Frjáls verslun - 01.04.2008, Qupperneq 88

88 F R J Á L S V E R S L U N • 4 . T B L . 2 0 0 8
t ö lv u r o g t æ k n i
Þ
etta er saga sem byrjaði fyrir rétt
rúmum áratug. Hugmyndin var
að búa til tölvuleik á Netinu;
leik þar sem margir spila saman
um langan tíma. Þetta eru kall-
aðir fjölþátttökuleikir þar sem fjöldi þátttak-
enda er ótakmarkaður og leiknum þarf aldrei
að ljúka.
Undirbúningur tók fjögur ár. Það þurfti
að hanna leikinn og afla fjár til vinnu-
nnar meðan tekjur voru engar. En þetta var
draumur nokkurra ungra manna árið 1997
og þeir gáfust ekki upp. Upphaflega voru
það Reynir Harðarson, Ívar Kristjánsson og
Þórólfur Beck sem hófu þessa vinnu við EVE
Online.
Síðar hafa fleiri bæst við í hópinn. Núna
eru starfsmenn um 340, þar af 200 í höf-
uðstöðvunum þar sem gamla Bæjarútgerð
Reykjavíkur – BÚR – var til húsa á Granda-
garði. Hinir eru í Bandaríkjunum, Bretlandi
og Kína. Þannig er þetta fjölþjóðlegt fyr-
irtæki með einn fjölþátttökuleik að und-
irstöðu en um leið er verið er að þróa annan
leik til viðbótar.
Áskrift að einum leik
Og hvernig er hægt að reka svo stórt fyrir-
tæki með áskrift að einum tölvuveik í tekjur?
Hilmar Veigar Pétursson framkvæmdastjóri
leggur reikningshaldið á borðið.
„Það eru núna 230 þúsund áskrifendur
að leiknum og ef hver borgar 15 dollara á
mánuði í áskrift þá er kominn grundvöllur
fyrir fyrirtæki,“ segir Hilmar. Markmiðið
er að fjölga áskrifendum í 300 þúsund á
ári. Hilmar vonast til að lokatölur þessa árs
verði 50 milljón Bandaríkjadalir. Á núgild-
andi gengi er það um 3,6 milljarðar íslenskra
króna.
Hilmar hefur verið framkvæmdastjóri
CCP síðustu fjögur ár en var áður tæknilegur
framkvæmdastjóri. Hann er upphaflega tölv-
unarfræðingur frá Háskóla Íslands og kom
til CCP sem tæknimaður. CCP er skamm-
stöfun fyrir „Crowd Control Productions“
og vísar til þess að fyrirtækið fæst við fjölþátt-
tökuleiki.
Mögru árin
Hilmar segir að fyrstu árin hafi verið erfiðust.
Fyrirtækið hafði engar tekjur og þá var farið
út í að búa til hefðbundið borðspil til sölu
í búðum. Þetta var „Hættuspil“ sem kom
á markað árið 1999 og seldist vel á Íslandi.
Hilmar segir að tíu þúsund eintök hafi selst
fyrsta árið.
„Þetta var mjög mikilvægt fyrir fyrir-
tækið,“ segir Hilmar. „Við fengum tekjur
af sölunni og það hafði mikið að segja fyrir
EVE-ONLINE:
Aflinn fæst í net. Núna í Internet en hann er unninn hjá Bæjarúrgerðinni eins og í gamla
daga. Aflinn er 230 þúsund áskrifendur að leik á Internetinu um heim allan. Áður var fullt af
fiski hjá Bæjarútgerðinni en núna bara tölvuleikurinn EVE Online og hann gefur minnst þrjá
milljarða í tekjur á ári. Hilmar Veigar Pétursson er framkvæmdastjóri CCP á Grandagarði.
TExTI: gísLi kristjáNssoN • MyNDIR: geir óLaFssoN og fl.