Fjarðarpósturinn - 30.04.2015, Blaðsíða 4

4 www.fjardarposturinn.is FJARÐARPÓSTURINN | FIMMTUDAGUR 30. APRÍL 2015
Orlofsnefnd Húsmæðra í Hafnarfirði
auglýsir kynningar- og skráningarfund í orlofsferðir á árinu 2015
Fundurinn verður haldinn í Hraunseli fimmtudaginn 7. maí kl. 17.30
Innanlandsferð í september
Ferð til Strassburg í október
Rétt til þess að sækja um orlofsferð hefur sérhver kona sem
veitir eða hefur veitt heimili forstöðu án launagreiðslu fyrir
það starf.
Eftirtaldar konur veita nánari upplýsingar um ferðirnar:
Svanhildur Guðmundsdóttir, s. 698 0472 og Kristín Gunnbjörns, s. 692 3129
Orlofsnefndin
Hafnarfjarðarbær veitti menn­
ingarstyrki við hátíðlega athöfn í
Hafnarborg sl. föstudag og hlutu
23 einstaklingar, menn ingar­
hópar og samtök styrk frá menn­
ingar­ og ferðamálanefnd í ár.
Veitt ir voru styrkir að upphæð
4.240.000 kr. Að auki fær Gafl­
araleikhúsið samkvæmt sam­
starfs samningi 20.000.000 kr. á
ári. Kór Öldutónsskóla söng í
upphafi og að lokinni úthlutun,
þegar boðið var upp á veitingar,
spilaði þungarokkssveitin
Alchemia nokkur lög. Má segja
að þar hafi karlmannleg tónlist
hljómað á sýningunni Menn og
líklega var tónlist Himbrims það
karlmannlegasta í salnum.
Styrki hlutu:
Lúðrasveit Hafnarfjarðar
kr. 500.000.
Leikfélag Hafnarfjarðar
kr. 500.000.
Menningar­ og listafélag Hafn­
arfjarðar ehf. vegna tónleika­
hátíðarinnar Heima kr.
500.000.
Sveinssafn kr. 500.000.
Kór Öldutúnsskóla kr. 200.000.
Kristbergur Ó. Pétursson vegna
myndlistarsýningar kr.
200.000.
Camerarctica vegna tónleika í
Hafnarfirði kr. 150.000
Karlakórinn Þrestir kr. 150.000.
Barbörukórinn kr. 150.000.
Guido Werner Baumer, f.h.
alþjóðlegs tangóhóps, vegna
tónleika í sumar kr. 100.000.
Hljómsveitin Alchemia vegna
útgáfu kr. 150.000.
Hljómsveitin Himbrim vegna
tónleika og myndbands­
upptöku kr. 150.000.
Linda Sigurjónsdóttir vegna
barnaskemmtunar í samvinnu
við Leiðarljós, kr. 150.000.
Músík og Mótor vegna ljós­
mynda sýningar á verkum
ungs fólks kr. 150.000.
Stanislaw Zawada vegna
myndabókarinnar How do
you like Hafnarfjörður? kr.
150.000.
Hafnarfjarðarbær ­ Húsið,
vegna tónleika og myndlistar­
sýningar í Húsinu kr. 150.000.
Björgvin og Aðalsteinn
Valdimarssynir vegna
snjóbrettamóts í Hafnarfirði
kr. 100.000.
Ólafur B. Ólafsson kr. 100.000
vegna „Sungið í Kænunni“.
Símon Jón Jóhannsson vegna
útgáfu á vísnabók kr. 100.000.
Steinunn Guðnadóttir, vegna
verkefna sem tengjast Hátíð
Hamarskotslækjar kr.
100.000.
Jórunn Jörundsdóttir fyrir hönd
hóps áhugamyndlistamanna
kr. 50.000.
Hulda Hreindal Sigurðardóttir
vegna myndlistarsýningar í
Hafnarfirði kr. 50.000.
Rathlaupafélagið Hekla vegna
kynningar á rathlaupi í
Hafnarfirði kr. 40.000.
4,2 milljónir í 23 menningarstyrki
Fjórir fengu helminginn, 500 þús. kr. hver
Styrkþegar við athöfn í Hafnarborg þar sem styrkirnir voru afhentir sl. föstudag.
Vegið að iðnnámi
í Hafnarfirði
Í síðustu viku tilkynnti mennta­
málaráðherra ákvörðun um að
leggja niður Iðnskólann í Hafnar­
firði og sameina hann Tækni­
skólanum.
Þessi ákvörðun hefur
ekki verið rædd við
bæj ar yfirvöld eða íbúa.
Minni hluti bæjar stjórn­
ar varð þess áskynja að
eitthvað stæði til fyrir
nokkrum vikum og þá
var fenginn fulltrúi
ráðuneytis á fund, sem
sagði málið í vinnslu.
Ákvörðunin var svo til­
kynnt strax í kjölfarið.
Fulltrúi meirihluta bæjarstjórnar
í skólanefnd átti þó sæti í
starfshópi sem gerir þessa tillögu
til ráðherra. Það hlýtur að vekja
spurningar um aðkomu meiri­
hluta bæjarstjórnar að þessari
ákvörðun. Í húfi eru hagsmunir
100 starfsmanna og nemenda,
sem hafa undanfarin ár verið á
bilinu 450 og 600.
Ákvörðunin felur í sér einka­
væðingu nærri 90 ára mennta­
stofnunar, án þess að sú ákvörðun
hafi nokkru sinni verið kynnt
Alþingi eða rædd þar. Það er
fullkomlega óeðlilegt.
Þá felst í ákvörðuninni að
framtíð iðnnáms í Hafnarfirði er
sett í uppnám. Iðnskólinn á að
baki glæsta sögu og hefur verið
höfuðstoð atvinnulífs í Hafnar­
firði alla tíð. Auk kennslu í
bygginga­ og mannvirkjagreinum
fer fram í Iðnskólanum kennsla í
háriðn, mál miðn um, rafiðnum,
tækni teiknun og hönn unar­ og
listnámi. Þá er starfrækt starfs­
braut við skólann fyrir nem endur
sem þurfa sérstakan stuðning í
námi. Vinnumarkaður í Hafnar­
firði er ólíkur vinnu markaði í
öllum öðrum sveitar félögum á
höfuðborgarsvæðinu að því leyti
að mikill meirihluti bæjarbúa
starfar í bænum. Forsenda þess­
arar sérstöðu er starfsnám í bæn­
um. Engin trygging er veitt fyrir
áframhaldandi iðnnámi í
Hafnarfirði með þessari ákvörð­
un.
Það er vissulega rétt sem kom­
ið hefur fram að fækkað hefur í
iðnnámi á höfuðborgar­
svæðinu öllu á síðustu
árum og því má halda
fram með góðum rök­
um að nemendafjöldi
sé nú ekki slíkur að
hann sé til skiptanna
milli tveggja skóla.
Á þeim vanda er hins
vegar hægt að finna
fleiri lausnir en eina.
Ein ástæða þessa er
auðvitað hversu hornreka verk­
og listnám hefur orðið í mennta­
kerfi þjóðarinnar undanfarin ár
og sérstaklega nú í tíð nýs
mennta málaráðherra. Þegar
hefur verið sótt að fjölbreytni
náms framboðs í Flensborgar­
skóla og þar er nú einungis
hefðbundið bóknám eftir. Það
hefði verið hægt að blása til
sóknar og skapa forsendur fyrir
aukinni samkeppni í framboði á
iðnnámi. Hvers vegna hefur ekki
verið reynt að útfæra aðrar
lausnir?
Ein leið hefði verið að leita
samráðs við bæjaryfirvöld og
þau öflugu samtök iðnaðarmanna
sem eru í Hafnarfirði og bjóða
þeim að taka yfir stjórn skólans.
Af hverju má ekki hugsa slíkar
leiðir til sóknar?
Allir vita hvað gerist þegar
sameining af þeim toga sem hér
er rædd verður að veruleika.
Þorri starfsins leitar í stærstu ein­
ing una og framboð þjónustu í
minni stofnuninni minnkar. Eftir
nokkur ár verður ekkert eftir í
Hafnarfirði sem máli skiptir. Það
er stóra hættan. Þess vegna er
brýnt að spyrna nú við fótum.
Höfundur er formaður
Samfylk ing arinnar og oddviti
Samfylkingarinnar í
Suðvesturkjördæmi.
Árni Páll
Árnason
Strákarnir á eldra ári í 5. flokki
FH tryggðu sér Íslands meistara­
titilinn í handbolta á 5. og síðasta
móti vetrarins sem haldið var í
Garðabæ. FH­ingar höfðu sigrað
á fyrstu 4 mótunum í vetur en
leikið er í tveimur deildum.
Selfoss sigraði á 3 mótum en
þessi lið léku saman í síðasta
leiknum. FH jafnaði á síðustu
sekúndu og liðin stóðu því jöfn.
Liðin voru með jafna markatölu
en aðeins er skráður 7 marka
munur þó fleiri mörk séu skoruð.
Leiknum var ekki framlengt og
hlutkesti látið ráða hvort liðið
sigraði á mótinu. Kom það í hlut
Selfoss en FH­ingar fengu stoltir
Íslands meistara bikarinn.
Íslandsmeistarar í 5. fl.
FH Íslandsmeistari í 5. fl. í handbolta drengja
Íslandsmeistar FH í 5. flokki drengja, eldra ár ásamt þjálfurum.
Lj
ós
m
.:
G
uð
ni
G
ís
la
so
n
Maíhátíð við Bókasafnið
Á laugardaginn stendur
Bókasafn Hafnarfjarðar í sam­
vinnu við Þýsk­íslenska tengsla­
netið fyrir maí­hátíð. Þjóðverjar
á Íslandi og þýska deildin á
bókasafninu vilja með henni
kynna þessa skemmtilegu þýsku
hefð fyrir bæjarbúum.
Dagskráin hefst kl. 16 fyrir
utan bókasafnið og stendur til kl.
18. Börn og fullorðnir munu
skreyta maítréð og svo verður
dansað í kringum það. Kaffi,
kökur og hefbundinn maídrykk­
ur verður á boðsstólnum auk
leikja fyrir börn, tombóla og
hestakerru­hringferðir.
Bæjarbúar eru hvattir til að
mæta í sólskinsskapi og fagna
þannig sumrinu.