Bæjarins besta - 16.12.2010, Qupperneq 8

8 FIMMTUDAGUR 16. DESEMBER 2010
Sveitarfélög á Vestfjörðum
fá 452 milljónir króna úthlutað
úr Jöfnunarsjóði árið 2011, en
heildarfjárhæðin er rétt rúmir
fjórir milljarðar. Frá þessu segir
á vef Sambands íslenskra sveit-
arfélaga en þar kemur fram að
samgöngu- og sveitarstjórnar-
ráðherra hafi samþykkt tillögur
ráðgjafarnefndar Jöfnunarsjóðs
sveitarfélaga um áætlaðar út-
hlutanir framlaga. Hæsta fram-
lagið fær Ísafjarðarbær eða 177
milljónir króna, Vesturbyggð fær
66 milljónir, Strandabygg fær 55
milljónir, Reykhólahreppur fær
41 milljón, Súðavík fær 39 millj-
ónir og Bolungarvík fær tæpar
36 milljónir. Þegar úthlutunin er
skoðuð í ljósi íbúafjölda er fram-
lagið hæst í Súðavík eða 201
þúsund krónur á hvern íbúa. Næst
hæst er það í Reykhólahreppi
eða 149 þúsund á íbúa, Bæjar-
hreppur með 144 þúsund á íbúa.
Framlagið til Ísafjarðarbæjar er
46 þúsund á hvern íbúa. Lægst
er framlagið til Árneshrepps eða
tæpar 300 þúsund krónur.
Framlögin verða greidd til
sveitarfélaga mánaðarlega, 10%
er þó haldið eftir af áætluðum
framlögum til að mæta því ef
ráðstöfunarfé sjóðsins verður
minna eða útgjöld meiri en
áætlað var. Þá hefur verið gerð
breyting á úthlutun framlaga
vegna skólaaksturs úr dreifbýli.
Verður nú um tvenns konar
úthlutun framlaga að ræða.
Annars vegar eru framlögin
reiknuð út á grundvelli fjölda
akstursleiða og fjölda grunn-
skólabarna á hverri leið. Hins
vegar geta sveitarfélögin sótt
um viðbótarframlag í árslok ef
um íþyngjandi kostnað hafi
verið um að ræða.
Vestfirsk sveitarfélög fá 452
milljónir úr Jöfnunarsjóði
Hætt verður að brenna sorp í Funa
Bæjarstjórn Ísafjarðarbæjar
samþykkti samhljóða tillögu
nefndar um sorpmál sveitarfé-
lagsins að ganga til viðræðna við
lægstbjóðanda Kubb ehf., um
hirðingu og förgun á sorpi sem
fellur til í Ísafjarðarbæ. Ísafjarð-
arbær bauð nýverið út sorphirðu
og förgun sorps í Ísafjarðarbæ
og bárust tilboð frá fjórum aðilum
auk kostnaðarmats á áframhald-
andi rekstri Funa. Tillaga nefnd-
arinnar var að ganga til viðræðna
við Kubb ehf. sem bauð lægst
eða 359 milljónir króna fyrir
þriggja ára samning. Ef samning-
ar nást við Kubb ehf. mun það
þýða að hætt verður að brenna
sorp í Funa en hann í staðinn
nýttur sem flokkunarstöð. Einnig
verður urðunarstaðnum að Klofn-
ingi lokað.
Ekki er talið að þetta muni
leiða til fækkunar starfa í bænum
þar sem að gert er ráð fyrir að
töluverð vinna verði við flokkun
sorps og meðhöndlun á því. „Eftir
margra ára óvissu í sorphirðu-
málum Ísafjarðarbæjar sjáum við
loks til lands í þessu mikilvæga
mál. Full eining var í nefndinni
um að fara þessa leið. Það er
ánægjuefni að reykfylltur Skut-
ulsfjörður heyrir brátt sögunni
til,“ segir Kristín Hálfdánsdóttir
formaður nefndar um sorpmál.
Arna Lára Jónsdóttir, fulltrúi
Í-listans í bæjarráði sagði: „Það
er mikilvægt að þetta mál sé kom-
ið í farveg og að okkur hafi tekist
að vinna þetta faglega og náð um
það samstöðu á milli allra flokka.
Þessi niðurstaða leiðir vonandi
til frekari flokkunar sorps og
myndar hvata til að draga úr sorp-
magni. Jafnframt er það mikill
kostur að urðunarstaðnum á
Klofningi verður lokað og að
gámasvæðin í fjörðunum í núver-
andi mynd verð aflögð.“
Albertína Friðbjörg Elíasdótt-
ir, fulltrúi B-lista í bæjarráði
sagði: ,,Ég fagna þessu skrefi
sem við tókum á fundi bæjar-
stjórnar og tel að með þessu séum
við loksins að nálgast niðurstöðu
í þessu stóra máli. Öll höfum við
metnað fyrir að vinna þetta vel
og hefur sorpnefndin unnið gott
og faglegt starf. Funi hefur auð-
vitað verið þyrnir í augum
margra, og ég tel að þessi leið
sem við höfum nú valið að fara
sé jafnvel betri fyrir umhverfið.
Jafnvel þó aka þurfi sorpinu í
burtu. Eins verður að fagna því
að valið hefur verið að fara í
viðræður við ísfirskt fyrirtæki og
haldast því störf og annað slíkt
innan sveitarfélagsins.“
Skemmdarvargur var á ferð á
skíðasvæði Ísfirðinga í Tungudal
á sunnudagskvöld. Er þetta í
annað sinn á stuttum tíma sem
skíðasvæðið verður fyrir barðinu
á skemmdarvörgum því fyrir
stuttu voru göngubrautir skemmd-
ar á gönguskíðasvæðinu á Selja-
landsdal. Líkt og þá voru skemmd-
arverkin unnin með bifreið en í
þetta sinn greip lögreglan söku-
dólginn við iðjuna. „Lögregla á
vakt og rak augun í þetta. Búið er
að taka skýrslu af viðkomandi
og hafa samband við foreldra
hans,“ segir Úlfur Guðmundsson
forstöðumaður skíðasvæðisins,
sem segir skemmdirnar umtals-
verðar.
„Keyrt var alveg upp með
barnalyftunni og svo ekið niður
meðfram lyftustæðinu. Það er of-
boðsleg vinna við að halda braut-
unum góðum og svona leikara-
skapur skemmir mikið fyrir.
Dekkin spæna upp drulluna og
slíkt má ekki vera á brautunum
því það skemmir skíðin,“ segir
Úlfur.
Hann segir að eitthvað verði
að gera til að stöðva slík skemmd-
arverk. „Ég vil biðja fólk að fara
ekki akandi á svona staði. Ég
bjóst við að eiga í vandræðum
með sleða en datt ekki til hugar
að þurfa að kljást við skemmdir
eftir bíla og jeppa. Ég á eftir að
ræða við bæjaryfirvöld hvort þörf
sé á harkalegum aðgerðum til að
koma í veg fyrir svona lagað.“
– thelma@bb.is
Skemmdar-
vargur á ferð
Lögreglan stöðvaði öku-
manninn áður en hann náði
að valda meiri skemmdum.
Á steininn eru letruð nöfn þeirra sem fórust í snjóflóðinu í Hnífsdal þann 18. febrúar 1910.
Minningarsteinn var afhjúp-
aður og helgaður í gamla kirkju-
garðinum á Ísafirði á laugardag
til minningar þá tuttugu einstakl-
inga sem létust í snjóflóði árið
1910 í Hnífsdal. Þeir sem voru
viðstaddir athöfnina sungu sálm-
inn „Son Guðs ertu með sanni“
og báðu saman Faðir vorið.
Kveikt var á kerti og sóknar-
presturinn blessaði minningar-
steininn en hann er reistur að
frumkvæði kvenfélagsins Hvatar
í Hnífsdal með dyggum stuðningi
Hraðfrystihússins Gunnvarar.
Á steininum eru nöfn þeirra
tuttugu einstaklinga, sem létu líf-
ið í þessu hörmulega slysi. Þau
eru jarðsett í sömu gröf á Ísafirði.
Um er að ræða mesta snjóflóð í
Hnífsdal sem sögur fara af og
hið örlagaríkasta, en það féll úr
Búðarhyrnu að morgni 18. febr-
úar 1910. – thelma@bb.is
Minningarsteinn afhjúpaður
Minningarsteinn var afhjúpaður og helgaður í gamla kirkjugarðinum á Ísafirði.