Bæjarins besta - 16.12.2010, Blaðsíða 6

6 FIMMTUDAGUR 16. DESEMBER 2010
Útgefandi: Gúttó ehf., kt. 680501-2620, Sólgötu 9, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson, sími 892
5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is. · Kristján Torfi Einarsson, sími 456 4560,
kte@bb.is · Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894 6125, halldor@bb.is.
Ábyrgðarmenn: Sigurjón J. Sigurðsson og Halldór Sveinbjörnsson. Lausasöluverð er kr. 400 eintakið með vsk. Veittur er afsláttur
til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Spurningin
Ætlar þú að
kaupa jólagjafir fyrir
lægri upphæð en
undanfarin ár?
Alls svöruðu 409.
Já sögðu 253 eða 62%
Nei sögðu 156 eða 38%
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Helgarveðrið
Horfur á föstudag:
Hvöss eða allhvöss
norðanátt með snjókomu
eða éljum, en úrkomulítið
syðra. Lægir smám
saman. Áfram kalt í veðri.
Horfur á laugardag:
Norðaustanátt með éljum
en léttir til SV-lands. Hiti í
kringum frostmark.
Horfur á sunnudag:
Norðaustanátt með éljum
en léttir til SV-lands. Hiti í
kringum frostmark.
Ritstjórnargrein
Mannréttindi!
Krafan um að landið sé eitt kjördæmi er ekki ný af nálinni. Með
nokkru reglubundnu millibili hefur hún blossað upp og ávalt á þeim
forsendum að í misvægi atkvæða felist brot á grundvallar mannrétt-
indum; að ítök (völd og aðgangur að almannafé?) þingmanna fá-
mennra kjördæma á Alþingi væru margföld í samanburði kjördæmin
þar sem þorri þjóðarinnar býr. Í skjóli þessa blómstraði kjördæma-
potið landskunna, sem í raun væri ekkert annað en mismunun í garð
þegnanna; með öðrum orðum: strjálbýlinu væri hyglað á meðan
þéttbýlið sæti á hakanum.
Úrslit kosninganna til stjórnlagaþings eru sápan, sem kom hvernum
til að gjósa að þessu sinni. Niðurstaða, sem ber með sér að fjöldi
kjörinna fulltrúa með búsetu utan þéttbýliskjarnans við Faxaflóa er
teljandi á fingrum annarrar handar, hefur vakið ugg í brjóstum
margra, sem utan þess svæðis búa. Og ekki dregur úr óttanum að af
25 stjórnlagaþingsmönnum eru 15 mjög hlynntir og sex frekar
hlynntir því að landið verði eitt kjördæmi. Aðeins tveir eru frekar
mótfallnir hugmyndinni og tveir taka ekki afstöðu eða vilja ekki
svara. Að landsbyggðin og höfuðborgin séu systur, hljómar svo sem
ágætlega í töluðu orði. En hvað sem öllum yfirlýsingum í þeim efn-
um líður, er reynslan af systrakærleik í allar áttir.
Af endurtekinni upprifjun um þingmannafjölda Vestfirðinga í
gegnum árin, á grundvelli misvægis atkvæða, mætti halda að í þeim
landshluta væri allt í slíkum blóma að með öfundaraugum væri til
horft. En skyldi svo vera?
Lítum á stöðu tveggja málaflokka, sem háðir eru framlögum rík-
isins: Bendir vegagerð innan fjórðungsins og við aðra landshluta til
þess? Varla flokkast ummæli fyrrum samgönguráðherra, Kristjáns
Möller, um ástand vega á sunnanverðum Vestfjörðum sem lofsöngur
í þá átt! Og hvað þarf marga putta til að telja árin síðan vegur með
bundnu slitlagi komst á milli Reykjavíkur og Ísafjarðar? (Er reyndar
enn einbreitt, að litlum hluta.)
Benda ummæli Össurar Skarphéðinssonar, fyrrv. iðnaðarráðherra
um langvarandi orkuvanda Vestfirðinga, sem dæmt hefur fjórðunginn
úr leik í samkeppninni um orkufrekan iðnað, til að sérstakrar hygl-
unar í þeirra garð?
Vera má að það leysi ýmsan vanda að gera landið að einu kjör-
dæmi. Spurningin er hvort ekki kæmu fleiri upp í stað þeirra sem
leystust? Misvægi atkvæða er ekki sér íslenskt fyrirbæri, eins og oft
er látið í skína. Jafnræðið er margslungið. Það er því djúpt í árinni
tekið að hamra sífellt á mannréttindabrotum í umræðunni um vægi
atkvæða og engan veginn frambærilegt.
Við leysum ekki vandann með því að hópa, úlfur, úlfur! s.h.
Vegrið á Hnífsdalsvegi kom í
veg fyrir að ekki fór verr er bifreið
valt á Hnífsdalsvegi á mánudags-
morgun. Að sögn lögreglu var
mikil hálka á vettvangi auk þess
sem talið er að ökumaður hafi
ekið ógætilega miðað við aðstæð-
ur. Ökumaður missti stjórn á bíln-
um og lenti á vegriðinu sem sporn-
aði gegn því að hann hafnaði í
fjörunni eða sjónum.
Bifreiðin valt og lenti á ljósa-
staur hinum megin við veginn
sem brotnaði. Um er að ræða
nýjan ljósastaur sem hannaður
er til gefa eftir við högg. Að sögn
lögreglu virtist ökumaður ekki
vera slasaður en fór hann þó í
læknisskoðun til öryggis. Mikið
tjón varð þó á bifreiðinni eins og
sjá má á meðfylgjandi mynd.
– thelma@bb.is Mildi var að ekki fór verr er bílslys varð á Hnífdalsvegi.
Vegrið sann-
aði gildi sitt
Hlutfall ferðamanna að jafnast
Hlutfall innlendra og erlendra
ferðamanna hefur verið að jafnast
undanfarin ár en árið 2002 voru
innlendir ferðamenn í miklum
meirihluta, eða 74%. Árið 2009
hefur hlutfallið breyst töluvert,
komið niður í 55% innlendra
ferðamanna á móti 45% erlendra.
Þetta kemur fram í skýrslu um
stefnumótun vestfirskrar ferða-
þjónustu sem Ferðamálasamtök
Vestfjarða hafa gefið út. Þar kem-
ur einnig fram þegar litið er til
dreifingu gistinátta á Vestfjörð-
um yfir allt árið að jöfn og þétt
aukning er frá miðjum júní fram
í miðjan ágúst. Tímabilið er að
lengjast í báða enda eins og línan
fyrir árið 2009 sýnir en ljóst er
tónlist og umhverfisvernd.
Staðreyndir um erlenda ferða-
menn eru þær að Þjóðverjar eru
langfjölmennastir en næst koma
Bretar, Frakkar, Hollendingar og
Skandinavar. Þeir koma á einka-
bíl jafnt á við bílaleiguleigubíl.
Flestir gista á hótelum og gisti-
heimilum og meðaldvalarlengd
eru 5,3 dagar. 33% þeirra höfðu
komið áður til Íslands og 88%
myndu mæla með Vestfjörðum
sem áfangastað. Þeir sækja sér
upplýsingar um Vestfirði í gegn-
um bæklinga, handbækur og int-
ernetið. Þeir hafa áhuga á útivist,
umhverfisvernd, sjálfbærri ferða-
mennsku, fuglaskoðun og ljós-
myndun. – thelma@bb.is
að efla þarf lágönnina. Þrátt fyrir
jafnan vöxt í gistinóttum inn-
lendra ferðamanna undanfarin ár
þá er heildar markaðshlutdeild
Vestfjarða enn mjög lág. Árið
2005 var markaðshlutdeild í inn-
lendum gistinóttum 6,6% en árið
2009 var hún komin upp í 7,1%.
Þegar kemur að gistinóttum
erlendra ferðamanna er markaðs-
hlutdeild Vestfjarða enn lægri
en innlendra ferðamanna. Árið
2005 var hún 1,3% en árið 2009
er hún komin upp í 2,4%. „Eins
slæmt og það er að sjá hversu
lítil markaðshlutdeildin er þá sýn-
ir það okkur samt sem áður að
tækifærin eru gríðarlega mikil,“
segir í skýrslunni.
Taldar eru upp nokkrar stað-
reyndir um innlenda ferðamenn
eins og það að þeir koma á einka-
bíl, gista hjá vinum og ættingjum
jafnt á við tjaldsvæði og meðal-
dvalarlengd eru 6 dagar. Algengt
er að innlendir ferðamenn hafi
komið áður til Vestfjarða og 97%
myndu mæla með fjórðungnum
sem áfangastað. Þeir sækja sér
upplýsingar hjá vinum og vanda-
mönnum og í bæklingum og
ferðahandbókum. Þeir hafa áhuga
á útivist, menningu og listum,