Breiðholtsblaðið - 01.02.2006, Blaðsíða 11
Hanna Lísa Herbertsdóttir, nemandi í FB varð
hlutskörpust í söngvakeppni Fjölbrautaskólans í
Breiðholti, en undankeppni fyrir söngvakeppni
framhaldsskólanna var haldin nýlega í skólanum.
Keppnin var haldinn með glæsibrag í Tjarnarbíó.
Alls var boðið upp á 15 söngatriði og voru mörg
þeirra einkar glæsileg. Áhorfendur voru fjölmargir
og myndaðist mikil og góð stemmning. En að lok-
um var það Hanna Lísa sem náði að bræða hjörtu
dómaranna og stóð uppi sem sigurvegari og söng
hún lagið Hallelujah sem var útfært á íslensku. Tek-
ur hún því þátt fyrir hönd FB í söngvakeppni fram-
haldsskólanna sem verður haldinn 3. apríl nk.
Dómnefndin var ekki af lakari endanum, en með-
al dómara voru Höddi í Brain Police, Klara í Nylon
og Dóri DNA. Ekki má gleyma þeim sem stóðu að
því að skipuleggja keppnina og eiga þeir hrós
skilið. Frábært þegar vel tekst til og enn skemmti-
legra þegar mæting er góð og alltaf gaman þegar
nemendur sem stunda félagslífið lítið láta sjá sig á
viðburðum sem þessum.
FEBRÚAR 2006 11Breiðholtsblaðið
Thor troðfyllti Gerðuberg
Thor Vilhjálmsson rithöfundur
hélt troðfullu húsi af fólki við efn-
ið á liðlega tveggja tíma löngu
fyrsta ritþingi ársins í Gerðubergi
21. janúar sl. Raunar má kalla
þessa samkomu rit- og sjónþing
vegna þess að í tengslum við rit-
þingið var opnuð sýning á mynd-
verkum Thors en hann liðtækur
myndlistarmaður ekkert síður en
rithöfundur. Halldór Guðmunds-
son bókmenntafræðingur stýrði
ritþinginu og fékk til liðs við sig
þá Ástráð Eysteinsson bók-
menntafræðing og Sigurð Pálsson
skáld og rithöfund er skyldu rekja
úr innviðum Thors efni um líf
hans og einkum störf. Raunar
þurfti hvorki bókmenntafræðinga
né skáld til að kalla tjáningarþörf
Thors fram á hið áheyrilega svið
þar sem hann miðlaði bæði for-
vitnum og fróðleiksfúsum við-
stöddum af visku sinni og reynslu
og sparaði heldur ekki gaman-
semi ef hann taldi hennar þörf til
þess að vekja athygli á máli sínu
eða komast nær áheyrendum sín-
um enda af nægu að taka.
Víðförull í meira
en hálfa öld
Starfsferill Thors nær yfir meira
en hálfa öld og eftir hann liggja 11
stórar skáldsögur, auk smásagna,
ljóðgerðar, ferðasagna og síðast
en ekki síst umfangmikilla þýð-
inga þar sem sagt er að hann hafi
ráðist í að læra nýtt tungumál í
upphafi hverrar þeirra. Má vera
að um ýkjur sé að ræða en að-
spurður á málþingunu kvaðst
Thor ætíð hafa lagt sig eftir því að
gera sitt besta. Vinna hlutina eins
vel og honum var unnt. Thor er
víðförull og hefur einnig starfað
nokkuð sem fararstjóri. Ferðalaga
hans má víða finna stað í bókum
hans er hann flutti evrópsk og
ekki síst suðurevrópsk áhrif inn í
íslenska bókmenntasögu. Á öðr-
um og einkum síðari hluta ferils
síns snéri hann sér meira að
heimafengnum veruleika, í Foldu
þar sem hann gerir grín að sam-
löndum sínum bæði í íslenskri
sveit og á ferðum til fjarlægari
slóða. Rammíslenskra áhrifa gæt-
ir þó hvað mest í bókinni Grá-
mosinn glóir sem um margt er
tímamótaverk á ferli hans.
Camus, Sarte og Eliot
Thor kom inn í mikla umbreyt-
ingartíma í skáldskap, skáld-
sagnagerð og myndlist hér á landi
þegar listamenn orðs og lita fóru
um leitandi og sóttu sér form og
fyrirmyndir í strauma og stefnur
sem fóru um listaheiminn. Ást-
ráður Eysteinsson segir að fyrsta
bók Thors sé að sínu leyti fjöl-
listaverk og forspá um þá miklu
umbeytingu sem einkennir mörg
síðari verk hans og það frjálsræði
sem hann leyfir sér í efnistökum,
lítt hamlaður af reglum bók-
menntategunda og framsetningar.
Thor dvaldi á yngri árum í Frakk-
landi og voru fyrstu verk hans að
nokkru bendluð við franska til-
vistarstefnu frá því um miðju lið-
innar aldar. Thor sótti sér titla og
einkunnarorð fyrstu bóka sinna í
T.S. Eliot. „Það er engu að flýja frá
og einskis og flýja til og Maðurinn
er alltaf einn“ eru sótt til verka
þessa merka módernista. Á rit-
þinginu fjallaði Thor jafnt um
verk sín, tilurð þeirra og sagði
sögur af förum sínum og sam-
tímafólki einkum því sem hann
kynntist á ferðum sínum erlendis.
Samstarf við
myndlistarmenn
Tengsl Thors við myndlistina
koma ekki eingöngu fram í þeim
myndverkum sem hann hefur
sjálfur skapað. Hann hefur átt
samstarf við ýmsa myndlistar-
menn. Þar má sérstaklega nefna
samstarf hans við Örn Þorsteins-
son. Saman unnu þeir bækurnar
Spor í sandi og Sporrækt á ní-
unda áratugnum og Thor reit ein-
nig bók um Svavar Guðnason list-
málara auk samvinnu við marga
myndlistarmenn, nú síðast Pál á
Húsafelli þar sem Thor hefur ort
ljóð við myndverk hans. Á sýning-
unni á myndverkum Thors sem
nú stendur yfir í Gerðubergi og
lýkur 5. mars má sjá yfirlit um
hann sem myndlistarmann. Hann
er formbyltingarmaður í mynd-
listinni líkt og í skáldsagnagerð og
öðrum ritstörfum. Hann hefur
unnið undir sterkum áhrifum
þeirra strauma sem runnu um
miðbik liðinnar aldar. Abstrakt
formið er honum nærstætt en
einnig umhverfið og náttúran
sem hann túlkar frá sambærileg-
um sjónarhornum og mannlífið í
textum sínum. Maðurinn er alltaf
einn er honum gjarnan hugleikið
ef ekki jafnan í myndverkunum
þar sem mannsmyndin birtist oft
umlukin náttúrunni stundum dul-
arfullri og óræðri.
„Fylgir heillastjörnu“
Sigurður Pálsson, skáld og rit-
höfundur, komst nálægt æviverki
Thors Vilhjálmssonar er hann
sleit ritþinginu með frumsömdu
ljóði sem hann flutti honum af til-
efni dagsins.
„Fylgir heillastjörnu
Einn á áttræðum báti
Siglir með aflann
Alla leið í höfn
Alla leið í heila höfn“
Thor á palli í Gerðubergi ásamt viðmælendum sínum. Fr.v. Sigurður Pálsson, Halldór Guðmundsson, Thor
Vilhjálmsson og Ástráður Eysteinsson.
Um margt að spjalla í kaffihléi.
Þröngt á ritþingi í Gerðubergi. Ungt fólk setti svip á samkomuna.
Fjölmargir áhorfendur skemmtu sér hið besta á
söngvakeppni FB.
Thor tengir gjarnan mynd og
mál í verkum sínum. Hér má líta
eitt af verkum hans á sýningunni
í Gerðubergi.
Mörg glæsileg atriði
í söngvakeppni FB