Bæjarins besta - 03.09.2009, Blaðsíða 3

FIMMTUDAGUR 3. SEPTEMBER 2009 3
Níu sagt upp hjá 3X Technology
Níu starfsmenn ísfirska fyrir-
tækisins 3X Technology fengu
uppsagnarbréf á föstudag. Alls
hefur fyrirtækið því sagt upp ell-
efu starfsmönnum á árinu en 45
manns störfuðu hjá því í vor.
Jóhann Jónasson, framkvæmda-
stjóri 3X Technology, segir upp-
sagnirnar tilkomnar vegna sam-
dráttar í sölu á vörum fyrirtækis-
ins. Starfsmennirnir sem fengu
uppsagnarbréf eru á eins til þriggja
mánaða uppsagnarfresti. Jóhann
segir að verði einhverjar breyt-
ingar til bóta á uppsagnartíman-
um, verði uppsagnirnar endur-
skoðaðar. „Það hefur sýnt sig í
gegnum tíðina að aðstæður geta
breyst á mjög skömmum tíma en
sem stendur er ekkert útlit fyrir
það,“ segir Jóhann. Helmingur
af veltufé fyrirtækisins hefur ver-
ið á innanlandsmarkaði en á með-
an ástandið er með þeim hætti í
íslenskum sjávarútvegi, eru marg-
ir þættir óuppgerðir og óljósir í
rekstri 3X Technology.
„Það er lítið vit í að fjárfesta í
slíkri framtíð. Það er mikil óvissa
um fyrirkomulag kvótamála og
mjög hátt vaxtastig. Það eru
margir hlutir óuppgerðir á milli
sjávarútvegsins og bankanna.
Fyrr en það kemst á hreint, þá
held ég að sjávarútvegurinn á
Íslandi sé ekki að hugsa um ný-
sköpun í vöruþróun en það er
það sem við treystum á,“ segir
Jóhann.
Hann segir samdrátt vera á
flestum þeim mörkuðum sem
fyrirtækið starfar á erlendis t.d. í
Bretlandi, á Spáni og í Kanada.
„En auðvitað sjáum við teikn á
lofti þessi misserin um að þeir
markaðir séu á uppleið en við
höfum ekkert fast í hendi enn
sem komið er. Það verður því
ennþá aðhald á meðal félaga sem
eru að vinna á tækjamarkaði,“
segir Jóhann. – birgir@bb.is 3X Technology.
Gunnlaugur kvaddur
með kaffi og meðlæti
Fjöldi fólks lagði leið sína í verslun Pennans Eymundsson á
Ísafirði á föstudag til að kveðja starfsmann verslunarinnar
Gunnlaug Jónasson sem hefur ákveðið að setjast í helgan stein.
Af því tilefni var viðskiptavinum boðið upp á kaffi og meðlæti.
Gunnlaugur hefur í rúma hálfa öld starfað við bóksölu, fyrst í
Bókhlöðunni á Ísafirði og síðar Eymundsson. Hann var annar
ættliður sömu fjölskyldu sem rekur Bókhlöðuna á Ísafirði en
hann tók við af föður sínum í ársbyrjun 1953 og rak hana til árs-
loka 1993, en þá tók Jónas, sonur Gunnlaugs, og kona hans
Kristín Ólafsdóttir við rekstrinum. Penninn-Eymundsson tók
síðan við rekstrinum árið 2006.
Feðgarnir Jónas Gunnlaugsson og Gunnlaugur Jónasson
ásamt Guðnýju Mögnu Einarsdóttur sem unnið hefur með
þremur ættliðum í Bókhlöðunni, en auk félaga hennar á
myndinni vann hún með Jónasi Tómassyni á sínum tíma.
Ekki vilji til að breyta svæðis-
skipulagi landshlutasamtaka
Talsverðar breytingar hafa átt
sér stað frá því að stofnað var til
landshlutasamtakanna á sínum
tíma. Sveitarfélögum hefur fækk-
að umtalsvert, verkefni þeirra eru
fleiri og umfangsmeiri, auk þess
sem íbúum hefur almennt fækkað
á landsbyggðinni en fjölgað á
höfuðborgarsvæðinu. „Þessar
breytingar hafa haft ýmis konar
áhrif á svæðisbundið samstarfs
sveitarfélaganna. Kjördæma-
breytingin árið 2003 virðist hins
vegar ekki hafa haft nein teljandi
áhrif á svæðisbundna samvinnu
en sveitarfélög geta eftir sem áður
haft samstarf yfir svæðamörk
landshlutasamtakanna kjósi þau
svo. Sveitarstjórnarmenn hafa
ekki séð ástæðu til að fylgja kjör-
dæmaskipan eftir, bæði vegna
meiri fjarlægða og þar með meiri
ferðakostnaðar og vegna þess að
sátt virðist ríkja meðal sveitar-
stjórnarmanna með núverandi
fyrirkomulag“, segir í skýrslu
starfshóps á vegum samgöngu-
ráðuneytisins um endurskoðun á
starfsemi landshlutasamtaka
sveitarfélaga.
Þar kemur einnig fram að í
svörum samtakanna kom fram
að ekki er vilji til að breyta
svæðisskiptingu þeirra, en tekið
var fram að mörg þeirra hafa
tekið upp aukið samstarf á ákveð-
num sviðum og eftir aðstæðum.
Flest landshlutasamtökin endur-
skoða starfsemi sína nokkuð
reglulega og þykir það gefa vís-
bendingu um að sátt ríki um fyrir-
komulagið.
Fjórðungssambandið var stofn-
að árið 1949 með aðild sýslu- og
sveitarfélaga. Árið 1970 var sam-
bandinu breytt í samtök sveitar-
félaga. Íbúar á Vestfjörðum eru
7.374 og aðildarsveitarfélögin
eru tíu. Á tímabilinu 2003-2008
annaðist Atvinnuþróunarfélag
Vestfjarða hf rekstur FV. Tvær
sjálfstæðar stjórnir voru en einn
og sami framkvæmdastjórinn.
Horfið var til fyrra fyrirkomulags
í upphafi árs 2008 með það að
leiðarljósi að skerpa á áherslum
hvors um sig. FV einbeitir sér að
samfélagslegum málum og upp-
byggingu innviða en Atvinnu-
þróunarfélagið einblínir á at-
vinnulífið. Lögð er áhersla á að
halda nánu samstarfi þarna á
milli. Eitt stöðugildi er hjá FV.
FV leigir húsnæði af Háskólasetri
Vestfjarða og á aðild að sameig-
inlegum rekstri húsnæðis og af-
greiðslu ásamt fjölda stofnana,
auk þess er bókhaldsþjónusta að-
keypt.
Markmið FV er m.a. að vinna
að hagsmunum sveitarfélaganna
og kjördæmisins alls, efla sam-
vinnu sveitarfélaga og kynningu
sveitarstjórnarmanna og vinna að
verkefnum sem aðildarsveitar-
félög eða löggjafinn kunna að
fela því, til styrkingar byggðar
og mannlífs í kjördæminu, at-
vinnu-, félags- og menningar-
lega.
Helstu verkefni FV eru m.a.
endurskoðun á samgönguáætlun
Vestfjarða. Vegamál, fjarskipta-
mál, flugmál og hafnir, staðarval
á Vestfjörðum fyrir hafnsækinn
stóriðnað og undirbúningur að
gerð svæðisskipulags fyrir Vest-
firði með áherslu á haf og Strand-
svæðaskipulag.
Fjórðungssamband Vestfirðinga er til húsa í Vestrahúsinu.