Iðnaðarmál - 01.01.1978, Page 14

Mynd 3
en rásin sjálf er ekki nema um 2 millimetrar á hvorn
veg. Þessi samrás er felld inn í kubb, en það er
fjöldi tengipunkta við ytri rásir, sem ræður heildar-
stærð kubbsins, en dæmigerð samrás er sýnd til
til hægri á myndinni. Til vinstri á myndinni eru þeir
bútar, sem jafngilda því sem er í tiltölulega einföld-
um samrásum.
í fáum orðum má lýsa þróun rafeindatækninnar
frá 1962 á þann veg, að með hverju ári mátti koma
um tvöfalt fleiri bútum en árið áður í eina samrás.
Árið 1963 voru um 10 bútar í dæmigerðri samrás,
fimm árum síðar voru þeir komnir upp í 300, 1972
mátti koma þar fyrir 5000 bútum og um þessar
mundir eru um 150 þúsund bútar í flóknustu rásun-
um (mynd 4). Samhliða þessu hefur verð venjulegra
samrása lækkað jafnt og þétt, eins og sjá má á
myndinni. Samrás, sem kostaði árið 1963 um 2500
krónur við núverandi verðlag, kostar nú aðeins um
200 krónur.
Að lokum skal litið á verð hvers smára í hinum
flóknustu samrásum. Línuritið á mynd 5 lýsir þróun-
inni. Hér verð ég að benda sérstaklega á, hvers
konar mælikvarði er á hinum lóðrétta ás, því verðið
tifaldast fyrir hvert strik. Árið 1960 kostaði venjuleg-
ur smári um 500 krónur, 1965 var verðið fallið niður
í um 50 krónur og 1970 er það komið niður í 10
krónur. Og takið nú vel eftir. 1972-73 tekur verðið
að falla enn örar og um þessar mundir er verð hvers
smára stundum ekki nema um 10 aurar, var um 500
krónur 1960, en er nú komiö niður i tiu aura.
Mynd 4
HÁMARKSFJÖLDI VERD VENJULEGRAR
BÚTA Í SAMRÁS SAMRÁSAR KR.
1963 10 2500
1968 300 1200
1972 5.000 400
1977 150.000 200
8
Eitt síðasta afsprengi þessarar þróunar verð-
skuldar að á það sé drepið sérstaklega: örtölvan.
Örtölvan er mjög öflug stjórnrás í einni samrás og
getur hún unnið að flóknum verkefnum, sem áður
þurfti stór og dýr stjórnkerfi eða tölvur til að leysa,
eða flóknar sérhannaðar rásir. Verkefni sín leysir
örtölvan í samræmi við þá forskrift, sem situr í
minni hennar, og getur sama örtölvan leyst hin ó-
líklegustu verkefni. Hönnun tækja verður þá að
verulegu leyti gerð forskriftar. Þetta breytir viðhorf-
um við lausn fjölmargra verkefna á svipaðan hátt
og hinar hraðfleygu flugvélar hafa breytt möguleik-
um til ferðalaga, miðað við það, þegar ferðast var
með gufuskipum og járnbrautum.
Af þessari þróunarsögu er Ijóst, að forsendur fyr-
ir hönnun og smíði velflestra rafeindatækja hafa
gjörbreyst síðasta áratug, þó einkum síðustu 3-4 ár.
Flest rafeindatæki verða endurhönnuð frá grunni á
næstu 5-10 árum og fjölmörg ný tæki munu koma
fram, ekki einungis tæki fyrir rannsóknarstofur,
heldur tæki fyrir heimili, skrifstofur, verksmiðjur,
bóndabýli og báta, fyrir unga og aldna.
Hlutfallslegt verö hvers smara í samrásum
>960 1965 1970 1975
Mynd 5
Rafeindatæknin gegnir þegar mjög mikilvægu
hlutverki í daglegu lífi okkar og atvinnurekstri, og
vil ég sem dæmi minna á notkun rafeindatækja í
fiskiskipum: Sigling bátanna .veiðarnar, öryggið, allt
byggist þetta á fortakslausan hátt á rafeindatækj-
um. Á komandi árum munu rafeindatækin gegna sí-
vaxandi hlutverki. Tækifærin á sviði rafeindatækni
eru því mýmörg.
Fram til þessa höfum við flutt inn nær öll þau
rafeindatæki, sem hér hafa verið notuð og er árlegt
innflutningsverðmæti tækjanna 3-5 milljarðar króna.
Vegna hinnar miklu vinnu, sem framundan er við
endurhönnun eldri tækja og hönnun nýrra, býður
rafeindatæknin upp á einstakt tækifæri um þessar
mundir til að hefja töluverðan rafeindaiðnað hér á
landi. Við getum og eigum að taka virkan þátt i
hönnun og smiði ýmissa þeirra rafeindatækja, sem
hér verða notuð á komandi árum, og ef vel tekst til
getur töluverður útflutningur slikra tækja fylgt i
kjölfarið.
Útflutningur - þetta hljómar vafalítið sem draum-
IÐNAÐARMÁL