Frjáls verslun - 01.04.2008, Qupperneq 26

26 F R J Á L S V E R S L U N • 4 . T B L . 2 0 0 8
DAGBÓK I N
„Rör til Norðurlanda“ var orðið
sem nokkrir notuðu um samning
Seðlabanka Íslands við seðla-
banka Danmerkur, Svíþjóðar og
Noregs þar sem bankinn tryggði
sér aðgang að 1,5 milljarði
evra eða um 175 milljörðum
íslenskra króna. Aðrir nefndu
þennan samning lánalínu til
Norðurlanda.
Samningurinn er svonefndur
gjaldeyrisskiptasamningur og
eykur hann gjaldeyrisforða
Seðlabankans og gefur honum
svigrúm til að lána íslensku við-
skiptabönkunum fé í evrum. Eitt
brýnasta verkefnið í efnahags-
málunum um þessar mundir er
að auka gjaldeyrisforðann og ná
niður verðbólgunni. Það hvílir
því mikið á Seðlabankanum um
þessar mundir.
„Rör til Norðurlandanna“
vísar auðvitað til þess að sé
gerð óvænt árás á krónuna
og viðskiptabankana undir
formerkjum skortstöðu þá er
hægt „að skrúfa frá krananum“
og fá erlendan gjaldeyri frá fyrr-
nefndum seðlabönkum.
Davíð Oddsson, formaður
bankastjórnar Seðlabankans,
sagði þegar hann tilkynnti
þennan samning við norrænu
seðlabankana þrjá að ekki væri
víst að Seðlabankinn þyrfti að
nýta þetta fé, en aðgangurinn
væri tryggður ef á þyrfti að
halda.
Davíð sagði ennfremur í fjöl-
miðlum þennan dag að samning-
urinn væri traustsyfirlýsing við
íslenskt viðskiptalíf og þvertók
fyrir að um einhverja neyðarað-
stoð væri að ræða. Hann benti
á yfirlýsingar seðlabankanna
þriggja um að vilji þeirra væri að
styrkja svigrúm og viðbúnaðar-
möguleika Seðlabanka Íslands
en ekki væri með neinum hætti
litið svo á að um neyðaraðstoð
væri að ræða.
„Það er rétt að hafa í huga
að það er á þessu augnabliki
ekkert sem bendir til þess í
sjálfu sér að við munum nokk-
urn tíma nota þessa peninga,“
sagði Davíð í fjölmiðlum.
Margoft hefur komið fram í
fjölmiðlum að hátt skuldatrygg-
ingarálag íslensku bankanna
stafar m.a. af því að erlendir
bankar hafa ekki verið vissir
um það hvert bakland íslensku
bankanna væri ef í harðbakkann
slægi.
Þessi samningur Seðlabanka
Íslands við seðlabanka
Danmerkur, Svíþjóðar og Noregs
er því ekki aðeins til að bæta
gjaldeyrisforðann heldur gefur
hann merki út á markaðinn um
að íslensku bankarnir eiga sér
sterkan bakhjarl í Seðlabanka
Íslands og ríkisvaldinu.
16. maí
davíð með
íþróttalýsingu
Davíð Oddsson seðlabanka-
stjóri var í viðtali á Bylgjunni
þennan umtalaða föstudag og
fór á kostum í lýsingu sinni
á aðstæðum í íslensku við-
skiptalífi. Hann lýsti þessu
sem knattspyrnuleik þar sem
við Íslendingar hefðum spilað
sóknarleik undanfarin
ár og verið mjög
marksæknir. En
öll knattspyrnulið
þyrftu að eiga
sterka vörn
og miðju til að verjast áhlaupi
andstæðinganna og sagði
Davíð að um þessar mundir
værum við í vörn og okkur gengi
AUKINN GjALDEyRISFORÐI
16. maí
Seðlabankinn:
rör Til norðurlanda
Rör til Norðurlandanna. Hægt verður „að skrúfa frá krananum“ ef
þurfa þykir.
Davíð Oddsson.
Með íþrótta-
lýsingu á Bylgjunni.