Dagblaðið Vísir - DV - 02.07.2008, Side 4

„Við hljótum að fagna þessu. Neyt-
endasamtökin hafa barist ítrekað fyrir
því að stimpilgjöld væru aflögð með
öllu,“ segir Jóhannes Gunnarsson,
formaður Neytendasamtakanna, um
þá ákvörðun ríkisins að fella niður
stimpilgjöld vegna fyrstu íbúðakaupa
sem tók gildi í gær.
Jóhannes segir að hann óttist þó
að pappírsvinnan verði mikil fyrir fólk
sem þarf að sanna að íbúðin sem það
sé að kaupa sé í raun og veru fyrsta
íbúðin sem það kaupir sér. „Þeg-
ar sambýlisfólk er að kaupa sér íbúð
gæti þetta orðið mikil skriffinnska.
Að sjálfsögðu hefðum við viljað sjá
stimpilgjöldin felld alveg nið-
ur, í eitt skipti fyrir öll. Þetta
hefur verið okkar krafa og
það hefur ekkert breyst.
En þetta er betra en ekki
neitt.“
Ósanngjarn skattur
Margir fjármála-
spekingar hafa síð-
ustu vikur spáð því að
taka þurfi mörg bygg-
ingarfyrirtæki til gjald-
þrotaskipta vegna þess
að íbúðir seljist ekki
þessa dagana. Ekki náð-
ist í fjármálaráðherra,
Árna M. Mathiesen, en
hann sagði í útvarpsfrétt-
um RÚV að erfitt væri að
meta hver áhrif nýju lag-
anna yrðu. Markmiðið væri
að þau liðkuðu til vegna fyrstu
íbúðakaupa.
„Ég hlýt þó að fagna því að
þetta skref sé stigið, en ítreka
það að um er að ræða
mjög ósanngjarn-
an skatt og
hann
ber
að
fella niður að öllu leyti. Þarna er að-
eins verið að stíga fyrsta skrefið. Það
þarf að taka hitt líka, að okkar mati,
sem fellir gjöldin alfarið út,“ segir Jó-
hannes.
Áfangi sem skiptir máli
Jóhannes segir að það fylgi því
ákveðin
hætta að afnema aðeins skattinn af
fyrstu kaupum. „Þetta er bara áfangi
en vissulega skiptir hann máli. Þeg-
ar svona skref eru tekin er það bara
áfangi en ég ítreka það aftur og enn.
Þetta er að okkar mati ranglátur skatt-
ur.
Auðvitað óttast maður að þetta
verði til þess að fólk fari að kaupa í
raun stærri íbúðir en það hefur þörf
fyrir. Kaupi stærra en það ræður við.
Vegna þess að þetta gildir aðeins
um fyrstu kaupin. Þetta ýtir ungu
fólki að því að kaupa stærra en
ekki byrja smátt eins og hent-
ar mörgu ungu fólki. Margt
fólk gæti því hugsað sem svo
að það sé betra að kaupa til
frambúðar. Kaupa þá stærri
eignir sem það ræður svo ekki
við þegar upp er staðið. Þetta
er ótti sem við höfum en von-
andi sníðir fólk sér stakk eftir
vexti.“
Alþingismennirnir sem
ráða
Jóhannes bendir á að fyrst
búið sé að taka eitt skref sé auð-
velt að taka hið seinna. „Þetta
er bara fyrra skrefið af tveim-
ur. Ég held að miðað við þau
loforð sem voru gefin fyr-
ir síðustu kosningar
hljótum við
að
líta á þetta sem fyrsta áfangann. Vegna
þess að loforðin liggja fyrir um að fella
stimpilgjöldin niður að öllu leyti. Ég
hlýt að ganga út frá því að stjórnmála-
menn standi við það. Þar var ekkert
verið að tala um að fella þau niður að
hluta til heldur að öllu leyti. En það
eru víst alþingismennirnir sem ráða,
ekki við.“
Miðvikudagur 2. jÚLÍ 20084 Fréttir DV
InnlendarFréttIr
ritstjorn@dv.is
„ég held að miðað við
þau loforð sem voru
gefin fyrir síðustu kosn-
ingar hljótum við að
líta á þetta sem fyrsta
áfangann.“
Stimpilgjöld vegna kaupa á fyrstu íbúð voru felld niður í gær. „Eitt skref vonandi af
tveimur,“ segir Jóhannes Gunnarsson formaður Neytendasamtakanna. Samtökin vilja
stimpilgjöldin burt og minna stjórnmálamenn á loforð sem margir gáfu þess efnis:
benedikt bÓAs hinriksson
blaðamaður skrifar: benni@dv.is
skárra en ekkert
Vonar að lögin liðki til Árni
M. Mathiesen vonar að með nýju
lögunum verði auðveldara að
festa kaup á fyrstu íbúð.
sníða sér stakk eftir vexti jóhannes
gunnarsson, formaður Neytendasamtak-
anna, vonar að fólk ráðist ekki í að kaupa
risahúsnæði sem verður þá fyrsta íbúð.
Auðveldari fyrstu kaup Með því
að fella stimpilgjöldin niður við
fyrstu kaup er auðveldara fyrir ungt
fólk að kaupa sitt fyrsta húsnæði.
Landic kaupir
Morgunblaðshöll
Fasteignafélagið Landic
Property hefur keypt allar eign-
ir Tryggingamiðstöðvarinnar í
gömlu Morgunblaðshöllinni við
Aðalstræti. Kaupverð fæst ekki
gefið upp, en félögin eru tengd
hvort öðru. Meiningin er að nýta
neðri hæðirnar undir veitinga-
og verslunarrekstur.
Landic Property á og rekur
meirihluta húseigna við Austur-
stræti og Aðalstræti og er Alþingi
stærsti einstaki leigutakinn.
„Mjög lítið framboð hefur verið
á góðu skrifstofuhúsnæði í Kvos-
inni og því er þetta jákvætt skref,“
segir Örn V. Kjartansson, fram-
kvæmdastjóri Landic Property.
Frakkar elta
rússa á Íslandi
Fyrsta verkefni frönsku flug-
hersveitarinnar sem haldið hefur
til á Keflavíkurflugvelli undan-
farnar vikur var að elta uppi rúss-
neskar flugvélar í íslenskri loft-
helgi, þann 9. júní síðastliðinn.
Franska varnarmálaráðuneytið
greinir frá því að tvær Mirage-or-
rustuþotur hafi elt uppi Rússana
sem hér voru í leyfisleysi.
Hersveitin hefur þar fyrir utan
haldið sig við æfingaflug og hafa
íbúar á Suðurnesjum séð sig
knúna til þess að kvarta undan
hávaðasömum herþotum í lág-
flugi í grennd við byggð.
365 afskráð
Fjölmiðlafyrirtækið 365 verð-
ur afskráð úr Kauphöll Íslands á
næstunni. Á hluthafafundi 365
sem haldinn var í gær var sam-
þykkt að stjórn félagsins yrði falið
að óska eftir afskráningu hluta-
bréfa félagsins úr Kauphöllinni.
Á hluthafafundinum var
einnig samþykkt að stjórn fé-
lagsins yrði falið að kaupa hluti
þeirra hluthafa
sem þess óska
á genginu
1,20, sem
er örlítið
hærra
en gengi
félags-
ins var
við lokun
markaða í
gær.
Surtsey rædd
Á fundi heimsminja-
nefndar UNESCO sem hefst í
Kanada í dag verður með-
al annars rætt um Surtsey.
Þar verður tekin afstaða til
umsóknar Íslendinga um að
eyjan verði skráð á heims-
minjaskrá UNESCO. Þing-
vellir eru þegar á skránni sem
menningarminjar en sótt er
um skráningu Surtseyjar sem
náttúruminja.
Vestmannaeyjabær hyggst
byggja gosminjasafn og gera
þar grein fyrir Heimaeyjargos-
inu 1973 og Surtseyjargosinu
1963-67.
Það er ekkert lát á verðhækkun-
um olíufélaganna. Á mánudag hækk-
aði bensínlítrinn um þrjár krónur hjá
Skeljungi. Verðið hækkaði hjá öllum
olíufélögunum sama daginn. Það
sem af er árinu hefur verðinu hjá
Skeljungi verið breytt þrjátíu og sex
sinnum.
Á sama tíma í fyrra hafði Skeljung-
ur aðeins breytt bensín- og olíuverð-
inu tíu sinnum. Frá því í júní í fyrra
hefur fyrirtækið breytt verðinu sex-
tíu og þrisvar sinnum, það jafngild-
ir því að verðbreytingar eigi sér stað
fimmta hvern dag. Bensínlítrinn í
sjálfsafgreiðslu er nú kominn upp
í 177,40 krónur. Þann 6. júní í fyrra
kostaði 95 oktana lítrinn í sjálfsaf-
greiðslu hjá Skeljungi 124,60 krónur.
Munurinn á verðinu nú og í fyrra er
því 52 krónur.
Ætla mætti að hátt bensínverð
hefði einhver áhrif á umferð á þjóð-
vegum landsins. Á vef Vegagerðar-
innar má sjá tölur um umferð, þær
koma frá fjórtán talningarstöðum og
benda til þess að umferðin á landinu
sé að dragast saman alls staðar. Það
lítur allt út fyrir að umferðin í sumar
verði minni en hún hefur verið sein-
ustu ár. Vegagerðin hefur borið sam-
an umferð í hverjum mánuði á ár-
unum 2006, 2007 og 2008. Umferðin
jókst mun meira á milli áranna 2006
og 2007 en frá 2007 til 2008. Í maí nú
í ár voru rétt í kringum 200 þúsund
bílar á þjóðvegum landsins, á sama
tíma í fyrra voru þeir 220 þúsund.
Steinþór Jónsson, formaður Fé-
lags íslenskra bifreiðaeigenda, segir
hækkanirnar undanfarið mjög bratt-
ar. Slíkt bitnar mikið á fólki sem hefur
ákveðið að ferðast um landið í sumar.
„Þegar þetta gerist svona hratt ger-
ir fólk ekki ráð fyrir þessu í útreikn-
ingum sínum,“ segir Steinþór. Hann
bætir því þó við að Ísland sé alltaf
þess virði að sækja heim. „Olíufélög-
in eru oft snögg til að hækka verðið
en það tekur lengri tíma þegar lækk-
anir ættu að verða,“ segir Steinþór.
jonbjarki@dv.is
Olíufélögin breyta verðinu þrefalt oftar en á sama tíma í fyrra:
Bensín hækkar og umferð minnkar
Minni umferð dregið hefur úr umferð frá því á sama tíma í fyrra.