Víkurfréttir - 12.07.2012, Page 14

FIMMTUDAGURINN 12. júLí 2012 • VÍKURFRÉTTIR14
Karlar og konur geta aldrei verið vinir því kynlífs-þátturinn flækist alltaf
fyrir. Enginn karlmaður getur átt vinkonu sem honum finnst aðlaðandi
án þess að girnast hana. Þrátt fyrir að hún hafi ekki
áhuga á honum þá svífur kynlífsþátturinn yfir vin-
skapnum sem þýðir að þetta gengur aldrei upp. Það
er ein undantekning og hún er sú að þegar báðir
aðilar eru í sambandi við aðra manneskju þá geta
þau átt vini af hinu kyninu því þá er búið að losa um
pressuna varðandi kynlíf. En samt eru ekki miklar
líkur á að það gangi heldur því manneskjan sem þú
ert í sambandi við veltir fyrir sér hvað vanti í sam-
bandið ykkar sem kallar á að þú þurfir að eiga vin
af gagnstæðu kyni og þegar það er gengið á þig og
spurt út í þann vinskap þá eru miklar líkur á því að þú verðir ásakaður um
að vera hrifin af vininum. Sem er þegar öllu er á botninn hvolft, líklega
rétt, sem færir okkur aftur á byrjunarreit – karlar og konur geta aldrei verið
vinir (samtal úr myndinni: When Harry met Sally).
Stórkostleg kona er fallin frá. Nora Ephron er manneskjan á bak við myndir
eins og Silkwood, When Harry Met Sally, Sleepless in Seattle, You´ve got
mail, Julie & Julia o.fl. Ég hefði viljað hitta Noru og spyrja hana út í sam-
skipti kynjanna en myndir hennar tóku á því málefni á skemmtilegan,
áhugaverðan og raunsannan hátt. Nora lét hafa eftir sér að karlmenn kæri
sig ekki um að eiga konur sem vini – því þeir eigi nóg af vinum, en konur
vilji aftur á móti eiga karlmenn sem vini því ef þær gætu skilið þá betur
væri lífið kannski ekki svona flókið.
Hún var sjálf þrígift en mið eiginmaður hennar var rannsóknarblaða-
maðurinn Carl Bernstein sem var annar þeirra sem svipti hulunni af
Watergate-hneykslinu. Nora skrifaði bókina Heartburn, sem varð seinna
að stórmynd með Jack Nicholson og Meril Streep en sagan er byggð á
lífi þeirra Bernstein. Þau skildu þegar hann fór að halda við sameiginlega
vinkonu sem Nora lýsir á skemmtilegan hátt í bókinni sem manneskju sem
líkist gíraffa með ótrúlega stóra fætur.
Persónulega finnst mér frábært að eiga karlmanns vini og hef ekki
orðið vör við að kynlífsþátturinn hafi svifið, legið eða trónað á annan
hátt yfir okkur og kæmi mér gjörsamlega á óvart ef þeir eru að hugsa
um hvernig ég lít út á nærbuxunum þegar við ræðum verðlag á bensíni
eða forsetakosningarnar. Þrátt fyrir sumarbústaðaferðir, matarboð, kaffi-
húsaheimsóknir og langa göngutúra þá hafa mörkin alltaf verið á hreinu.
Kannski þarf ég að taka Harry/Sallý umræðuna við þá og fá út úr því skorið
í eitt skipti fyrir öll hvort Nora Ephron hafði lög að mæla.
Bíðið – síminn hringir:
-Anna mín, ætlar þú ekkert að fara að koma upp í sumarbústað til mín,
búinn að bjóða þér 10x og aldrei kemur þú!
-Jú elsku Jón, fer að koma að þessu. Er að klára grein um samskipti
kynjanna og er að taka Harry/Sallý kenninguna fyrir: konur og karlar geta
ekki verið vinir af því að kynlífsþátturinn flækist alltaf fyrir! Hei sjáðu
okkur – ekki hefur þetta verið vandamálið!
-Segðu Anna mín – þessi góði vinskapur til margra ára. Neibb, aldrei neitt
vandamál hjá okkur og ég lít frekar á þig sem systur en kynveru! Mundi
ekki hvarfla að mér að reyna við þig – ég ætti ekki annað eftir, hahaha-
hahahaha (aðeins of löng hlátursgusa hér).
-Hei Jón, svona áður en þú kafnar í eigin hláturrokum, ÞAKKA ÞÉR ÞÁ
KÆRLEGA FYRIR að slengja þessu svona framan í mig. Ég áttaði mig nú
alveg á því að þú værir ekki andvaka vegna drauma um mig og villtar kyn-
lífsnætur en alveg óþarfi að gefa í skyn að ég sé bæði óaðlaðandi og ekki
í það minnsta kynþokkafull! Sjáum bara til með þessa sumarbústaðaferð,
hver nennir svo sem að fá feita og ljóta kerlingu í heimsókn til sín. Vertu
blessaður, ég get ekki dílað við þetta akkúrat núna.
Guð blessi minningu Noru Ephron!
Þangað til næst – gangi þér vel.
Anna Lóa
Fylgstu með mér - http://www.facebook.com/Hamingjuhornid
Þegar Harry hitti Sallý!
Örn Ævar Hjartarson varð klúbbmeistari GS í tólfta
sinn og endaði 72 holurnar á
tveimur undir pari en mótinu
lauk 7. júlí. Guðmundur Rúnar
Hallgrímsson og Sigurður Jóns-
son sóttu þó hart að Erni á loka-
hringnum en hann náði að sigra
þó lokahringurinn hafi verið hans
lakasti í mótinu. Guðmundur
endaði tveimur höggum á eftir
Erni og Sigurður þremur. Karen
Sævarsdóttir vann í kvennaflokki
eftir spennandi keppni við nöfnu
sína Guðnadóttur.
„Þetta var bara spennandi og
skemmtilegt. Þeir Guðmundur
og Sigurður þjörmuðu að mér.
Sigurður vann fjögur högg af mér
á fyrstu fimm holunum og síðan
vann Guðmundur fjögur högg af
mér á fjórum holum í seinni hring,
frá 13. til 16. holu. Hann fékk síðan
fugl á 17. holu en ég náði að svara
því á sömu flöt þegar ég setti niður
3 metra pútt. Það munaði því
miklu að hafa tvö högg í forskot
fyrir lokaholuna. Það dugði,“ sagði
Örn Ævar, sæll og glaður eftir tólfta
sigurinn á meistaramóti GS.
Karen Sævarsdóttir hefur ekki
keppt lengi á meistaramóti GS en
á þó nokkra titla. Hún var þremur
höggum á eftir nöfnu sinni Guðna-
dóttur fyrir lokahringinn og sá
munur var orðinn fimm högg fyrir
Guðnadóttur eftir fjórar holur á
lokahringnum. Sú „gamla“ ef svo
má segja, hélt áfram þó byrjunin
hafi verið skrykkjótt og með fugli
á 9. braut var hún komin í for-
ystusætið með einu höggi. Það var
mjög jafnt eftir það en Sævarsdóttir
kláraði dæmið og lék lokahringinn
á 76 höggum og vann með tveimur
á 317 höggum. Karen Guðnadóttir
var önnur og lék á 319 höggum.
Spennandi keppni var í flestum
flokkum. Veðrið lék við kylfinga
og 150 manns nutu sín við golfleik.
Félagar í Golfklúbbi Suðurnesja eru
um 500 og því er það frábær þátt-
taka að um þriðjungur félaga hafi
verið með í meistaramótinu.
Úrslit:
Meistaraflokkur karla:
Örn Ævar Hjartarson 286
Guðmundur R. Hallgrímsson 288
Sigurður Jónsson 289
Meistaraflokkur kvenna:
Karen Sævarsdóttir 317
Karen Guðnadóttir 319
Rut Þorsteinsdóttir 342
1. flokkur karla:
Hafliði M. Brynjarsson 307
Garðar K. Vilhjálmsson 310
Óskar Halldórsson 311
2. flokkur karla:
Gísli Eiríksson 331 (eftir umspil)
Jóhannes Ásgeirsson 331
Sigurður Albertsson 333
3. flokkur karla:
Tómas Pálmason 342
Rúnar M. Sigurvinsson 349
Karl D. Magnússon 355
4. flokkur karla:
Davíð Ö. Hallgrímsson 365
Kristinn A. Sigurðsson 372
Guðfinnur S. Jóhannsson 383
5. flokkur karla:
Jón Guðbrandsson 401
Halldór Guðmundsson 416
1. flokkur kvenna:
Elínora G. Einarsdóttir 341
Helga Sveinsdóttir 361
Laufey J. Jónsdóttir 363
2. flokkur kvenna:
Þóranna Andrésdóttir 378
Elsa Lilja Eyjólfsdóttir 404
Karitas Sigurvinsdóttir 422
3. flokkur kvenna:
Sigrún Haraldsdóttir 506
Eva D. Sigurðardóttir 538
70 ára og eldri karlar:
Guðmundur R. Hallgrímsson 267
Sigurður Friðriksson 277
Jón Ólafur Jónsson 277
Drengir 13-14 ára:
Róbert S. Jónsson 317
Haukur I. Júlíusson 329
Páll Orri Pálsson 349
Telpur 14 ára og yngri:
Kinga Korpak 386
Strákar 12 ára og yngri:
Birkir Orri Viðarsson 242
Kristján J. Marinósson 303
Sindri S. Gunnarsson 389
›› Meistaramót Golfklúbbs Suðurnesja:
Örn Ævar vann í
tólfta sinn í Leirunni
– Karen Sævars kvennameistari
Örn Ævar og Karen, klúbbmeistarar GS 2012.
Örn Ævar sæll og glaður
með tólfta titilinn. Guð-
mundur Rúnar Hallgríms-
son og Sigurður Jónsson
óska honum til hamingju
eftir lokapúttið.
Verðlaunahafar í
öllum flokkum.