Ægir - 01.07.2008, Qupperneq 20

20
Æ G I S V I Ð T A L I Ð
ar velur aðeins það besta. Á
High End hljómtæki sem skila
tónlistinni eins og silfurtærri
lind. Kosta enda sitt, líklega
einar þrjár milljónir króna!
Kann vel við sig á Akureyri
Óskar segir að allan þann
tíma sem hann var á sjónum
hafi hann aldrei haft löngun
til þess að fara í land og setj-
ast á skólabekk. „Nei, mér
finnst skólarnir í dag vera jafn
óáhugaverðir og þegar ég var
forðum daga í barnaskólanum
á Skagaströnd,“ segir Óskar,
en hann hefur í gegnum tíð-
ina verið háseti, netamaður
eða bátsmaður.
Sem fyrr segir býr Óskar á
Akureyri. Þangað flutti hann
lögheimili sitt árið 1990. Um
ástæður þess segir Óskar
brosandi að lítið sé um kaffi-
hús á Skagaströnd „og síðan
búa flestir af mínum vinum
ekki lengur á Skagaströnd. Ég
kann að mörgu leyti ágætlega
við mig á Akureyri. Það er
reyndar svolítill smáborgara-
bragur á Akureyringum, þeir
leitast svolítið við að líkjast
hverjir öðrum.“
Sumarbústað byggði Óskar
í Vaðlaheiði, austan Akureyr-
ar, fyrir áratug eða svo. Er
reyndar lítið sem ekkert þar
og leigir því bústaðinn út til
ferðamanna. Óskar upplýsir
raunar að hann sé ákaflega
myrkfælinn og því eigi ekki
við hann að vera mikið í
sumarbústaðnum. „Sálfræð-
ingur vildi leiða mig í gegn-
um myrkfælnina, en ég kærði
mig ekki um það – vildi frek-
ar hafa spennuna! Ég hef
fundið fyrir myrkfælninni í
sumarbústaðnum og víðar, en
ég hef aldrei fundið fyrir
þessu úti á sjó.“
Ötull safnari
Auk þess að hafa mikinn
áhuga á tónlist er Óskar
þekktur mótorhjólamaður.
Hann hefur í gegnum tíðina
átt marga glæsta „fáka“. „Ég
hef verið á mótorhjólum síð-
an 1969 og í öll þessi ár hef
ég verið þeirrar gæfu aðnjót-
andi að hafa aldrei fengið á
mig eina einustu skrámu í
óteljandi mótorhjólaferðum.“
Og Óskar á einnig ágætt
byssusafn og íbúð hans skart-
ar mörgum gullfallegum upp-
stoppuðum fuglum úr smiðju
Ara Albertssonar í Ólafsfirði.
Á veggjunum eru myndir sem
minna á gamla, góða daga á
sjöunda áratugnum – af Led
Zeppelin, Bítlunum o.fl.
Óskar segist alltaf hafa
verið einhleypur. „Genin
deyja út með mér,“ segir
hann og brosir, „það er
kannski eins gott fyrir samfé-
lagið.“
„Það er engin spurning að það var miklu betra að vera á sjónum í öll þessi ár heldur en að vera lokaður alla daga í jakkafötum inni í einhverjum banka.“
Fornubúðir 3 - 220 Hafnarfjörður - Sími 555 6677 - oli@umb.is