Frjáls verslun - 01.04.2008, Page 36

36 F R J Á L S V E R S L U N • 4 . T B L . 2 0 0 8
Hvað skýringar eru á því að íslenskum fyrirtækjum hefur
fækkað svo mikið í kauphöllinni frá því þau voru þar flest?
„Í fyrsta lagi miklar umbreytingar á atvinnuháttum þjóðarinnar
sem sjást best í brotthvarfi sjávarútvegsfyrirtækja úr kauphöllinni. Í
öðru lagi hefur alþjóðavæðing markaðarins hér opnað augu manna
fyrir öðrum áherslum eins og seljanleika, verðbili og skýrari fram-
tíðarhorfum fyrirtækja. Þetta hefur þýtt auknar áherslur á erlend
hlutabréf og skerpt verulega samanburðinn við þau fyrirtæki sem
skráð eru hér heima. Sum þeirra standast þann samanburð fyllilega,
en önnur síður. Þessi þróun er eðlileg og hliðstæð því sem gerist á
öðrum nýmörkuðum.“
En hvaða afleiðingar hefur það fyrir hlutabréfamarkaðinn
á Íslandi þegar skráðum íslenskum fyrirtækjum fækkar svo
mikið?
„Hann minnkar og þéttist. En eftir eru færri en sterkari félög sem eru
betur í stakk búin til að keppa á alþjóðamörkuðum.“
Telur þú að bankarnir muni að lokum kjósa að skrá höf-
uðstöðvar sínar erlendis – og fara þannig til evrunnar fyrst
evran kemur ekki til þeirra?
„Það er raunverulegur möguleiki, ekki síst þar sem Ísland á undir
högg að sækja um þessar mundir sem skerðir samkeppnishæfi bank-
anna á erlendum mörkuðum. Á hinn bóginn er skattaumhverfið hér
hagfellt og verður hagfelldara, gangi fyrirhugaðar skattalækkanir eftir.
Ég held að menn muni enn þreyja þorrann og sjá hvort ekki rofi til
í umræðu um evru eða einhvern annan gjaldmiðil, eða hverjar þær
úrbætur sem kunna að verða við skipan gjaldeyrismála hér á landi.“
Ert þú hlynntur því að Ísland gangi í Evrópusambandið og
að tekin verði upp evra á Íslandi?
„Ég vil ekki taka einarða afstöðu með eða á móti, fyrr en ég veit hvað
um er að semja. Mér finnst því mál til komið að umræðan komist
í gang og fái eðlilega meðferð hér. Aðeins þannig getum við tekið
afstöðu til þess hvað er í boði og getum síðan hagað okkar gjaldeyr-
ismálum í samræmi við þá afstöðu.“
Hvað telur þú að brýnt sé að gera á næstu mánuðum í
atvinnulífinu til að vinna gegn þeim skaða sem hin alþjóð-
lega fjármálakreppa hefur haft á íslenskt atvinnulíf?
„Efla trúverðugleika á ný og gæta aðhalds í rekstri, bæði hins opinbera
og í einkageiranum. Það er augljóst að ekkert fyrirtæki fær þrifist við
núverandi vexti í íslenskum krónum. Á meðan aðgengi að erlendum
lánum er verulega laskað er fátt að gera í stöðunni nema spila vörn og
stilla væntingar í takt við ástandið.“

Telur þú að teikn séu á lofti um betri tíð á næstu mán-
uðum eða á hagsveiflan eftir að teygja sig enn neðar með
atvinnuleysi og lækkandi húsnæðisverði?
„Það eru jákvæð teikn á lofti um að ástandið sé að batna. Þannig er
nýleg lántaka Glitnis í Noregi og síðasta útspil Seðlabankans á gjald-
eyrismarkaði ljós í annars dimmum horfum. Hins vegar tel ég að
„Það hefur fyllilega staðist væntingar okkar að hafa höfuðstöðvarnar norðan heiða,“ segir Þorvaldur.