Víkurfréttir - 12.07.2012, Síða 15

VÍKURFRÉTTIR • FIMMTUDAGURINN 12. júLí 2012 15
SUMARTILBOÐ Í GOLF
FYRIR BÖRN OG UNGLINGA
Golfklúbbur Suðurnesja býður öllum 14 ára og yngri
(fædd ‘98 og síðar)
að gerast meðlimir í golfklúbbnum án endurgjalds
Með því að gerast félagi í GS veitist aðgangur að:
- Heimasíðunni golf.is og forgjafarskráningu
- Fríu eintaki af tímaritinu Golf á Íslandi
- Sértilboði á sumarkorti á Jóel, 6 holu æfingarvöllur
- Skipulögðum æfingum með golfkennara
- Ódýrari bolta á æfingasvæði GS
Tilboð þetta gildir aðeins í júlí og ágúst
Golfklúbbur Suðurnesja hvetur foreldra og börn
að nýta sér þetta frábæra tilboð
Skráning í klúbbinn fer fram í golfverslun GS sími 421- 4103,
eða með því að senda tölvupóst á gs@gs.is
ATVINNA
KENNARI ÓSKAST
Kennari óskast í Myllubakkaskóla
Staða kennara við Myllubakkaskóla er laus til
umsóknar. 

Starfssvið:
• Kennsla á yngsta stigi

Menntunar- og hæfniskröfur:
• Kennaramenntun og réttindi til kennslu í
grunnskóla
• Metnaður til að taka þátt í framsæknu skólastarfi
• Góð mannleg samskipti 

Umsóknarfrestur er til 26. júlí nk.
Upplýsingar veitir Eðvarð Þór Eðvarðsson verðandi
skólastjóri í síma 842-5640.
Eingöngu er hægt að sækja um starfið rafrænt á vef
Reykjanesbæjar 
http://www.reykjanesbaer.is/stjornkerfi/laus-storf.
AF STAÐ á Reykjanesið - Menningar- og sögutengd
gönguhátíð í Grindavík, verður
á sínum stað um verslunar-
mannahelgina. Í tilefni af því að
nú eru 100 ár frá því að hafist
var handa við gerð akvegar til
Grindavíkur verða gengnar
nokkrar gamlar leiðir í og
við Grindavík um verslunar-
mannahelgina 3. - 6. ágúst.
Föstudagur 3. ágúst:
Mæting kl. 20 við tjaldsvæði
Grindavíkur. Gengið verður með
leiðsögn um Járngerðarstaðahverfi,
gamla bæjarhlutann í Grindavík í
1-2 tíma. Fróðleikur í Flagghúsinu
í lok göngu. Aðgangur ókeypis.
Laugardagur 4. ágúst:
Mæting kl. 11 við tjaldsvæði
Grindavíkur. Genginn verður
hluti af gömlu þjóðleiðinni milli
Grindavíkur og Voga, Skógfell-
astígur. Til baka verður farinn
hestaslóði. Gangan tekur um 3-4
tíma. Svæðið býður upp á stór-
brotna náttúru, jarðfræði og sögu.
Gott er að hafa með sér nesti og
vera í góðum skóm. Þátttöku-
gjald kr. 1000. Frítt fyrir börn.
Í lok göngu verður boðið upp
á heilgrillað lamb á teini í Salt-
húsinu. Verð kr. 3.100.
Sunnudagur 5. ágúst:
Mæting kl. 11 við golfskálann
í Grindavík. Genginn verður
hluti af gömlu þjóðleiðinni milli
Grindavíkur og Hafna, Presta-
stígur frá Húsatóftum í Eldvörp og
Árnastígur til baka. Gangan tekur
um 3-4 tíma. Svæðið býður upp á
stórbrotna náttúru, jarðfræði og
sögu. Gott er að hafa með sér nesti
og vera í góðum skóm. Þátttöku-
gjald kr. 1000. Frítt fyrir börn.
Mánudagur 6. ágúst:
Mæting kl. 11 við bílastæði Bláa
lónsins - Gengið með leiðsögn
um hluta af gömlu þjóðleiðinni
milli Grindavíkur og Njarðvíkur,
Skipsstígur og með hlíðum Þor-
bjarnar til baka. Gangan tekur
um 3-4 tíma. Svæðið býður upp á
stórbrotna náttúru, jarðfræði og
sögu. Gott er að hafa með sér nesti
og vera í góðum skóm. Þátttöku-
gjald kr. 1000. Frítt fyrir börn.
Boðið er upp aðgangseyri, 2
fyrir 1 í Bláa lónið í lok göngu.
Leiðsögumaður í ferðum er Sigrún
Jónsd. Franklín, gsm 6918828.
Nánar upplýsingar um ferðir
og/ef um breytingar er að ræða
má sjá á www.grindavik.is og
facebook „sjf menningarmiðlun".
Gönguhátíð í Grindavík
um verslunarmannahelgina
Logi Gunnarsson landsliðs-maður úr Njarðvík mun færa
sig um set í atvinnumennskunni
og leika í Frakklandi á næsta
tímabili. Logi hefur gert samning
við lið Angers sem er lítil borg
suðvestur af París. Logi hefur
verið í Svíþjóð síðustu tvö tímabil
með Solna Vikings og var með
tilboð í höndunum um að halda
áfram í Svíþjóð.
„Angers er flottur klúbbur sem
ég þekki ágætlega frá því ég var í
Frakklandi hér um árið,“ sagði Logi
í spjalli við Karfan.is.
Angers er í NM1 deildinni í Frakk-
landi sem er þriðja efsta deild og
ætla má að sú deild sé sterkari en
sú sænska. Logi átti einnig í við-
ræðum við lið á Ítalíu en þegar allt
kom til alls þá var það Frakkland
sem varð ofan á.
„Ég tel mig eiga mörg góð ár eftir
og vil vera í atvinnumennskunni
eins lengi og skrokkurinn leyfir,“
sagði Logi ennfremur við Karfan.is
Vegna opnunar á Húsatóftavelli í 18 holur kemur fram á heimasíðu GG að kylfingar eru þó
beðnir um að sýna umburðarlyndi gagnvart nýju
brautunum þar sem spretta á þeim hefur ekki verið
samkvæmt væntingum og áætlunum vegna mikilla
þurrka síðustu vikur.
Vegna þessa verða leyfðar færslur á sáðu svæði á
brautum 5, 6, 7, 8 og 18 (þrjár þeirra eru par 3 holur).
Um helgina verður upphafsteigur á 18. braut þar sem
leikið verður frá gamla skálanum. Nýi skálinn verður
síðan tekinn í notkun um og eftir helgi.
Samhliða þessu verður tekin upp rástímaskráning á
golf.is. Félagar í GG hafa 3ja daga fyrirvara á skráningu
á meðan aðrir gestir hafa dags fyrirvara. Með þessu
hverfur óvissa fyrir gesti Húsatóftavallar varðandi
bókanir á völlinn og betri yfirsýn með skráningum og
umferð um völlinn.
Kylfingar sýni umburðarlyndi
gagnvart nýju brautunum
Logi til Frakklands
Það er allt á uppleið hjá Grindavík eftir brösugt gengi í Pepsi-deildinni í karlaknattspyrnunni í sumar. Liðið vann sinn fyrsta leik í síðustu viku þegar heimamenn í Grindavík fóru með 2:0 sigur af
lánlausum Valsmönnum. Þá eru Grindvíkingar einnig komnir í undanúrslit Borgunarbikarsins, sem er
bikarkeppni KSÍ eftir 0:3 sigur á Víkingi á sunnudagskvöld. Meðfylgjandi mynd er úr sigurleik Grindvík-
inga gegn Valsmönnum og hér er engu líkara en karate-hetja sé að taka glæsistökk.
Fyrsti sigurinn og komnir
í undanúrslit bikarsins