganna. Má þar til nefna yfirtöku þeirra á
rekstri Grunnskólans. Gott mál, sem því miður var ekki
nægilega vel að staðið. Meðgjöfin með Grunnskólanum var
ekki næg. Útreikningar á kostnaði við yfirtökuna reyndust
ekki réttir. Allar ábendingar um nauðsyn leiðréttinga og rétt-
mæti í þeim efnum hafa verið hundsaðar. Og þar við situr.
Vegna þessa eru mörg sveitarfélög margfalt verr á vegi
stödd fjárhagslega en ella hefði verið. Til viðbótar hafa
breytingar á skattalögum gert sveitarfélögum róðurinn enn
erfiðari. Þannig hefur skattaumhverfi hálfs þriðja tugs þús-
unda einkahlutafélaga stórlega rýrt tekjur sveitarfélaganna.
Hið sama gildir um sívaxandi fjölda skattgreiðenda sem
greiðir engan tekjuskatt, einungis fjármagnstekjuskatt. Af
þessum skattgreiðendum fá sveitarfélögin ekki neitt í sinn
hlut. Ríkið hirðir hverja krónu.
Samband íslenskra sveitarfélaga samþykkti á þingi sínu á
síðastliðnu hausti að krefjast þess að sveitarfélögin fengju
hlutdeild í tekjuskatti einkahlutafélaga og fjármagnstekjum.
Með öðrum orðum: Ríkið hirti ekki allar tekjurnar en sveitar-
félögin sætu uppi með þjónustuna. Svo augljóst sem þetta er
ætti úrlausn málsins ekki að vera flókin. Hingað til hefur
krafan um úrlausn þó ekki náð eyrum valdhafa. Nú, hart nær
hálfu ári frá þingi Sambandsins þegar Halldór Halldórsson,
bæjarstjóri Ísafjarðarbæjar, tók við formennsku, hillir undir
viðræður milli þess og ríkisvaldsins. Á formanninum er það
að heyra að hann sé vongóður um að stjórnvöld komi til
móts við kröfur sveitarfélaganna um breytta og réttlátari
skiptingu þjóðarkökunnar en verið hefur til þessa.
Vonandi er mat formannsins ekki óskhyggjan ein. Vonandi
opnast augu stjórnvalda fyrir því að það gengur ekki endalaust
að guma af eigin ágæti yfir sívaxandi tekjum og segja sveit-
arfélögunum bara að herða sultarólina til að mæta skerðing-
unni sem þau verða fyrir. Íbúar sveitarfélaganna eru sama
fólkið og fólkið sem ríkisvaldið telur sig vera að gæta hags-
muna fyrir. Velferð þessa fólks er hin sama hvort sem henn-
ar er gætt af ríkisins hálfu eða sveitarfélaganna.
Þjóðarkakan er bara ein líkt og þjóðin sem deilir henni.
Þess vegna getur ríkið ekki setið að kökunni á meðan sveit-
arfélögin verða að láta sér nægja að hirða molana sem kunna
að falla af borðinu.
s.h.
Finnbogi næsti formaður Verk-Vest?
Finnbogi Sveinbjörnsson verður formaður Verkalýðsfélags Vestfirðinga ef
tillögur kjörnefndar félagsins verða að veruleika við stjórnarkjör. Trúnaðar-
mannaráð Verk-Vest samþykkti á laugardag tillögur kjörnefndar félagsins um
stjórn, trúnaðarmannaráð, stjórn sjúkrasjóðs, orlofsnefnd og skoðunarmenn
ársreikninga til næstu tveggja ára. Aðrir á lista kjörnefndar eru Ólafur Baldurs-
son sem varaformaður, Erna Sigurðardóttir sem ritari og Karitas Pálsdóttir sem
gjaldkeri. Samkvæmt lögum félagsins er tveggja vikna frestur til mótframboðs.
Ísafjarðarbær í Landssamtök landeigenda
Bæjarstjórn Ísafjarðarbæjar hefur samþykkt að gerast stofnandi í Landssamtökum
landeigenda á Íslandi. Hefur Guðnýju Sverrisdóttur, bæjarstjóra Grenivíkurhrepps,
veitt umboð til að skrá sveitarfélagið í samtökin. Stofnfundur samtakanna var 25.
janúar síðastliðinn en þar var samþykkt ályktun þess efnis að þjóðlendulögunum verði
breytt strax á þá leið að jörð með athugasemdalausu þinglýstu landamerkjabréfi verði
eignarland. Auk þess að afréttir verði ekki gerðar að þjóðlendum. Þátttaka Ísafjarðar-
bæjar var samþykkt með öllum atkvæðum meirihluta, gegn atkvæðum minnihluta.
Minningarferð um Gísla
Hjartarson er fyrirhuguð hjá
Ferðafélagi Íslands í lok júlí,
verður hún farin í samstarfi
við Ferðafélag Akureyrar og
er fararstjóri í henni Jakob
Kárason en honum til full-
tingis verður Ólafur Halldórs-
son. Farið verður um Látravík,
Bolungarvík og Reykjafjörð
á Ströndum. Gísli átti langan
feril sem fararstjóri á Horn-
ströndum, hafði mikla þekk-
ingu á svæðinu og skrifaði
um það margar fræðandi
greinar. Í ferðinni verður reist-
ur sérstakur minningarskjöld-
ur um Gísla, sem fyrst var
ætlað að reisa á svonefndri
Þrengslaleið, en Gísli átti stór-
an þátt í því að gera hana að
vinsælli leið milli Sópanda í
Lónafirði og Barðsvíkur. Jak-
ob segir óvíst á þessum tíma-
punkti hvar hann mun á end-
anum rísa, en hann mun verða
látlaus og ekki trufla augað í
óspilltu umhverfinu.
Hugmyndin á bak við ferð-
ina, má rekja til gönguhóps
sem farið hefur á Hornstrandir
allt frá 1980, en árið 2004 var
Jakob að skoða myndir þar
sem meðal annars var mynd
af hópnum frá 1980, honum
fannst ráð að hóa fólkið aftur
saman og efna til ferðar um
svæðið. Göngugarparnir voru
til og fóru í ferð um svæðið
sumarið á eftir. Þar var Gísli
sem talaði um að árið 2007
myndi hann fara í afmælisferð
um svæðið þar sem hann
fagnaði „100 ára“ afmæli, en
hann hefði orðið sextugur og
myndi vera að fagna 40 ára
leiðsögumannsafmæli. Í jan-
úar 2006 hittist gönguhópur-
inn á myndakvöldi og þar var
ákveðið að halda ferðinni til
streitu og breyta henni í minn-
ingarferð. – annska@bb.is
Reisa minningarskjöld um Gísla
Trjágróður ekki í hættu
út af óvenju hlýju tíðarfari
Ekki er hætta á að óvenju-
hlýtt tíðarfar að undanförnu
muni hafa skaðleg áhrif á
trjágróður að sögn Kristján
Jónsson hjá Skjólskógum Vest-
fjarða. „Hlákan ætti nú ekki að
hafa mikil áhrif á gróðurinn
en það er hins vegar spurning
ef það heldur áfram að hlýna
um leið og daginn fer að lengja.
Ef hitinn fer upp í 10 gráður í
einhvern tímann gætu ein-
hverjar suðrænni tegundir far-
ið af stað, en þær norrænu
eins og íslenska birkið láta
ekkert plata sig, þær plöntur
eru birtustýrðar og fara ekkert
af stað fyrr en sólin fer að
skína á ný“ Þá er í nógu að
snúast hjá Skjólskógum við
að undirbúa sumarið.
„Við erum að pæla og
skipuleggja og fá upplýsingar
hjá bændum um hvað þeir ætli
að láta niður næsta sumar.
Þetta er allt í eðlilegum farvegi
hjá okkur og í góðum gír þótt
maður vilji nú alltaf fá meira
fé frá ríkinu til að halda starf-
seminni í góðum málum“,
segir Kristján Jónsson hjá
Skjólskógum.
Ríflega sjö þúsund manns heimsóttu
Byggðasafnið á Ísafirði á liðnu ári
Alls voru gestir Byggða-
safns Vestfjarða í fyrra 7003
talsins, en safnið opnaði fyrir
almenning þann 1. júní og var
opið fram til 15 september.
Langstærstur hluti gesta voru
ferðamenn, eða 5680 manns,
og af ferðamönnum voru far-
þegar skemmtiferðaskipa lang
fyrirferðarmestur, en þeir
töldu 3.391 og voru því nær
helmingur gesta ársins. 22
skemmtiferðaskip komu til
Ísafjarðar síðastliðið sumar,
og voru 16 þeirra með skipu-
lagðar rútuferðir þar sem
Byggðasafnið var einn við-
komustaða.
Þá var slegið dagsmet í
fjölda ferðamanna þegar stær-
sta skemmtiferðaskip sumars-
ins, Sea Princess, kom í sept-
ember. Þann dag heimsóttu
ríflega 600 manns safnið. Aðr-
ir erlendir gestir voru 2.289.
Fullorðnir Íslendingar voru
929 talsins og börn voru 394.
Segir Jón Sigurpálsson, for-
stöðumaður Byggðasafnsins,
að ljóst sé á þessum tölum að
erlendir gestir, og þá sérílagi
farþegar skemmtiferðaskipa,
séu safninu mikilvægir og
huga verði sérstaklega að því
í framtíðinni, ekki síst í ljósi
þess að þeir aukast ár frá ári.
Byggðasafnið í Neðstakaupstað.