Breiðholtsblaðið - 01.06.2006, Blaðsíða 6

Þjóðdansafélag Reykjavíkur
verður 55 ára á morgun föstu-
daginn 16. júní. Af því tilefni
hefur verið ákveðið að gefa fé-
lögum tækifæri til þess að koma
saman kl. 20.00 annað kvöld í
sal félagsins við Álfabakka 14 í
Mjóddinni í Breiðholti þar sem
boðið verður upp á kaffi og létt-
ar veitingar.
Á þeim 55 árum sem Þjóð-
dansafélagið hefur starfað hefur
meginhlutverk þess ætíð verið að
kanna og kynna þjóðdansa sem
hluta af menningararfi þjóðarinn-
ar. Þjóðdansar hafa lifað um aldir
þótt á tímum hafi verið reynt að
útrýma þeim af samfélags- og
einkum trúarlegum ástæðum.
Bendt Pedersen, formaður félags-
ins, segir að raunverulega hafi
Færeyingar varðveitt þessa
menningararfleifð með því að
dansa á laun þegar hvað harðast
hafi verið gengið fram í því að
kveða alla skemmtun niður og
dansarnir síðan breiðst út til
Norðurlandanna að nýju.
Í gegnum tíðina hefur Þjóð-
dansafélag Reykjavíkur haldið
fjölda sýninga, bæði í einkasam-
kvæmum, í Árbæjarsafni og ekki
síst fyrir erlenda ferðamenn. Fé-
lagið hefur einnig staðið fyrir nor-
rænum þjóðdansamótum og
verður eitt slíkt haldið hér á landi
dagana 3. til 12. júlí næst kom-
andi. Bendt Pedersen segir að
þetta áhugamál tengi fólk mikið
saman. Sama fólkið hittist aftur
og aftur á þessum mótum og hluti
þessa tíma sem mótin standi séu
einskonar sumarleyfi fyrir það.
Þjóðdansafélagið tekur mikinn
þátt í erlendu samstarfi sem eink-
um nær til Norðurlandanna og
hafa félagar farið mörgum sinnum
á þjóðdansamót erlendis. Sum
þessara móta eru mjög fjölmenn
og sýnir það hversu mikill áhugi
er fyrir þjóðdönsum á Norður-
löndunum. „Þetta er mikilvægur
þáttur í starfi okkar bæði hvað
varðar dansinn og einnig félagslíf-
ið sem þessi samskipti gefur af
sér,“ segir Bendt en bendir jafn-
framt á að öll starfsemi félagsins
sé borin uppi af því áhugafólki
sem taki þátt í starfi þess.
Annar þáttur í starfi þjóðdansa-
félagsins er útleiga á búningum
sem fólk notar við hin ýmsu tæki-
færi. Félagið leigir m.a. út íslenska
búninga auk annarra. Að sögn
Helgu Þórarinsdóttur danskenn-
ara, sem starfað hefur með félag-
inu til margra ára segir að þessi
þáttur í starfsemi þess hafi færst
mikið í vöxt að undanförnu. Vin-
sælt sé að nota þjóðbúninga og
aðra búninga við tækifæri á borð
brúðkaup og fermingar en fólk
veigri sér við að koma sér upp
slíkum fatnaði til þess að nota
e.t.v. aðeins við eitt tækifæri.
Einn nemenda minna í
Ölduselsskóla, Þóra Björg
Sigmarsdóttir, höfundur síðasta
pistils, sýndi mér þann heiður
að skora á mig í þennan leik og
er mér bæði ljúft og skylt að
taka þeirri áskorun.
Stundum er haft á orði að bók
sé best vina. Ef til vill er þar nokk-
uð djúpt í árinni tekið en hitt veit
ég að hver sá sem kemst upp á
lag með að lesa sér til skemmtun-
ar, fróðleiks og uppbyggingar
eignast í bókinni ævifélaga sem
aldrei bregst. Ég var svo heppin
að læra þetta snemma og hafa
bækur verið mér ómissandi æ
síðan.
Í seinni tíð les ég einkum glæpa-
sögur mér til hvíldar og afþrey-
ingar og svo kallaðar fagurbók-
menntir þegar ég vil hafa meira
við auk ljóða, Íslendingasagna og
bóka H.K. Laxness sem ég glugga
reglulega í.
Í glæpasagnaflokknum kennir
ýmissa grasa og væri að æra
óstöðugan að telja þar allt upp.
Þó vil ég geta nokkurra. Ég hef
lengi haft dálæti á Minette Walt-
ers, Patriciu Cornwell og Svíun-
um Henning Mankell og Lisu
Marklund. Allir þessir höfundar
skrifa spennandi bækur með sál-
fræðilegu og/eða samfélagslegu
ívafi og hafa margar bækur þeirra
verið þýddar á íslensku. Þá eru ís-
lensku glæpasögurnar ótalar en
þar er Arnaldur Indriðason að
mínu mati fremstur meðal jafn-
ingja þó ýmsir aðrir sæki jafnt og
þétt í sig veðrið.
Ljóðabækur hef ég alltaf við
hendina og á náttborðinu mínu
um þessar mundir er úrval ljóða
eftir Snorra Hjartarson, ótæm-
andi uppspretta fegurðar og
speki og ljóðræns myndmáls sem
fáir hafa leikið eftir og nýjasta
bók Þorsteins frá Hamri, en hann
var og er öndvegis ljóðskáld sem
bara batnar með hverri bók og
hverjum lestri.
Þá vil ég geta sérstaklega tvegg-
ja bóka sem ég hef lesið nýlega.
Önnur er Viktoría ákveður að
deyja eftir Paulo Coelho sem ég
las í annað sinn um síðustu jól og
nú í afbragðs þýðingu Guðbergs
Bergssonar. Viktoríu voru gerð
skil á þessum vettvangi nýverið
og ætla ég því ekki að hafa um
hana mörg orð en þvílíkan óð til
lífsins í öllum þess myndum hef
ég sjaldan lesið. Stórkostleg bók,
ætti að vera skyldulesning allra,
ekki síst ungmenna.
Í síðustu viku lauk ég lestri
Flugdrekahlauparans eftir Khaled
Hosseini. Bókin er „tær snilld“
eins og unglingarnir segja. Sögu-
þráðurinn er æsispennandi en
þrátt fyrir hrollvekjandi lýsingar á
atburðum og ástandi er bókin full
af hlýju og húmor í bland við ást,
sorg og söknuð sem höfundur
gerir slík skil að lesandinn stend-
ur á öndinni.. Og þó umhverfi og
menning sé framandi, Afganistan
fyrir og eftir innrás Rússa, hefur
efnið skírskotun langt út fyrir
tíma og rúm og minnir á að
„Hjörtum mannanna svipar sam-
an í Súdan og Grímsnesinu“ eins
og Tómas sagði forðum.
Nú er mál að linni. Tvær bækur
enn eru þó á náttborðinu mínu.
Önnur er Gæfuspor Gunnars Her-
sveins. Lífsspeki sem auðgar and-
ann. Hin er Draumalandið hans
Andra Snæs Magnasonar sem ég
er rétt að byrja á en lofað afar
góðu.
Að lokum vil ég skora á sam-
starfskonu mína og vinkonu, Elínu
Ástu Hallgrímsson, að skrifa næsta
pistil. Veit að þar er af nógu að
taka enda hefur hún stundum
gaukað að mér bók og/eða hug-
myndum að lesningu sem aldrei
hefur brugðist.
JÚNÍ 20066 Breiðholtsblaðið
Handavinna
í Seljahlíð
Íbúar Seljahlíðar héldu sýningu
á handavinnu sinni á dögunum.
Margt fallegra muna var á sýning-
unni og ljóst að bæði er að finna
hugmyndaauðgi og hagleiks-
hendur á meðal þeirra eldri borg-
ara sem þar deila samfélagi á efri
árum. Á sýningunni gaf meðal
annars að líta útsaum, leirmuni,
kertagerð og fatahönnun svo
nokkuð sé nefnd en sjón er sögu
ríkari.
Hvaða bók/bækur ertu að lesa?
Bryndís Halldóra Bjartmarsdóttir.
Þjóðdansafélagið með
afmælisboð í Mjóddinni
Félagar í Þjóðdansafélagi Reykjavíkur á æfingu í síðustu viku. Bendt
Peterson formaður og Helga Þórarinsdóttir danskennari eru fyrir
miðju á myndinni.
Kisan mín sem er læða týndist
20. maí sl. frá Engjaseli 84. Þetta
er innikisa sem datt niður af 3.
hæð. Hún er hvít með svart skott
og svart á höfði. Hún var ekki
með ól. Ef einhver hefur orðið var
við hana vinsamlegast hafið sam-
band í síma 8668311, Ása.
Týndur köttur