Breiðholtsblaðið - 01.06.2006, Blaðsíða 11
Garðar Gunnar Ásgeirsson
þjálfari Leiknis Football Club
hefur verið að gera góða hluti
með liðið að undarförnu. Leikn-
ir eru komnir í fyrstu deild á
meðan ÍR eru ennþá í annarri
deild. Hér kemur smáspjall við
Garðar um velgengni Leiknis og
piltanna í liðinu:
Leikni hefur gengið mjög vel í
ár, hvað gerðuð þið öðruvísi í ár,
með æfingarnar og keppnisaðferð-
irnar?
„Við höfum alltaf reynt að vera
skipulagðir og lagt okkur 100%
fram í hvern leik, við reynum að
haga öllum undirbúningi eins í
hvert skipti og skiptir þá engu
hvaða leik við erum að fara að
spila. Eini munurinn á þessu ári
og öðrum er að á undirbúnings-
tímabilinu fórum við í bootcamp
með strákana í staðinn fyrir hefð-
bundin hlaup og lyftingar og var
það mjög gaman, mikil tilbreyting
og þjappaði hópnum vel saman.“
sagði Garðar. En fyrir þá sem vita
ekki hvað Bootcamp er, þá eru
það æfingar sem að minna helst
á heræfingar. Og það er ekki ann-
að að segja en að Bootcamp er
að virka.
Leiknispiltarnir eiga auðvitað
stærsta þáttinn í sigrum liðsins,
og þá verður auðvitað að spyrja
hvort að þjálfarinn sé ekki stoltur
af strákunum sínum, og hvernig
honum finnst þeim hafa gengið á
þessu leikári:
„Hvernig finnst þér piltunum
hafa gengið? Þeir eru að ég held
nokkuð sáttir en hefðu viljað
vera með fleirri stig, því við töp-
uðum fyrir Fram þar sem við átt-
um a.m.k. eitt stig skilið og svo
klúðruðum við unnum leik niður í
jafntefli á móti Víking Ó. og þ.a.l.
ættum við að vera með 10 stig,
en svona er þetta og við verðum
að berjast fyrir hverju einasta
stigi þar til dómarinn flautar til
leiksloka.“
Flestir áhugamenn um fótbolta
eru ábyggilega mjög forvitnir að
komast að því sem fram fer í bún-
ingsklefanum og ég sá þarna al-
veg fullkomið tækifæri til að kom-
ast að því og Garðar sagði:
„Á æfingum er mikið grínast í
búningsklefanum, er oft mikið
fjör þá og grínast drengirnir með
allt saman, gera mikið at í hvor
öðrum og annað slíkt. Fyrir leiki
förum við yfir málin, bæði and-
stæðingana og okkur og þá er al-
varan í fyrirrúmi.“
Allir íþróttaþjálfarar hafa vænt-
ingar til liðsmanna sinna en
hvaða væntingar hefur Garðar til
Leiknismanna og hvert stefnir
Leiknir?
„Ég hef þær væntingar að hver
og einn mæti á allar æfingar og
leggi sig eins mikið fram og þeir
geta í hvert skipti. Við ætlum
okkur að halda okkur uppi í
deildinni og tryggja okkur í sessi
sem 1. deildarfélag.“
Leiknismenn æfa 4 til 5 sinnum
í viku og oftast nær er einn leikur
í viku eftir alla þjálfunina.
Garðar er án efa upptekin mað-
ur og ég vildi vita hvernig er dag-
ur í hans lífi:
„Hann er misjafn, það fer eftir
því hvort ég sé að vinna eða ekki.
Ef ég er að vinna er hún búin um
kl. 15:30 og þá fer maður og sæk-
ir dæturnar í leikskólann og svo
fer maður heim og á smá tíma
með þeim, svo um kl. 17:45 fer
maður að þjálfa og svo er maður
kominn heim um kl. 20:00, oft
verður maður að fara á völlinn
eftir æfingar til að sjá andstæð-
ingana spila, og þá er maður
kominn heim um klukkan 22:00.“
Best er að enda viðtalið á svar-
inu við titli greinarinnar, Hverjir
eru bestir?
Garðar svaraði: „LFC - Leikn-
ir Football Club.“
Erna Ýr
JÚNÍ 2006 11Breiðholtsblaðið
Hverjir eru bestir?
Garðar Ásgeirsson þjálfari Leiknis með dætrum sínum Ingibjörgu Erlu og Írisi Eddu og myndin að sjálf-
sögðu tekin við markið á Leiknisvellinum í Breiðholti.
Grill og ostur
– ljúffengur kostur!
H
V
ÍT
A
H
Ú
S
IÐ
/
S
ÍA
-
6
1
4
2