Dagblaðið Vísir - DV - 02.07.2008, Page 11

Hamingjusamasta fólk í heiminum
er Danir samkvæmt nýrri könnun
félagsfræðinga. Lýðræði, félagslegur
jöfnuður og friður er það sem hefur
mest áhrif á það hversu hamingju-
samt fólk er, sögðu félagsfræðing-
arnir við Reuters á mánudag. Simb-
abve er neðst á listanum en ríkasta
þjóð heimsins, Bandaríkin, er í 16.
sæti.
Samkvæmt rannsókninni, sem
borguð er af bandarísku ríkisstjórn-
inni, er heimurinn að verða ham-
ingjusamari.
Á tímabilinu 1981 til 2007 jókst
hamingja fólks í 45 löndum af 52.
Stjórnmálafræðingurinn Ronald
Inglehart í Michigan‘s Institute for
Social Research sá um rannsóknina.
Segir hann ávallt vera mikil tengsl á
milli friðar og ánægju fólks. Einnig
eru mikil tengsl á milli þess að vera
hamingjusamur og að búa í lýðræð-
issamfélagi.
Puerto Rico og Kólumbía eru
einnig hátt á listanum ásamt Norð-
ur-Írlandi, Íslandi, Sviss, Írlandi,
Hollandi, Kanada og Svíþjóð. Þó að
Bandaríkin séu ekki hamingjusam-
asta þjóð í heimi segir Inglehart að
landið komi vel út. Landið fái góða
einkunn í jafnréttismálum og að
umburðarlyndi ríki gagnvart mis-
munandi kynþáttum. Hann tekur
einnig fram að í landinu ríki mikið
pólitískt frelsi.
Rannsóknin hefur verið gerð frá
árinu 1981. 350 þúsund manns voru
spurðir. Að lokum sagði Inglehart að
það sem skipti mestu máli til þess
að fólk væri ánægt væri það hversu
mikið frelsi fólk hefur til þess að taka
ákvarðanir varðandi sitt eigið líf.
DV Fréttir Miðvikudagur 2. jÚLÍ 2008 11
JÓN BJARKI MAGNÚSSON
blaðamaður skrifar jonbjarki@dv.is
Ný rannsókn leiðir sannleikann í ljós að frændur okkar, Danir, eru hamingjusamasta
þjóð í heimi. Íslendingar eru ofarlega á listanum, eða á svipuðu reki og Kólumbíumenn
og íbúar í Puerto Rico. Frelsi til að taka ákvarðanir um eigið líf skiptir mestu.
Danir hamingju-
samastir allra
Þrýsta á mugabe
Bandaríkin hófu umræður
um viðskiptaþvinganir gagnvart
Simbabve í Öryggisráði Sam-
einuðu þjóðanna á mánudag.
Þar var einnig rætt um frystingu
bankareikninga. Mikil pressa er á
Robert Mugabe, forseta landsins,
að endurskoða umdeildar kosn-
ingar sem eru nýafstaðnar í land-
inu. Diplómatar vona að á fundi
í Egyptalandi þar sem Afríku-
leiðtogar hittast muni Mugabe
beygja sig undan þrýstingi ann-
arra leiðtoga, þá yrði ákvörðun í
Öryggisráðinu óþörf.
erlendarFréttir
ritstjorn@dv.is
sOs 100 ára
„Sendu SOS,“ heyrðist í Titanic-
siglingunni margfrægu, en þá var
neyðarkallið SOS nýtt af nálinni.
Í gær varð þetta frægasta neyðar-
kall heimsins hundrað ára. 1. júlí
1908 var byrjað að nota þetta merki
fyrir skip á sjó. Á undan SOS var
svokallað CQD notað en því var
skipt út fyrir SOS vegna þess að það
síðarnefnda þótti einfaldara. Mjög
snemma fór SOS að skila árangri
en þegar skipið SS Slavonia sökk ári
á eftir Titanic var öllum mönnum
bjargað.
Puerto rico og Kólumb-
ía eru einnig hátt á list-
anum ásamt norður-
Írlandi, Íslandi, Sviss,
Írlandi, Hollandi, Kan-
ada og Svíþjóð.
Meiri hamingja Flestar þjóðir
hafa orðið hamingjusamari eftir
því sem árin hafa liðið.