Neytendablaðið - 01.06.2010, Síða 4

Steinar Júlíusson hefur verið félagsmaður í Neytendasamtökunum
í mörg ár. Hann hefur í áratugi búið í húsnæði á vegum húsnæðis­
samvinnufélaga og hefur mikla reynslu af slíkum félögum bæði
hérlendis og erlendis. Steinar segir erfitt að skilja hvers vegna svo
margir Íslendingar séu tilbúnir að skuldsetja sig langt fram í tím ann
til þess eins að geta búið í einkahúsnæði. Búseturéttur sé góður
kostur og geri fólki kleift að búa í góðu húsnæði án þess að skuld­
setja sig áratugi fram í tímann. Neytendablaðið ákvað að fræðast
meira um málið.
Margir kostir
Steinar og eiginkona hans, Guðrún Jónasdóttir, hafa búið í
hús næðis samvinnufélagsíbúð á Íslandi undanfarin 19 ár. Sjálfur er
Stein ar í stjórn Búmanna hsf. og þau hjónin eru með búseturétt í
íbúð á vegum Búseta hsf. Steinar segir þau mjög ánægð með þetta
fyrirkomulag og að þau myndu ekki skipta aftur yfir í hefðbundið
íslenskt húsnæðis kerfi aftur. „Kostirnir eru margir,“ segir Steinar.
„Við þurfum t.d. ekki að hafa áhyggjur af viðhaldi eða standa í
karpi við fasteignasala og iðnaðarmenn. Þannig spörum við tíma
og áhyggj ur sem fylgja kaupum á séreignaríbúð. Kostnaðurinn
er sann gjarn og við greiðum mánaðarlega sameiginleg gjöld og
skyld ur af íbúð og húsi auk smá upphæðar í viðhaldssjóð. Búsetu­
formið er að okkar mati gott; rólegt og öruggt sambýli og alls ekki
síðra en í sambærilegum íbúðarhúsum.“
Húsnæðissamvinnufélög víða um heim
„Fyrstu kynni mín af húsnæðissamvinnufélögum voru árið 1987
þegar ég bjó í tvö ár í slíku húsnæði í Osló. Til marks um það
hversu vinsæl slík félög eru í Noregi hefur stærsta félagið, OBOS,
með þriðju hverju íbúð að gera á Osló­svæðinu.“
En það er ekki bara á Norðurlöndum sem slík félög gegna mikil­
vægu hlutverki. Þau eru t.d. afar sterk í Kanada og Steinar segir
einnig merkilegt að í hinum kapítalísku Bandaríkjum sé starfsemin
mjög öflug og bendir á að í New York sé að finna stærsta sam félag
húsnæðissamvinnufélaga í heimi með u.þ.b. 3,8 miljónir félags­
manna. „Íbúðirnar eru í sjálfri miðborginni, á bestu stöðum borgar­
innar, og í þeim býr fólk af öllum stéttum. John Lennon og Yoko
Ono bjuggu til að mynda í slíku húsi.“

Berlín reist úr rústum
Steinar tekur dæmi um hlutverk húsnæðissamvinnufélaga við
endur reisn Berlínar: „Heimsborgin Berlín var nánast rústir einar fyrir
64 árum. Ekki eitt einasta hús á margra ferkílómetra svæði var heilt
en íbú arnir stofnuðu húsnæðissamvinnufélög sem endurbyggðu
íbúðar húsin í borginni á undraskömmum tíma. Berlínarborg er
löngu risin úr rústunum og endurreisnin gekk fljótt. Borgin er nú
þægi leg og mikil menningarborg sem gaman er að heimsækja.
Enn þá búa um 80% íbúa borgarinnar í húsum húsnæðisfélaga, fólk
af öll um stéttum; læknar, prófessorar, verkamenn og kennarar.“ Steinar Júlíusson
Húsnæðissamvinnufélög
– góður kostur
Allir þurfa þak yfir höfuðið. En hvers vegna vilja Íslendingar endilega eiga það?
4 NEYTENDABLA‹I‹ 2. TBL. 2010