Fréttablaðið - 11.04.2015, Síða 40

FÓLK| HELGIN
Flestir vilja nota frítíma sinn í það að vera með fjölskyldu sinni og eru börn og unglingar engin undantekn-
ing þar á. Rannsóknir íslenskra félagsvís-
indamanna sýna fram á að börn vilja að
foreldrar taki meiri þátt í lífi þeirra utan
skóla og íþróttastarfs. Þær Sigríður Arna
Sigurðardóttir hjúkrunarfræðingur og
Lára Guðrún Sigurðardóttir læknir eru
höfundar bókarinnar Útivist og afþrey-
ing fyrir börn. Þær reyna að eyða sem
mestum tíma með börnum sínum og
segja að sú hugsun læðist reglulega að
þeim hvernig börnin eigi eftir að minn-
ast æskunnar. Þær segja að til að það
verði meira úr helgunum og frítímanum
sé sniðugt að skipuleggja samveru með
smá fyrirvara. Til dæmis sé hægt að búa
til samverudagatal og hafa þær nýlokið
við að gera slíkt dagatal fyrir vorið og
sumarið með sínum börnum. „Á listann
er komið origami, fiski-spa, heiti lækur-
inn í Reykjadal, útivistarsvæðið í Gufu-
nesi, Byggðasafnið í Hafnarfirði, Kjar-
valsstaðir og listasmiðjan, hellaskoðun í
Arnarkeri og sund í Þorlákshöfn.“
SÆKJA RÓ OG KRAFT Í NÁTTÚRUNA
Útivist skiptir þær báðar miklu máli
og þær luma á ýmsum góðum stöðum
sem gaman er að heimsækja. „Við búum
báðar við þau forréttindi að náttúran
er allt í kringum heimili okkar og stutt
að sækja þangað ró, kraft og heilsu. Í
bókinni okkar Útivist og afþreying fyrir
börn bendum við á ótal staði, úti sem
inni. Okkur finnst útivist með sonum
okkar mjög mikilvæg. Þeir sækja talsvert
í að vera í tölvunni þegar þeir eru heima
og vill þá oft myndast ákveðin spenna í
þeirra samskiptum. Með því að drífa þá
út verður andrúmsloftið mun betra. Þeir
koma inn endurnærðir og ákveðin ró
færist yfir heimilið.“
FJARA OG FJÖLL
Einn af uppáhaldsstöðum Sigríðar Örnu
og fjölskyldu hennar er Grótta. „Þangað
fer ég reglulega með mína stráka og leyfi
þeim að vaða í sjónum og tek þá gjarnan
með veiðivöðlur sem nýtast þá meira
en til veiðaferða. Þarna geta þeir gleymt
sér í langan tíma. Í Gróttu er líka upp-
hitað fótabað þar sem hægt er að sitja
og hlusta á hafið, skemmtilegur viti sem
gaman er að skoða og ekki spillir fyrir að
taka með nesti,“ segir hún.
Hellaferðir eru líka spennandi og hafa
þær stöllur lent í ýmsum ævintýrum í
slíkum ferðum. Þær nefna líka siglingu
út í Viðey og dagsferð til Vestmannaeyja
sem dæmi um skemmtilegar fjölskyldu-
ferðir. „Fjallgöngur eru líka eitthvað sem
gaman er að stunda með börn og mörg
fjöll henta mjög vel fyrir þau. Ég hef tek-
ið mína drengi með á Esju og er oft mikið
kapp hjá þeim yngri að komast alla leið
upp á topp,“ segir Lára.
LEYFA ÍMYNDUNARAFLINU AÐ RÁÐA FÖR
Þær Lára og Sigríður Arna leggja yfir-
leitt áherslu á að það sé ekki til neitt
sem heitir vont veður, það þurfi bara að
klæðast eftir veðri enda sé veðrið yfir-
leitt betra þegar út er komið. „Þetta á
líklega ekki við um undanfarna mánuði,“
segja þær og hlæja. „Á dögum þegar
það er ófært út úr húsi er um að gera að
leyfa ímyndunaraflinu að ráða, að hafa
til dæmis náttfatadag, spila saman, fara
í nestisferð á stofugólfinu, gera þrauta-
braut eða búa til skuggamyndir. Annars
er Klifurhúsið vinsælt hjá okkar fjöl-
skyldum. Klifur er frábær hreyfing sem
reynir á samhæfingu, jafnvægi og styrk.
Þá klifrar maður að sjálfsögðu með
barninu og sýnir fimi sína. Síðan eigum
við frábær söfn, Þjóðminjasafnið og
Sjóminjasafnið eru fróðlegir og áhuga-
verðir staðir fyrir fjölskyldur.“
BÓK Á ENSKU OG UM AKUREYRI
Sigríður Arna og Lára halda úti heima-
síðunni samvera.is og eru virkar á
Facebook undir heitinu Útivist og afþrey-
ing fyrir börn – Reykjavík og nágrenni,
þar sem þær benda fólki á skemmtilega
staði, viðburði og annað sem varðar fjöl-
skyldur. „Við erum líka með enska bók
í farvatninu og draumurinn er að gefa
út bók fyrir Akureyri. Við eigum til efnið
en þurfum að finna tíma til að setja það
saman.“ ■ liljabjork@365.is
GAMAN SAMAN
FJÖLSKYLDUHELGI Fjöldi skemmtilegra staða leynist á og við höfuðborgar-
svæðið sem gaman er að heimsækja með fjölskyldunni. Gott er að skipu-
leggja hvað eigi að gera í helgarfríinu með svolitlum fyrirvara.
ÚLFARSFELL
Lára og fjölskylda eru
dugleg við að fara í fjall-
göngur. Hún segir mörg
fjöll henta vel fyrir börn
að ganga á eins og til
dæmis Úlfarsfell.
AÐSEND MYND
GRÓTTA
Einn af uppáhalds-
stöðum Sigríðar Örnu
og fjölskyldu er Grótta.
Þar er margt að skoða
og gaman að vera.
AÐSEND MYND
MEÐ BÖRNUNUM Sigríður Arna Sigurðardóttir og Lára Guðrún Sigurðardóttir segja lífið verða svo miklu skemmtilegra þegar for-
eldrar taka þátt í því sem börnin gera en standa ekki bara hjá á vaktinni. MYND/VILHELM
Framhaldsskólakennari í efnafræði
Menntaskólinn í Kópavogi óskar eftir að ráða framhaldsskólakennara
(sbr. lög nr. 87/2008) í efnafræði.
Umsækjandi þarf að hafa háskólapróf í efnafræði eða skyldum greinum og
kennsluréttindi á framhaldsskólastigi. Umsækjandi þarf að geta kennt bæði
byrjendum og lengra komnum. Launakjör fara eftir kjarasamningi framhalds-
skólakennara og stofnanasamningi MK.
Umsóknarfrestur er til 15. apríl. Ekki þarf að sækja um á sérstöku umsóknar-
eyðublaði en umsókn þarf að fylgja afrit af prófskírteini auk yfirlits um fyrri
störf. Umsókn skal senda til skólameistara (margret.fridriksdottir@mk.is).
Upplýsingar um skólann eru á heimasíðu www.mk.is. Frekari upplýsingar um
starfið veita skólameistari, Margrét Friðriksdóttir og aðstoðarskólameistari
Helgi Kristjánsson í síma 594 4000.

Skólameistari
www.fi.is
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Fræðslu- og
myndakvöld
Ferðafélag Íslands stendur fyrir fræðslu- og myndakvöldi
nk. miðvikudag, 15. apríl, kl. 20:00 í sal FÍ.
Hreyfiseðill á Íslandi – ávísun á hreyfingu
Auður Ólafsdóttir sjúkraþjálfari og varaformaður SÍBS.
„The Biggest Winner“ og Bakskóli FÍ
Páll Guðmundsson framkvæmdastjóri FÍ og Steinunn Leifsdóttir
íþróttakennari fara yfir hugmyndafræðina að baki „The Biggest
winner“og Bakskóla FÍ.
Frá horfinni tíð
Sigurður Guðjhonsen, kortagerðamaður fer yfir myndir úr safni föður
síns Einars Þ. G. sem lengi var framkvæmdastjóri FÍ.
Aðgangseyrir kr. 600, innifalið kaffi og kleinur
Allir velkomnir!
Hreyfiseðill á
Íslandi - Kyn
ning á verke
fnum
- Frá horfinni
tíð -
NÝTT LÍF
6 vikna námskeið fyrir þá sem vilja ná tökum á matar- sykurfíkn!
Námskeiðið hefst með helgarnámskeiði helgina 17-19. apríl - 28. maí
Staðsetning: Brautarholti 4a, Reykjavík
6 vikur: Helgarnámskeið, daglegur stuðningur við matarprógramm,
vikulegir hópfundir, fyrirlestrar og viðtöl
Innifalið eru 3 máltíðir, matarprógramm, uppskriftir og annað meðferðarefni
Næsta 8 vikna framhaldsnámskeið
hefst miðvikudaginn 22. apríl
Staðsetning: Brautarholti 4a, Reykjavík
Daglegur stuðningur við „fráhald“,
vikulegir hópfundir, verkefnavinna
Esther Helga Guðmundsdóttir M.Sc.
tjórnleysi í áti og þyngd!
www.matarfikn.is
Glímir þú við stjórnleysi í áti og þyngd!
Hlíðasmári 10, 201 Kóp.Brautarholti 4a, 105, Reykjavík
1
5
-0
9
-2
0
1
5

1
0
:2
4
F
B
1
1
2
s
_
P
0
7
6
K
.p
1
.p
d
f
F
B
1
1
2
s
_
P
0
7
3
K
.p
1
.p
d
f
F
B
1
1
2
s
_
P
0
3
7
K
.p
1
.p
d
f
F
B
1
1
2
s
_
P
0
4
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
4
2
-C
E
3
C
1
6
4
2
-C
D
0
0
1
6
4
2
-C
B
C
4
1
6
4
2
-C
A
8
8
2
8
0
X
4
0
0
5
A

F
B
1
1
2
s
_
1
0
_
4
_
2
0
1
5
C
M
Y
K