Víkurfréttir - 11.09.2008, Blaðsíða 14
14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 37. TÖLUBLAÐ I 29. ÁRGANGUR
Stefanía Katrín Karlsdóttir
framkvæmdastjóri íþrótta-
, heilsu- og heilbrigðisklasa
Keilis segir að alger sprenging
hafi orðið í aðsókn að einka-
þjálfaranámi við Íþrótta-,
heilsu- og heilbrigðisklasa
Keilis. Eitthvað á annað hund-
rað umsóknir bárust um
námið. Skólinn tekur inn tvo
hópa að þessu sinni en undan-
farið hefur skólinn verið með
einn hóp á hverju misseri. Hún
segist ánægð með þann áhuga
sem einkaþjálfaranámið fær
en þetta einkaþjálfaranám
er það eina á Íslandi sem er
viðurkennt af Menntamála-
ráðuneytinu og því hluti af
skólanámskrá Keilis. Námið
hefur sannað sig og teljum við
það komið á háan gæðastall.
Vandað einkaþjálfaranám
Stefanía nefnir að fólk geti
tekið helgarnámskeið eða
labbað út af líkamsræktarstöð
og kallað sig einkaþjálfara.
Henni finnst þó ekki fylgja
því mikil ábyrgð að setja t.d.
aðila sem hafi fengið brjósklos
upp í hendurnar á fólki sem
hefur ekki haldgóða menntun
í meðhöndlun á líkamanum.
Námið hjá Keili er hins vegar 9
mánaða mjög þétt nám. Aðeins
vel menntaðir einstaklingar
kenna, s.s. næringarfræðingar,
lífeðlisfræðingar, sjúkraþjálf-
arar, styrktarþjálfarar og fleiri.
Íþrótta-, heilsu- og heilbrigðisklasi Keilis:
Veljum bestu hugmynd-
irnar og vinnum þær vel
- segir Stefanía Katrín Karlsdóttir framkvæmdastjóri
Nú er einnig margt í pípunum
hjá Keili með frekari útvíkkun
á einkaþjálfaranáminu og kæmi
til greina að bjóða upp á kennslu
fyrir þjálfara sem stunda afreks-
þjálfun eða fólk sem er afreks-
fólk í íþróttum. „Við eigum
orðið svo mikið af afreksfólki
sem krefst topp þjálfara“.
Tekist á við illar tungur
Staða íþrótta-, heilsu- og heil-
brigðisklasa Keilis á þessu
hausti er góð. Einkaþjálfara-
námið er fullskipað. Verið er
að endurskipuleggja innihald
og áherslur afreksbrautarinnar.
Afreksbrautin hefur slitið
barnsskónum og því teljum við
nauðsynlegt að bæta námið
og styrkja það. Illar tungur
hafa talað niður afreksbraut
Keilis en við teljum að við
getum sýnt fram á að hér er
hægt að skipuleggja og bjóða
upp á spennandi valkost fyrir
afreksfólk í íþróttum. Það sem
Keilir býður upp á, samkvæmt
námsskrá, munum við standa
við. Stefanía segist lítið geta
gert við fortíðinni og þeim
loforðum sem þá voru gefin
um námið og ekki staðið við
að öllu leyti. Sumir nemendur
og foreldrar sjá, skiljanlega, að
margt hefði mátt betur fara.
Afreksþjálfun fyrir ungt fólk
Í haust er boðið upp á styrkt-
arþjálfunarhlutann af afreks-
brautinni. Skólinn horfir á
markhópinn 15-20 ára fyrir
afreksbrautina. Brautin er
hugsuð fyrir ungmenni sem eru
að æfa íþróttir að staðaldri, s.s.
knattspyrnu, körfuknattleik,
sund eða aðrar íþróttir. Í náminu
er styrktarþjálfunarþátturinn
tekinn fyrir, íþróttameiðsl,
hugarþjálfun og mataræði. Þjálf-
unarþáttur afreksbrautarinnar
er í endurskoðun. Um áramót
verður síðan byrjað með nýjar
áherslur í þjálfun bæði í knatt-
spyrnu og körfuknattleik.
Leikskólaliðar í námi
Á annað hundrað nemendur
stunda nám við íþrótta-, heilsu-
og heilbrigðisklasa Keilis í vetur.
Innan klasans hefur einnig verið
hleypt af stokkunum námsbraut
leikskólaliða á framhaldsskóla-
stigi þar sem eingöngu var
tekinn inn hópur fólks af svæð-
inu. Það hefur mælst vel fyrir.
Stefanía segist finna fyrir ánægju
hjá þessu fólki sem er að fara
inn í skólakerfið aftur eftir langt
hlé. Hópurinn sé ófaglærðir
starfsmenn leikskóla og Stefanía
lýsti því sem svo að um væri
að ræða blómagarð sem fengi
örlitla vökvun til að blómstra.
Keilir er einnig að bjóða nám
fyrir sjúkraliða sem vilja bæta
við sig námi til að komast í
hjúkrunarfræði. Nám í þrótta-
fræði til BS-gráðu er samstarfs-
verkefni Háskólans í Reykjavík
og Keilis. Nemendur á fyrsta
ári í íþróttafræði stunda námið
mikið til hjá Keili en minna
á seinni árum. Það nám vill
Stefanía aftur á móti leggja
meiri áherslu á á næstu árum.
Sú hugmynd hefur skotið upp
kollinum að reyna að koma upp
styrktarsjóði fyrir afreksfólk
í íþróttum og væri það spenn-
andi valkostur fyrir afreksfólk
í íþróttum. Reykjanesbær er
mikill íþróttabær og það eigi
fólkið að nýta sér og njóta þess.
Vandinn ekki leystur
á einni nóttu
„Þegar íþróttaakademían fór
af stað var farið af stað með
háleitar hugmyndir og flott
markmið. Það náðist hins vegar
ekki að vinna alfarið samkvæmt
því. Þar af leiðandi fer vélin
á loft en hún nær ekki alveg
fluginu. Við höfum hins vegar
áttað okkur á því hvað þarf að
gera og hvað það var sem hefði
mátt gera betur. Það er hins
vegar ekki hægt að leysa vanda-
málið á einni nóttu. Algjört
grundvallaratriði þegar verið er
að bjóða upp á menntun er að
byrja vel og faglega, þá ferðu á
flug. Það er betra að gefa und-
irbúningsvinnunni meiri tíma,
skilgreina og stilla upp verkefn-
inu áður en farið er af stað“.
Hjá Keili sé fólk búið að átta
sig á málunum og vonast til
að samfélagið líti til framhalds-
ins björtum augum. Hjá Keili
binda menn vonir við afreks-
brautina og horfa sérstaklega
til knattspyrnuþjálfunar með
endurskipulagningu í huga,
enda margir sem stunda
knattspyrnu á svæðinu og
gæðin eru há. Jafnframt mun
Keilir horfa á körfuknatt-
leikinn og fleiri greinar.
Starf Keilis gríðarlega
mikilvægt á Suðurnesjum
Stefanía segir það mikilvægt
að koma upp menntakúltúr á
Suðurnesjum. Það frumkvöðla-
starf sem stigið var hjá Íþrótta-
akademíunni í Reykjanesbæ
hafi verið mikilvægt og það
markmið Keilis að bjóða upp
á nám á framhaldsskólastigi
og háskólastigi í samvinnu við
Háskóla Íslands sé gríðarlega
mikilvægt skref fyrir þetta
samfélag. Hingað vill fólk
einnig flytja vegna þessa.
Keilir er aðallega í samstarfi
við Háskóla Íslands, enda HÍ
einn stærsti hluthafi Keilis.
Þá er Keilir í samstarfi við Há-
skólann í Reykjavík varðandi
íþróttafræðina og afreksbrautin
hefur verið í samstarfi við
Fjölbrautaskóla Suðurnesja.
Framhaldið hjá Keili er það að
nám leikskólaliða er komið á
gott skrið ásamt framhaldsnámi
fyrir sjúkraliða. Einkaþjálfara-
námið og íþróttafræðin er í
góðum höndum. Nú stendur
yfir endurskipulagning á afreks-
brautinni og þar verður komið
inn af meiri krafti í vetur. Fleiri
námsbrautir eru í smíðum.
Hjá Keili sjá menn meiri teng-
ingar við heilbrigðisgeirann í
menntun en Keilir hefur sett
fókus á efri ár framhaldsskóla-
stigs og fyrstu ár háskóla. Stef-
anía sagði hugmyndir Keilis vera
margar. Þau velji þær bestu fyrir
samfélagið og vinni þær vel.
Viðtal og mynd: Hilmar Bragi