Víkurfréttir - 21.02.2008, Blaðsíða 18
18 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 8. TÖLUBLAÐ I 29. ÁRGANGUR
Félagar í Golfklúbbi Suður-
nesja kveðja fyrrverandi for-
mann sinn og góðan félaga
Hörð Guðmundsson sem
lést 13. febrúar s.l. Hörður
var einn af brautryðjendum
klúbbsins og stofnfélagi.
Hann var formaður klúbbsins
í 16 ár fyrst 1971 en síðan sam-
fleytt í 15 ár frá árinu 1974.
Hann var ávallt boðinn og bú-
inn til að leggja sitt af mörkum
fyrir Golfklúbb Suðurnesja og
var ötull í starfi. Hans þáttur
í uppbyggingu Golfklúbbs
Suðurnesja var mikill og allt
gert með glæsibrag. Það sann-
ast best á klúbbhúsinu sem
er eitt glæsilegasta klúbbhús
landsins og að mestu byggt
í sjálfboðavinnu af félögum
klúbbsins undir styrkri stjórn
Harðar. Þá átti uppbygging
golfvallarins sér að mestu stað
í stjórnartíð hans og eiga þeir
Hörður og Hólmgeir bróðir
hans ekki ófá handtökin í
þessum glæsilega golfvelli.
Hann var löngum stundum
út í Leiru við golfleik eða að
sinna ýmsum félagsmálum á
vegum klúbbsins. Hann lagði
sérstaka rækt við yngri golfar-
ana og var þeim til leiðsagnar
og stuðnings. Það leiddi til
þess að Golfklúbbur Suður-
nesja átti og á enn golfleikara
í fremstu röð á Íslandi. Hann
var alla tíð virtur af félögum
sínum í golfklúbbnum enda fé-
lagslyndur og drengur góður.
Félagar í Golfklúbbi Suður-
nesja kveðja sinn góða félaga
og formann Hörð Guðmunds-
son með þakklæti í huga og
votta aðstandendum samúð.
Stjórn Golfklúbbs
Suðurnesja
Golfíþróttin er einstök og
hefur á síðasta áratug orðið
að næststærstu íþróttagrein á
Íslandi. Hörður Guðmunds-
son var einn af ekki svo mjög
mörgum sem heillaðist af
þessarai mögnuðu íþrótt á sjö-
unda áratug síðasta aldar, fyrir
rúmlega fjörtíu árum síðan.
Þá vissi hann ekki að hann
átti eftir að marka spor sín í
uppbyggingu hennar á Suður-
nesjum svo um munaði.
Hann sló sitt fyrsta högg í
Leirunni fljótlega eftir stofnun
klúbbsins árið 1964 og óbeisl-
aður áhugi hans kom fljótt í
ljós. Hörður vildi veg íþróttar-
innar sem mestan og varð for-
maður Golfklúbbs Suðurnesja
1971, fyrst í eitt ár en tók svo
aftur við stjórnartaumnum
þremur árum síðar og sleppti
honum ekki næstu fimmtán
árin. Og kannski sem betur
fer fyrir klúbbinn því undir
hans stjórn og eftirlifandi
eldri bróður hans, Hólmgeirs,
gerðist ótrúlega mikið. Hólms-
völlur sem oft er kallaður
Leiran, varð að alvöru 18 holu
velli árið 1986 og ekki nóg
með það heldur var vígt nýtt,
stórt og glæsilegt félagsheim-
ili klúbbsins á sama tíma, rétt
áður en tímamótaíslandsmót
var haldið.
Við félagarnir hittum Hörð
fyrst í Leirunni fljótlega eftir
að okkar leiðir lágu í þessa
paradís árið 1972. Nokkrum
árum síðar réði Hörður okkur
í vinnu við vallarhirðingu
Hólmsvallar. Það er okkur
ógleymanlegur og ómet-
anlegur tími. Hörður sem
þá var formaður var einnig
vallarstjóri. Hans hugur var
alla daga í Leirunni. Snyrti-
mennska, dugnaður og metn-
aður voru honum í blóð borin
sem og endalaus áhugi fyrir
uppbyggingu og hirðingu
Hólmsvallar. Hörður var
óþreytandi á því að leggja
okkur lífsreglurnar í öllu þessu
en studdi okkur á sama tíma í
því að verða betri kylfingar.
Tók tillit til þess í vinnu okkar
á vellinum og gaf okkur frí til
að keppa. Eitt árið var Íslands-
mót í Leirunni. Við félagarnir
slógum flatir og brautir með
Herði svo völlurinn myndi
skarta sínu fegursta og svo
kepptum líka um Íslandsmeist-
aratitilinn. Öðrum okkar gekk
betur og var í toppbaráttunni
eftir tvo daga af fjórum og þá
vildi Hörður að sá fengi frí í
vinnu síðustu tvo dagana svo
hann gæti einbeitt sér að mót-
inu. Hinn vann áfram við
vallarsláttinn. Það skipti hann
miklu máli að kylfingar í Golf-
klúbbi Suðurnesja bæru merki
hans í keppnum og næðu ár-
angri.
Við lentum í skemmtilegum
ævintýrum með Herði í
Leirunni. Einu sinni lenti hann
undir kerru fullri af möl þegar
við unnum við stækkun vall-
arins. Þá þurfti að hafa snör
handtök til að bjarga formann-
inum, en það tókst. Hann
þurfti líka að bjarga okkur
úr vandræðum, oftar en einu
sinni. Við héldum einu sinni
gleðskap með fleiri vinum
okkar í golfskálanum að
kvöldi til, nokkuð sem var að
sjálfsögðu stranglega bannað.
Það sást til okkar og Hörður
mætti á staðinn, okkur að
óvörum. Fjörið var úti og við
héldum á brott skömmustu-
legir. Aldrei nefndi hann þetta
við nokkurn mann í stjórn
klúbbsins svo við sluppum við
refsingu, sem við áttum skilið
fyrir þessi strákapör.
Hörður var formaður af
gamla skólanum, enda með
ungmennafélagsblóð í æðum.
Hugsjónamaður. Á þessum
tíma voru litlir og oft engir
peningar til en með útsjónar-
semi tókst honum að fá fólk
og fyrirtæki með sér í lið. Það
var ótrúlegt að sjá stórvirkar
vinnuvélar á Hólmsvelli við
gröft og jarðvegsflutning þegar
við vissum að GS buddan væri
tóm. Hörður kunni þetta vel
og kunni að halda góðu sam-
bandi við styrktaraðila klúbbs-
ins þó ekki væru til peningar.
Hörður hlaut á ferli sínum
æðsta heiðursmerki Golfsam-
bands Íslands, gullkrossinn,
ásamt Hólmgeiri bróður
sínum, en þeir voru einnig
gerðir að heiðursfélögum í
Golfklúbbi Suðurnesja.
Ekki má gleyma því að
Hörður hefði ekki afrekað
svona mikið ef hann hefði
ekki átt fjölskyldu sem studdi
hann í öllu þessu. Við sendum
þér, elsku Rósa og fjölskyldu
þinni okkar innilegustu sam-
úðarkveðjur.
Páll Ketilsson og
Gylfi Kristinsson.
Kveðja frá Golfklúbbi Suðurnesja
f. 21. júlí 1931 - d. 13. febrúar 2008
Hörður Guðmundsson
hárskerameistari - minning