Ægir - 01.01.2013, Blaðsíða 24

24
„Það er mjög mikilvægt atriði að afl-
inn sé rétt meðhöndlaður. Lykillinn að
því að hægt sé að fullnýta aflann er að
rétt sé staðið að blæðingu og kælingu og
annarri meðhöndlun hans. Það eru að
sjálfsögðu öll skip undir þeim hatti að
koma með bætt hráefni að landi. Það er
lítið vit í því að koma með aflann að
landi ofurheitan eða illa blóðgaðan,“
segir Sigurjón.
Þarna er Sigurjón að vísa í óslægðan
fisk sem ekki hefur verið kældur meðan
hann er fullur af innyflum. Nauðsynlegt
er einnig að láta aflann blæða og geyma
hann í einangruðum körum.
„Plastkerin eru mjög fín hönnun.
Þetta eru einangruð plastker. En núna
hefur borið á því að aflinn sé geymdur í
álkerum sem eru langt yfir 60 cm á hæð
og því miður eru þau óeinangruð. Þetta
eru himinhá álker og óslægður fiskur á
botni keranna merst við þungann. Þarna
liggur allt undir, ekki einungis flökin,
heldur líka allt aukahráefni sem mikil
verðmæti felast í,“ segir Sigurjón.
Íslenski skipaflotinn samanstendur af
ísfiskbátum, undir 15 tonnum, stórum ís-
fiskskipum, ísfisktogurum og frystiskip-
um. Sigurjón segir að sama lögmál gildi
fyrir alla þessa flokka og það lögmál er
kæling og enn meiri kæling á aflanum.
„Það þarf að standa rétt að blæðingu
og kælingu aflans og langflestir gera
það, en það eru svartir sauðir innan um.
Brögð eru að því að menn keppist við
að koma með sem mestan afla að landi
á kostnað gæðanna. Við ætlum okkur að
sigra markaðinn á gæðunum, ekki
magninu.“
Erum í bullandi samkeppni
Hann segir þær tölur skelfilegar sem hafi
heyrst, að smábátar með fáa menn í
áhöfn séu að koma með allt að 1.000-
1.500 tonn að landi á ári. Afli þessara
báta þarf að vera af þeim gæðum sem
þarf til að vinna markaðinn.
„Við erum í bullandi samkeppni við
aðrar þjóðir með aðalvöruna, sem er
flökin. Og ef við ætlum okkur að vinna
þann markað þá snýst baráttan um gæð-
in - blæðingu og kælingu og meðhöndl-
un aflans. Þorskurinn er með hvítan
vöðva, en ekki bleikan eða rauðan og
goggastungurnar eiga að vera í hausn-
um, ekki í flökunum. Skipin eiga ekki
endilega að vera með fullfermi, heldur
afla í hámarks gæðum. Það eru gæðin
sem telja en ekki magnið.“
Sigurjón segir að mikil viðhorfsbreyt-
ing hafi orðið til hins betra á undanförn-
um árum og langstærsti hluti íslenskra
skipstjórnarmanna og sjómanna geri eins
vel og þeir geti. „En það eru svartir
sauðir innan um sem þurfa að taka sig á,
bæta umgengni sína um hráefnið og
Æ G I S V I Ð T A L I Ð
„Við erum í bullandi samkeppni við aðrar þjóðir með aðalvöruna, sem er flökin. Og ef við ætlum okkur að vinna þann markað þá snýst baráttan um gæðin - blæðingu og
kælingu og meðhöndlun aflans,“ segir Sigurjón.
Traust geymsla
– og öruggur flutningur alla leið!
Frystigámar
til sölu eða leigu
Klettagörðum 5 | 104 Reykjavík | Sími 568 0100
AT
H
YG
LI
E
H
F.
-0
2-
13
Eigum á lager 20 og 40 ft. frystigáma.
Bjóðum einnig gámahús, geymslugáma og
salernishús í ýmsum stærðum og gerðum.
Fjöldi sérlausna í boði, sniðnar að þörfum
hvers og eins.
www.stolpiehf.is Hafðu
samband!