Bæjarins besta - 10.01.2008, Blaðsíða 3

FIMMTUDAGUR 10. JANÚAR 2008 3
Illa gengur að útdeila byggðakvótanum
Byggðakvóti síðasta fiskveiðiárs mjatlast út en úthlutunin gengur illa vegna
nýrra reglna. Alls var 4.385 þorskígildistonna aflamark ætlað til byggða-
kvóta fiskveiðiársins 2006/2007. Búið er að úthluta 1.641 þíg-tonni. Á
Vestfjörðum kom mestur byggðakvóti hlut Súðavíkurhrepps eða 204 þíg-
tonnum. Enn á eftir að úthluta 140 þíg-tonnum af byggðakvóta Súðavíkur.
Af 68 þíg-tonnum sem Bolvíkingar eiga fengu á eftir að úthluta 15 þíg-
tonnum. Ekkert er búið að útdeila af byggðakvóta Ísafjarðarbæjar.
Pólverjum fækkar milli ára í Ísafjarðarbæ
Pólverjar eru stærsti hópur fólks með erlent ríkisfang í Ísafjarðarbæ en fækkar þó
milli ára. Í árslok 2007 voru 179 Pólverjar búsettir í bænum og hafði fækkað
um fimm frá fyrra ári. Filipseyskir ríkisborgarar eru næst fjölmennastir í sveitar-
félaginu, eða 24 samanborið við 23 árið 2006. Þar á eftir koma tælenskir
ríkisborgarar sem eru 22 talsins og er það óbreytt tala milli ára. Íbúum Ísa-
fjarðarbæjar fækkaði um 135 á árinu. Tölurnar eru fengnar frá Hagstofu Íslands
og eru bráðabirgðatölur sem miðast við 1. desember síðastliðinn.
Sólveig íþróttamaður ársins 2007
Gönguskíðakonan Sólveig
Guðmunda Guðmundsdóttir
var kjörin íþróttamaður Ísa-
fjarðarbæjar árið 2007 á sunnu-
dag. Sólveig hefur æft skíða-
göngu hjá Skíðafélagi Ísfirð-
inga í átta ár. Hún er ein efni-
legasta skíðagöngukona lands-
ins og er í Unglingalandsliðs-
hópi Íslands í skíðagöngu.
Sólveig náði frábærum árangri
á árinu 2007, hún landaði sex
Íslandsmeistaratitlum og er
auk þess tvöfaldur bikarmeist-
ari. Á vef Skíðafélags Ísfirð-
inga, snjor.is segir að hún sé í
stöðugri framför og eigi bjarta
framtíð fyrir sér í skíðagöngu-
heiminum. Þar segir ennfrem-
ur: „Sólveig er dugleg og
fylgin sér og leggur sig ávallt
100% fram á æfingum og í
keppnum. Hennar ástundun er
óaðfinnanleg. Sólveig er reglu-
manneskja á áfengi á tóbak
og er frábær fyrirmynd hvar
sem hún kemur.“
Viðurkenning fyrir útnefn-
inguna og farandbikar var
afhentur við hátíðlega athöfn
í Stjórnsýsluhúsinu og þar
veitti móðir Sólveigar, Þóra
Einarsdóttir, verðlaununum
viðtöku fyrir hönd dóttur sinn-
ar sem er rétt ókomin til baka
frá skíðaæfingum í Noregi.
Tilnefndir voru auk Sól-
veigar eftirtaldir íþróttamenn:
Anton Helgi Guðjónsson frá
Golfklúbbi Ísafjarðar, Bragi
Björgmundsson frá Hesta-
mannafélaginu Stormi, Guð-
björg Einarsdóttir frá KFÍ,
Guðmundur Valdimarsson frá
Skotíþróttafélagi Ísfirðinga,
Páll Janus Þórðarson frá Vestra,
Ragney Líf Stefánsdóttir
sundkona frá Íþróttafélaginu
Ívari, Telma Björk Sörensen
frá Hestamannafélaginu Hend-
ingu, Sigþór Snorrason frá BÍ
88 og Stígur Berg Sophusson
frá glímudeild Harðar.
– sigridur@bb.is
Sólveig Guðmunda Guðmundsdóttir var kjörin íþróttamaður Ísafjarðarbæjar árið 2007.
Hér eru þeir samankomnir sem tilnefndir voru til íþrótta-
manns ársins 2007, eða fulltrúar þeirra í einhverjum tilvikum.
Seabait gert að greiða fjórar milljónir
Beitufyrirtækinu Seabait í
Súðavík hefur verið dæmt í
Héraðsdómi Vestfjarða til að
greiða danska fyrirtækinu Int-
ercargo Coldstores A/S óum-
deilda skuld sem nemur rúm-
um 330 þúsund danskra króna
eða fjórum milljónum íslensk-
ra króna. Skuldin var sam-
kvæmt þremur reikningum þar
sem skilyrði einhliða skulda-
jafnaðar voru ekki talin upp-
fyllt og jafnframt að ósannað
væri að sérstaklega hefði verið
samið um skuldajöfnuð.
Málsatvik eru þau að á fyrri
hluta árs 2006 keypti Seabait
pappírsrúllur af Intercargo
Coldstores til að nota við
pokabeituframleiðslu sína og
gerði gerði danska fyrirtækið
félaginu fjóra reikninga vegna
kaupanna. Þá er óumdeilt að
Seabait greiddi fyrsta reikn-
inginn með peningum.
Seabait krafðist sýknu þar
félagið stæði ekki í nokkurri
skuld við Intercargo Coldstor-
es. Félagið hafi á árinu 2006
selt fyrirtækinu mikið magn
pokabeitu og hafi söluverð
beitunnar numið samtals krón-
ur 4.726.440. Byggir Seabait
á því að samkomulag hafi orð-
ið milli aðila um skuldajöfnuð
vegna viðskipta þeirra, það er
að reikningar Intercargo Cold-
stores kæmu upp á móti reikn-
ingum beitufyrirtækisins vegna
pokabeitunnar. Seabait skuldi
því Intercargo ekkert, þvert á
móti skuldi fyrirtækið Seabait
umtalsverða fjármuni vegna
kaupa þess á pokabeitunni.
Þessu var alfarið hafnað af
Intercargo Coldstores og lá
fyrir yfirlýsing framkvæmda-
stjóra fyrirtækisins, Stig Niel-
sen, þess efnis að félagið hafi
aldrei keypt pokabeitu af Sea-
bait. Gegn mótmælum þess
fyrrnefnda hefur Seabait sönn-
unarbyrðina fyrir umræddri
fullyrðingu sinni. Engin hald-
bær gögn styðja málatilbúnað
að þessu leyti og þá vildi vitnið
Shiran Þórisson, fyrrverandi
framkvæmdastjóri Seabait,
sem skýrslu gaf fyrir dómi,
ekkert fullyrða um hver hefði
verið viðtakandi pokabeitunn-
ar. Kvaðst vitnið enga skrif-
lega pöntun hafa séð og sagði
samskiptin vegna viðskipt-
anna með pokabeituna öll hafa
verið munnleg og óformleg.
Að þessu virtu og þar sem í
málinu liggja frammi bráða-
birgðareikningar vegna sölu
pokabeitu fyrir áðurgreinda
fjárhæð, sem benda til þess að
kaupandinn hafi verið Seabait,
telst alls ósannað að Inter-
cargo Coldstores hafi verið
kaupandi beitunnar. Var því
félaginu gert að greiða um-
rædda skuld 450.000 krónur í
málskostnað stefnanda.
Beitufyrirtækið Seabait er til húsa í Súðavík.