Víkurfréttir - 19.03.2008, Blaðsíða 20

20 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 12. TÖLUBLAÐ I 29. ÁRGANGUR
Póstkassinn
Mið viku dag inn 12. mars
var bíll inn minn, BR-130,
sem er grá Mazda station, á
bif reiða stæði utan við Njarð-
vík ur skóla. Er ég kom að
hon um klukk an 14:00 var
stór og mik il rispa á aft ur-
hurð far þega meg in. Þetta er
aug ljós lega mik ið tjón fyr ir
mig en ef sá sem þetta gerði,
vænt an lega óvart, gef ur sig
fram kem ur þetta óhapp
ekki til með að bitna á mínu
veski né þínu, þar sem trygg-
ing ar borga fyr ir tjón ið. For-
eldr ar vin sam leg ast ræð ið
þetta við börn in ykk ar og
lát ið lög reglu á Suð ur nesj um
vita ef tjón vald ur af óhapp-
inu finnst.
Sig valdi Lár us son,
S: 694 6208
Bíll inn minn var risp að ur
Í fréttum síðustu daga hafa verið settar fram
fullyrðingar um að óvissu gæti um orkuöflun
fyrsta áfanga álvers Norðuráls í Helguvík.
Ástæða er til að ítreka að þetta er rangt. Fyrir
liggja samningar HS hf, og OR við Norðurál
um útvegun orku til álvers í Helguvík og
bendir allt til þess að auðvelt verði að standa
við samninga. Verða forsendur orkuöflunar
HS hf útskýrðar hér á eftir:
HS hf og Orkuveita Reykjavíkur (OR) hafa
gert samninga við Norðurál um orkuöflun
fyrir álverið og samkvæmt þeim samningi
mun OR afhenda 100 MW vegna 1. áfanga
og HS hf 100 – 150 MW.
Til að framleiða 120.000 tonn af áli þarf
rúmlega 200 MW og 150.000 tonna álver
þarf um 250 MW.
HS hf framleiðir nú um 175 MW raforku í
orkuverum sínum á Reykjanesi (100 MW) og
í Svartsengi (75 MW). Af þessari framleiðslu
fara nú um 140 MW frá svæðinu um eina
línu sem liggur að Hamranesi við Hafnarfjörð
en með álveri og annarri aukningu notkunar
á svæðinu myndi flæðið um línuna snúast
við.
HS hf. telur að með núverandi verkefnum
verði auðvelt að útvega orku samkvæmt
umræddum samningi.
Nánar um verkefnin
Nú er unnið að því að bæta við 3. vélinni (50
MW) í orkuverinu á Reykjanesi. Á árinu 2007
voru boraðar þar 2 borholur sem varaholur
og vegna mögulegrar stækkunar og eru þær
taldar geta gefið um 15 MW. Á þessu ár hefur
verið boruð þriðja holan og nú í gufupúðann
sem hefur myndast sem heppnaðist mjög vel
og er talin geta gefið vel yfir 10 MW. Er nú
að hefjast borun annarrar holu í gufupúðann
og takist hún jafn vel er gufuöflun fyrir
vélina langt komin. Í síðustu viku fóru fram
viðræður við framleiðanda túrbínanna og er
gert ráð fyrir að gengið verði frá endanlegum
samningi í júní/júlí og að túrbínan komi til
landsins fyrir árslok 2009 og geti þá hafið
framleiðslu í 4. ársfjórðungi 2010.
Þá vinnur HS hf. að því að nýta frekar
affallsvökva á Reykjanesi. Nú fara í affallið 6 –
700 l/sek. af rúmlega 200°C heitum vökva þar
sem hann er yfirmettaður af steinefnum. HS
hf er í samstarfi við 2 erlend sérfræðifyrirtæki
til að þróa varmaskipta þannig að unnt verði
að nýta allt að 50 MW úr vökvanum. Er þess
vænst að á haustdögum liggi fyrir endanleg
útfærsla á nýtingu þessarar varmaorku.
Þá ber að nefna að 35 MW frá núverandi
virkjunum voru seld á skammtímasamningi
sem rennur út á árinu 2011 og þá eru þau
laus og til ráðstöfunar. Ekki er ástæða að nýta
þurfi þau til að uppfylla umrædda samninga
við Norðurál en stendur opið til þess.
Enn einn virkjanakostur eru Eldvörp þar
sem boruð var hola 1982. Nú er unnið
að breytingum á skipulagi í samstarfi við
Grindavíkurbæ þannig að unnt verði að
ráðast í frekari boranir og síðan er stefnt að
35 – 50 MW virkjun þar auk framleiðslu á
heitu vatni fyrir hitaveitu. Gert er ráð fyrir
nýtingu a.m.k. hluta orkunnar í Grindavík
þegar fram líða stundir. Viljayfirlýsing liggur
fyrir varðandi túrbínu og stefnt að því að
ganga frá kaupum um eða fyrir áramót.
Um 2. áfanga Álvers í Helguvík
Varðandi raforku fyrir 2. áfanga álvers í
Helguvík, sem gert er ráð fyrir að hefji
framleiðslu eftir 6-7 ár þarf 100 – 150 MW,
samkvæmt samningi. Auk þess sem að framan
greinir hefur HS hf. rannsóknarleyfi á 4
svæðum sem hvert um sig eru talin geta gefið
100 MW. Er nú unnið að skipulagsmálum
með viðkomandi sveitarfélögum og þess
vænst að rannsóknarboranir geti hafist í
lok þessa árs. Með uppbyggingu virkjana
í kjölfar rannsókna verða næg tækifæri til
annarrar atvinnuuppbyggingar meðfram sölu
til álversins.
Um flutning orku á milli Suðurnesja
og Landsnetsins
Það er a lgjörlega nauðsynlegt vegna
atvinnulífs, almennings og núverandi
raforkuframleiðslu að önnur háspennulína
verði byggð sem allra fyrst. Sú lína er forsenda
þess að viðunandi afhendingaröryggi sé á
svæðinu, hvort sem verið er að ræða um
netþjónabú eða aðra starfsemi. Fullyrðing um
að styrking línunnar sé eingöngu vegna álvers
í Helguvík er algjörlega fráleit en hins vegar
má fullyrða að það rekstraróöryggi sem fylgir
einni línu hamli frekari vexti atvinnulífs og
byggðar á svæðinu.
Um raforkuna frá OR
Samkvæmt upplýsingum frá OR áætlar
fyrirtækið að orka til Helguvíkur muni
koma frá virkjunum á Hengilssvæðinu. Þar
er ráðgert að framleidd verði um 300 MW
árið 2010 og 2011. Samningur OR, sem
samþykktur er af stjórn fyrirtækisins, gerir
því ráð fyrir aðeins þriðjungi þess magns til
Helguvíkur. Því er mikið svigrúm fyrir OR að
standa við umræddan samning.
Þetta kemur fram í tilkynnnigu
frá Hitaveitu Suðurnesja hf.
Áfram Árni, þú hefur minn
stuðning. Þrátt fyrir að
vera í hjarta mínu á móti
álverum í byggð, get ég ekki
annað en staðið við bakið
á bæjarstjóranum mínum
þegar hann tekur svona
af skarið. Að taka fyrstu
skóflustunguna án pólitísks
stuðnings þarf kjark.
Loksins höfum við mann
með kjark. Ég er orðin þreytt
á því að fá aldrei stuðning
þingsins þegar á reynir.
Kvótaúthlutun hefur verið
fremur dræm til Suðurnesja,
sér í lagi til Reykjanesbæjar.
Rökin hafa verið þau að
„þið hafið Kanann“ eða „þið
eruð ekki landsbyggð í raun,
því þið eruð svo nálægt
Höfuðborgarsvæðinu“. Enn
og aftur á að nota sömu
rökin. Landsbyggðin (sem er
ekki þið) þarf meira á álveri
að halda, þið getið fundið
eitthvað annað að starfa við.
Er einhver firra í gangi á hinu
háa Alþingi? Átta þeir sig ekki
á því að fólkið er hér og er
að flytja hingað í stórum stíl,
hvort heldur Íslendingar eða
útlendingar? Reyndin er sú að
þrátt fyrir álver á Austfjörðum
vantar fólk til að vinna þar,
því margt fólk einfaldlega vill
ekki búa þarna. Fólksfjölgun
hefur hvergi verið meiri en í
Reykjanesbæ og Suðurnesjum
almennt. Í þeim tölum teljast
ekki farandverkamenn.
Álver Norðuráls í Helguvík
skapar örugga vinnu fyrir
nokkur hundruð manns
þegar fram í sækir. Sú vinna
verður ekki bara eftirsótt af
Suðurnesjabúum, heldur mun
fólk af Höfuðborgarsvæðinu
einnig sækja þangað eftir
vinnu, þrátt fyrir að þurfa
að keyra á milli, sem
verður tiltölulega lítið
mál þegar Vegagerðin
hefur lokið verki sínu.
Ég skora á þingmenn okkar,
sérstaklega Árnana tvo þá
Árna M. Mathiesen og Árni
Johnsen að standa einnig
við bakið á bæjastjóra
Reykjanesbæjar. Sýnið
stuðning ykkar í verki og
berjist fyrir því að álverið fái
þær losunarheimildir sem það
þarf, starfsleyfi og leyfi fyrir
lagningu rafmagnslína. Einnig
að Hitaveita Suðurnesja og
Orkuveita Reykjavíkur fái
að framleiða þá orku sem
álverið kemur til með að
þarfnast í framtíðinni.
Áfram Árni Sigfússon
bæjarstjóri Reykjanesbæjar,
þú hefur minn stuðning.
Guðrún Guðmundsdóttir
deildastjóri
í Njarðvíkurskóla
Árni góður!
Engin óvissa vegna
orkuöflunar fyrir álver
Norðuráls í Helguvík
Víkurfréttir koma næst út fimmtudaginn 27. mars.
Skrifstofur blaðsins opna aftur
þriðjudaginn 25. mars.
Skilafrestur auglýsinga til kl. 17 sama dag.
Gleðilega páska - Starfsfólk Víkurfrétta.