Bæjarins besta - 03.09.2009, Side 14

14 FIMMTUDAGUR 3. SEPTEMBER 2009
stíllLífs
Hjónin Roger og Mary Nisbet
frá Kaliforníu í Bandaríkjunum
hafa verið á ferðalagi um landið
að undanförnu. Í síðustu viku
komu þau til Ísafjarðar til að leita
að húsi sem afi Rogers byggði.
Höfðu þau meðferðis mynd af
húsinu sem frændi Rogers tók
árið 2001 er hann heimsótti Ísa-
fjörð. Þetta reyndist vera Sólgata
9, aðsetur H-prents ehf. og Bæj-
arins besta. Húsið byggði afinn
árið 1912 og hlaut það nafnið
Hebron. Umræddur afi, James
Love Nisbet, var skoskur trúboði
sem kom til Ísafjarðar í kjölfar
þess að Skotar stunduðu hval-
veiðar á miðunum við Ísland.
Seinna flutti hann til Reykja-
víkur og var fyrsti erlendi stúd-
entinn sem fékk skólavist við
læknadeild Háskóla Íslands árið
1914, með sérstakri heimild
háskólaráðs. Ein af ástæðum þess
að James innritaði sig í læknis-
fræði var að hann lagði þegar
stund á lækningar á Ísafirði þar
sem hann bjó á árunum 1909-14.
Í blaðinu Vestra árið 1910 þakka
tugir Ísfirðinga og Bolvíkinga
James Love fyrir „alla þá miklu
læknishjálp, sem hann hefir oss í
té látið án nokkurs endurgjalds,
af einskærum mannkærleika og
göfuglyndi“. James Love hefur
ekki viljað starfa við lækningar
án tilskilinnar menntunar og dreif
sig því í Háskólann þar sem hann
lauk námi árið 1917 með góðum
vitnisburði. Frá James Love Nis-
bet, störfum hans og sögu, er
nánar greint í II. bindi Sögu Ísa-
fjarðar og Eyrarhrepps hins forna
eftir Jón Þ. Þór.
„Faðir minn, Stanley Nisbet,
fæddist á Ísafirði en flutti til Skot-
lands ásamt fjölskyldu sinni sem
ungur drengur, 9-10 ára gamall.
Föðurbróðir minn sem fæddist
eftir að fjölskyldan var aftur kom-
in til Skotlands kom til Íslands
2001 og fann þetta hús. Hann
sendi okkur mynd af því og þess
vegna þekkti konan mín það. Ég
sá það ekki þar sem ég var að
keyra og hefði því getað misst af
því hefði hún ekki tekið eftir
því“, sagði Roger til skýringar á
því hvernig þau fundu húsið.
Hjónin fengu skoðunarferð um
húsið og fannst mikið til um þau
fjölmörgu hlutverk sem það hefur
gegnt gegnum tíðina, en auk þess
að vera prentsmiðja hefur m.a.
verið þar danssalur, kvikmynda-
hús, saumastofa og æskulýðs-
miðstöð, auk þess sem þar var til
húsa fyrsta útibú Landsbanka
Íslands á Ísafirði og fyrsti leik-
skóli sem rekinn var á Ísafirði.
Að lokinni skoðunarferð settist
blaðamaður niður með hjónunum
og fékk að vita nánari deili á
þeim merka manni James Love
Nisbet.
„Hann var mikill ævintýra-
maður. Hann var sá fyrsti í ætt-
inni mörg hundruð ár aftur í tím-
ann sem skírði frumburð sinn af
karlkyni eitthvað annað en Jam-
es. Nafnið sem varð fyrir valinu
var Stanley í höfuðið á mannin-
um sem fann dr. Livingstone á
sínum tíma“, segir Mary.
James Love flutti til Ísafjarðar
ásamt ungri brúði sinni, Isabellu,
en saman áttu þau fjóra drengi
og tveir þeirra fæddust á Íslandi.
„Það hlýtur að hafa verið skrít-
ið fyrir Isabellu að flytja á Ísa-
fjörð sem hefur virst mjög frum-
stæður bær miðað við það sem
hún átti að venjast í Skotlandi.
En hún var afar sterkur karakter
og sérstök kona“, segir Mary.
James Love fór aftur til heima-
landsins í kringum 1921 og bjó í
Skotlandi alla tíð upp frá því og
starfaði sem læknir. Hins vegar
sneri faðir Rogers, Stanley, aftur
til Íslands á sjöunda áratugnum.
„Föður mínum var boðið að
halda á Íslandi fyrirlestur um
menntamál, sem hann þáði“,
segir Roger.
„Það er mjög gaman að segja
frá því að vegna þess að íslenska
var hans fyrsta tungumál fékk
hann vin sinn til að þýða fyrir-
lesturinn og flutti hann á íslensku.
Hann gat reyndar ekki svarað
spurningum á íslensku á eftir og
þurftu umræður þess vegna að
fara fram á ensku, en það hlýtur
að þykja afrek að geta rifjað upp
tungumálið eftir svo langan tíma
í burtu“, bætir Mary við.
„Hann hafði gleymt orðaforð-
anum en gat myndað það sem
Skotum finnst vera skrítin hljóð,
sem sagt framburðinn“, segir
Roger.
Hjónin voru hæstánægð með
að hafa fundið þennan hlekk í
sögu fjölskyldunnar. Þótt þó séu
skosk að uppruna hafa þau búið í
Kaliforníu í nítján ár og starfa
við háskóla í Santa Barbara. Þau
eiga þrjár dætur.
„Þær eru allar miklir ferðalang-
ar að eðlisfari og hafa því erft
genin frá langafa sínum“, segir
Mary og bæði hjónin hlæja.
„Þær hafa enn ekki heimsótt
Ísland en ég held að þær verði
mjög spenntar fyrir því þegar
þær fá að heyra ferðasögu okkar“,
sagði Roger Nisbet í samtali við
blaðið.
– thelma@bb.is
Fundu hlekk í sögu fjölskyldunnar