Frjáls verslun - 01.04.2008, Blaðsíða 34

34 F R J Á L S V E R S L U N • 4 . T B L . 2 0 0 8
árangur sem ég er ánægður með,“ segir Þorvaldur. „Ég tel að þetta
sanni að snögg og fagleg afgreiðsla á samkeppnishæfum kjörum sé
eitthvað til að byggja á. Við erum í því að byggja upp tekjustrauma
og viðskiptamannahóp og það hefur tekist vel þrátt fyrir erfið ytri
skilyrði.
Fyrirtækjaráðgjöf okkar hefur sterka verkefnastöðu, þótt vitanlega
setji núverandi lausafjárþurrð mark sitt á stöðuna. Okkur hefur hins
vegar tekist að fá til okkar trausta viðskiptavini og verkefni sem
skapa góðan grunn til framtíðar. Öll erlend verkefni okkar standa
vel og sannfæra okkur um að það verður ávallt rými fyrir smáa aðila
í fjármálaþjónustu sem velja sér verkefni við hæfi og seilast ekki of
langt.“
Um það hvort Saga Capital hafi lánað fyrirtækjum á Akureyri
hlutfallslega meira vegna þess að fyrirtækið er þar með höfuðstöðvar
sínar, segir Þorvaldur ekki svo vera. „Lán til fyrirtækja eða starfsemi
með fyrirtækjum á Akureyri er afar lítill hluti af starfsemi okkar.“
Að mati Þorvaldar verður helsti vaxtarbroddur Saga Capital
erlendis á næstu árum. „Það er rökrétt að ætla að vöxtur okkar muni
einkennast af áframhaldandi vexti erlendra verkefna í starfsemi
okkar. Við einbeitum okkur að því sem við lögðum upp með sem er
fagleg, snörp og örugg þjónusta á sviði verðbréfamiðlunar og fyrir-
tækjaráðgjafar. Að okkar mati eru Íslendingar almennt vel settir
í bankaþjónustu og markaðurinn nokkuð mettaður á mörgum
sviðum. En við teljum okkar syllu hafa verið vannýtta til þessa.
Eðlilega horfum við til hafs þar sem bankaríkið Ísland stendur ekki
undir miklum vexti allra þeirra er þar keppa.“
Vindarnir um íslenska hagkerfið
Við víkjum næst talinu að efnahagslífinu almennt og síðustu
aðgerðum Seðlabankans og þeim gjaldmiðlaskiptasamningum sem
bankinn gerði við norrænu seðlabankana.
Eru þessi samningur Seðlabankans við norrænu seðla-
bankana fullnægjandi?
„Það var mjög jákvætt skref sem stigið var með gjaldmiðlaskipta-
samningum Seðlabanka Íslands og norrænna seðlabanka. Þetta er
góð leið þar sem hún leiðir ekki til aukinnar skuldsetningar ríkis-
sjóðs og er sannfærandi fyrsta skref á annars langri göngu til að efla
trúverðugleika íslenska bankakerfisins.“
Ef þú ættir að gefa stjórnendum í íslensku viðskiptalífi eitt
gott ráð núna við núverandi aðstæður hvaða ráð yrði það?
„Haga seglum eftir vindi. Undanfarin ár hafa verið mjög gjöful
og einkennst af miklum vexti þar sem menn hafa nýtt hagfelldar
Það er margt gott við það að byrja í
miklum mótbyr og standa hann af sér.
Það er eins og að sjósetja nýtt skip
sem lendir í brotsjó á fyrstu vikum.
F j á r M á l
TALAÐ VIÐ ÞORVALD LÚÐVÍK SIGURjÓNSSON