Frjáls verslun - 01.04.2008, Blaðsíða 84
Lífsstíll
84 F R J Á L S V E R S L U N • 4 . T B L . 2 0 0 8
Svo mörg voru þau orð
„Ég held að þessi tími sem er nú, tími samdráttar, feli í
sér gríðarleg tækifæri. Það má segja að við höfum gott af
þessu, að taka til og láta renna af okkur.“
Kristín Pétursdóttir, forstjóri Auðar Capital hf.
Morgunblaðið 15. maí.
„Kreppur eða samdráttarskeið eru nauðsynlegur þáttur í
framþróun efnahagslífsins. Í uppsveiflum, þegar allt er í
blóma, hafa hlutirnir tilhneigingu til að fara úr böndunum. Þá
fer að þrífast alls konar rugl og óhóf sem samdráttarskeiðin
útrýma. Þannig falla illa rekin framkvæmdafyrirtæki með
rassvasabókhald. Sérvöruverslanir sem sérhæfa sig í gullkló-
settum eða einhverju álíka fara á hausinn.“
Hafliði Helgason, blaðamaður og ráðgjafi.
Markaðurinn, 7. maí.
Frjáls verslun 32 árum
Jórunn Ósk Frímannsdóttir borgarfulltrúi er
sælkeri mánaðarins og gefur hún uppskrift
að ítalskri kjötsúpu sem hún eldar nokkrum
sinnum á ári.
„Hún er sennilega aldrei eins því ég nota
svona eftir hendinni það sem ég á til af
grænmeti hverju sinni. Undirstaðan er þó
alltaf sú sama og súpan algjört lostæti.“
Guðdómleg ítölsk kjötsúpa
1 l vatn
400 g nautagúllas
3 stilkar sellerí
3-6 gulrætur
1 lítil rófa, ef rófutími
1-2 rauðlaukar
1 hvítlaukur
1 rauður chili
1 haus brokkolí
2 stk. sólþurrkaður tómatkraftur
1 dós tómatpúrra
1 dós niðursoðnir tómatar
2 msk. þurrkað oreganó
1 msk. þurrkað basilikum
1/2 - 1 búnt fersk basilika
Pipar og salt
Steinselja og þeyttur eða sýrður rjómi
Galdurinn við þessa súpu er að nota ferskt
og gott hráefni, setja allt í pott um miðjan
dag og leyfa henni að malla í tvo tíma hið
minnsta.
1 lítri af vatni settur í pott. Kjötið steikt
á pönnu, kryddað með svörtum pipar og
sett í pottinn. Laukur, sellerí, gulrætur,
chili, rófa og hvítlaukur skorið í bita, steikt í
basilblandaðri ólívuolíu og sett út í pottinn.
Niðursoðnir tómatar, tómatpúrra, krafturinn,
þurrkað basilikum og oreganó sett út í
pottinn og soðið á vægum hita í 2-3 tíma.
U.þ.b. 20 mínútum áður en súpan er borin
fram er brokkólí brotið í passlega munnbita
og sett út í ásamt ferskri basiliku. Súpan
loks smökkuð til og bætt í hana rjóma, salti
eða krafti eftir þörfum.
Borin fram með nýbökuðu brauði,
rjómaslettu (sýrðum rjóma) og ferskri
steinselju.
Jórunn Ósk Frímannsdóttir er sælkeri mánaðarins.
Sælkeri mánaðarins:
Ítalskt lostæti
– Það verður ekki annað sagt um manninn minn en að hann veit
hvað hann vill og hættir ekki fyrr en hann fær það.