Vesturbæjarblaðið - 01.02.2007, Blaðsíða 10
10 Vesturbæjarblaðið FEBRÚAR 2007
Nýlega voru birtar niðurstöð-
ur könnunar, sem framkvæmd
var af Rannsóknum og grein-
ingu, um hagi og líðan nem-
enda í efstu bekkjum grunnskóla
landsins. Er þetta í níunda sinn
sem könnun er lögð fyrir nem-
endur varðandi neyslu en fjórða
sinn þar sem einnig eru skoð-
aðir félagslegir þættir svo sem
tengsl við fjölskyldu og vini, líð-
an, aðstæður í skóla og íþrótta
og tómstundaiðkun.
Þjónustumiðstöð Vesturbæjar
stóð fyrir opnum fundi í Neskirkju
25. janúar s.l. þar sem Álfgeir Logi
Kristjánsson geindi frá niðurstöð-
um um neyslu tóbaks, áfengis og
ólöglegra vímuefna en jafnframt
niðurstöðum varðandi líðan og
félagslegt umhverfi unglinga í
Vesturbæ samanborið við Reykja-
vík og landið í heild. Til fundarins
var sérstaklega boðið lykilfólki
í hverfinu, fulltrúum foreldra,
starfsmönnum skóla og öðrum
er koma að starfi með börnum og
ungmennum.
Br yndís Guðmundsdótt ir
kennsluráðgjafi á Þjónustumið-
stöð Vesturbæjar, segir Vesturbæ-
inn koma nokkuð vel út úr könn-
uninni í ár og hafi neysla vímu-
efna dregist saman síðan kannan-
ir voru fyrst lagðar fyrir. Þróunin
sé að flestu leyti svipuð í Vestur-
bæ og í Reykjavík og á landinu
í heild og megi t.d. geta þess að
hlutfall nemenda í 10. bekk sem
ekki hafa notað vímuefni hefur
hækkað jafnt og þétt frá því kann-
anir hófust.
Ákveðin merki um neyslu sé
þó vissulega áhyggjuefni og und-
irstrikar að aldrei megi slaka á og
stöðugt þurfi að vera á verði. Nem-
endur eru m.a. spurðir hvar þeir
neyti áfengis sé um slíka neyslu
að ræða og er algengast að nefnt
sé “heima hjá öðrum, í bænum
eða annars staðar úti við” og á
það bæði við um Vesturbæ sem
Reykjavík og landið í heild.
“Svona könnun veitir mikilvæg-
ar upplýsingar um stöðu mála og
er góður grunnur fyrir alla sem
koma að málefnum barna og ung-
menna og leitast við að gera líf
þeirra innihaldsríkara og betra.
Mikilvægt er að beina sjónum að
rótum vanlíðunar sem getur birst
með ýmsu móti m.a. í misnotkun
vímuefna, geðrænum erfiðleikum,
brotinni sjálfsmynd og brottfalli
úr skóla. Bregðast þarf við með
markvissum hætti og leita fjöl-
breyttra leiða til að styrkja ein-
staklingana og félagslegt umhverfi
þeirra.
Rannsóknir undanfarinna ára
og áratuga hafa sýnt fram á tengsl
milli félagslegrar stöðu barna og
ungmenna og vímuefnaneyslu.
Miklu skiptir því að ungmennin
séu í góðum tengslum við fjöl-
skyldu, líði vel í skólanum og séu
virk í tómstundastarfi. Umhyggja
foreldra, samvera, stuðningur og
eftirlit verður seint ofmetið og hef-
ur margvísleg jákvæð áhrif á líf
barna.
Forvarnastefna Reykjavíkur
tekur til barna og ungmenna frá
fæðingu til tvítugs en jafnframt
til foreldra og allra sem koma að
uppeldi og málefnum barna. Þar
er lögð áhersla á að forvarnir hefj-
ist strax í barnæsku og að börn-
um og ungmennum séu sköpuð
jákvæð uppeldisskilyrði sem efli
sjálfsmynd þeirra, sjálfstraust og
félagsfærni. Í stefnunni eru sett
fram skýr og mælanleg markmið
sem annars vegar lúta að almenn-
um forvörnum sem ná til allra
barna og hins vegar sértækum
forvörnum sem ná til einstaklinga
og hópa í áhættu. Gott forvarna-
starf þarf að vera fjölbreytt og
hefjast snemma til að koma megi
í veg fyrir vanlíðan og niðurbrot
einstaklinga en því fyrr sem grip-
ið er inn í hjá þeim sem erfitt eiga
uppdráttar þeim mun meiri líkur
eru á að snúa megi þróuninni til
betri vegar.”
Upplýsinganámskeið fyrir
foreldra
“Velferðarsvið ber ábyrgð á
heildstæðu forvarnastarfi í Reykja-
vík og hefur eftirlit með að unnið
sé í samræmi við stefnu borgar-
innar. Þjónustumiðstöð ber hins
vegar að hafa yfirsýn á forvarna-
starf í hverfinu og að eiga frum-
kvæði varðandi útfærslu og sam-
ræmingu aðgerða í góðu samráði
við börn, ungmenni, foreldra,
skóla og aðrar stofnanir. Skólar,
félagasamtök og aðrar stofnanir
í hverfi móta sínar forvarnaáætl-
anir út frá forvarnastefnunni og
marka þar áherslur og verkefni
eftir þörf og aðstæðum á hverj-
um stað. Sú vinna stendur yfir
og er misjafnlega á veg komin.
Leikskólar eru nú þegar með mót-
aðar áætlanir aðrir eru skemmra
á veg komnir. Ýmis verkefni eru í
gangi í Vesturbæ og má þar m.a.
nefna uppeldisnámskeið fyrir for-
eldra, lífsleikniverkefni um Vini
Zippý í yngstu bekkjum, Olweus-
arverkefnið í öllum grunnskólum
og víðar, Sjáumst félagsfærnihóp-
ur á miðstigi og þróunarverkefn-
ið “Hress með unglingum.” Von-
andi heldur jákvæð þróun áfram í
Vesturbæ um ókomin ár og miklu
skiptir að allir leggist á eitt um að
vera á verði, styrkja öryggisnet-
ið og styðja börn og ungmenni
í að verða heilbrigðir og sterkir
einstaklingar,” segir Bryndís Guð-
mundsdóttir.
Neysla vímuefna hjá nemendum
í Vesturbæ hefur dregist saman
Álfgeir Logi Kristjánsson greindi frá niðurstöðu könnunar um hagi og
líðan nemenda.
Þann 26. janúar sl. voru afhent-
ar viðurkenningar í samkeppni
sem Námsgagnastofnun hélt um
nýyrði fyrir ýmis þau orð sem
mönnum er orðið tamt að sletta,
eins og wannabe, trendsetter og
skeitari (skater). Annar tveggja
verðlaunahafa var Guðrún Ingi-
björg Þorgeirsdóttir, þrettán ára
nemandi í Hagaskóla. Hún fékk
sérstaka viðurkenningu fyrir góð
heildartök á verkefninu og hún
kom með margar ljómandi góðar
uppástungur, eins og til dæmis
að stinga upp á tískulaukur fyrir
enska orðið trendsetter. Viðstödd
verðlaunaafhendinguna voru af
skólans hálfu þau Svava Árna-
dóttir umsjónarkennari Guðrún-
ar, Ágústa Ragnars íslenskukenn-
ari, Einar Magnússon, skólastjóri
og foreldrar Guðrúnar, Guðrún
Erla Sigurðardóttir og Þorgeir J.
Andrésson.
Í tilefni dags íslenskrar tungu
16. nóvember sl. stóð Námsgagna-
stofnun fyrir skemmtilegu verk-
efni þar sem búa átti til íslensk
orð yfir tíu ensk orð sem algeng
eru í íslensku máli. Þátttakendur
fengu eftirfarandi texta og áttu
þeir að finna heppileg orð í stað
þeirra sem sem sett voru innan
gæsalappa.
Ég “deitaði” lengi stelpu sem var
hreint ekki “casual” í klæðnaði.
Hún var meira svona “trend-
setter” og verslaði nær eingöngu
í “outlet” verslunum. Við kynnt-
umst þegar ég gaf henni “nickið”
mitt á msn einn daginn þegar ég
var að “surfa” á netinu. Henni
fannst ég vera “wannabe” rokk-
stjarna því hún segir tónlistina
mína “crossover” milli popps og
klassíkur. Ég ætla niður á Ingólfs-
torg að “skeita”.
Samantekt Guðrúnar Þorgeirs-
dóttur var eftirfarandi:
1) Casual Ég myndi sjálf nota
orð eins og venjulegur, hversdags-
legur og þægilegur til að lýsa merk-
ingu þessa orðs, þó að þetta séu
nú ekki beint nýyrði. Athugið að
þarna á ég við fatnað, það er kall-
ast svo oft í daglegu tali “casual”
fatnaður.
2) Crossover Þarna finnst mér
orðið blanda hæfa vel eða jafnvel
blandari. Orðin eru ekki nýyrði
en myndu þarna öðlast nýtt líf og
nýja merkingu.
3) Date Nú kemur loksins
nýyrði. Í staðinn fyrir “sögnina” að
deita kæmi sögnin að daga. T.d. ég
dagaði hann/hana.
4) Fusion Hér vil ég setja orð-
ið bræðing. Þá væri til að mynda
hægt að segja bræðings-eldhús.
5) Nick Gæla er held ég ágætt
yfir þetta. Orðhlutanum “net” væri
svo hægt að skeyta framan við
þar sem það ætti við og fá út “net-
gæla”. Hægt væri að segja “Hver
er (net)gælan þín á MSN?”
6) Outlet Orðið bakbúð fann
ég hér. Það þarfnast þó kannski
örlítilla útskýringa með, en þetta
er hugsað þannig að tryggingafé-
lög, t.d., eru með eitt sem heitir
tryggingar og annað sem heitir
baktryggingar. Baktryggingarnar
eru “plan b” og þannig má í raun
hugsa “outlet” búðir líka, auk þess
sem þar fæst eitthvað sem við höf-
um hent á bak við okkur, það er
merkja-og tískuvara frá því í fyrra.
7) Skate Hér gæti fólk not-
að sögnina að bretta. Sbr. hjól, að
hjóla, bretti, að bretta. T.d. “Við
fórum og brettuðum í gær.”
8) Surf Þarna hefur maður
nú oft heyrt sögnina að vafra.
Þetta finnst mér gott orð og vel
nýtanlegt, en mér datt þó í hug
nýyrðið að brima sbr. það að brim-
brettakappar eru upp á enskuna
að “surfa”. Einnig má nota orðið
að dratta. Hann drattaði á netinu,
hann brimaði á netinu.
9) Trendsetter Orðið tísku-
laukur á þarna vel við, fyrst er
laukurinn, svo koma blómin.
10) Wannabe Ef frumleikinn
á að fá að ráða væri hægt að segja
“villvera” Hann er villvera rokk-
stjarna. Orðið óskari er þó einnig
góð tillaga að mínu mati.
Eru stelpur meira “trendsetter”
en “tískulaukar”?
Guðrúnu Ingibjörgu Þorgeirsdóttir er margt til lista lagt. Hér spilar
hún á pianó á skólaskemmtun í Melaskóla meðan hún var nemandi
þar.
Frostaskjól fær heim-
sókn frá Englandi
Í byrjun þessa mánaðar fær
félagsmiðstöðin Frostaskjól
heimsókn frá ungmennum sem
búa í Newcastle í Englandi. Þetta
er annar hluti af þremur í spenn-
andi ungmennaskiptaverkefni
sem sett var af stað fyrir um ári.
Auk Íslands koma þátttakendur
frá Finnlandi og Englandi. Mark-
mið verkefnisins er að fá gefa
þátttakendum kost á kynnast lífi
og starfi samaldra sinna í öðrum
löndum, skapa vináttutengsl til
framtíðar og jafnfram að víkka
almennt sjóndeildarhring sinn
gagnvart menningu og þjóðfélög-
um utan Íslands.
Síðastliðinn ágústmánuð fóru
13 ungmenni úr Frostaskjóli og
félagsmiðstöðinni 101 í Austur-
bæ til Kontula í Finnlandi og
dvöldu þar í góðu yfirlæti finnsk-
ra ungmenna í vikutíma. Ferðin
heppnaðist mjög vel og hópur-
inn kom heim reynslunni ríkari,
ögn fróðari um samfélagsaðstæð-
ur finnsku félaga sinna og höfðu
augljóslega tengst sterkum vina-
böndum sem er það sem þau
koma til með að njóta góðs af og
búa að um ókomna tíð.
Það verður um 20 manna hóp-
ur sem kemur hingað til lands,
15 ungmenni og 4 leiðbeinend-
ur með þeim. Þegar er búið að
skipuleggja góða dagskrá fyrir
hópinn, en meðal þess sem þeim
verður sýnt er Gullfoss og Geys-
ir, Bláa Lónið auk þess sem farið
verður í Alþjóðahúsið og Þjóð-
minjasafnið skoðað en Íslending-
arnir munu að sjálfsögðu leggja
sig fram við að kynna land og
þjóð af sæmd. Til að fjármagna
verkefnið hefur fengist styrkur
frá stofnunni Ungt Fólk í Evr-
ópu en auk þess hafa krakkarnir
staðið fyrir ýmiss konar fjáröfl-
un. T.d. stóðu þau fyrir kaffi- og
kakósölu á Þrettándagleðinni
við Melaskóla og gekk sú fjáröfl-
un afar vel. Í mánuðinum munu
ungmennin svo hittast og leggja
lokahönd á dagskrána fyrir dvöl
Englendinganna og halda áfram
að safna inn fjármagni fyrir verk-
efnið.
Nýlega hefur opnað Heilsu-
stofa og verslun í Eiðistorgi 13,
sem heitir Nýjaland á 2.h. Þar
er nýtekin til starfa Nathalie
Simon nýútskrifaður hómópati
LCPH . Hómópatían er heild-
ræn meðferð sem snýst um
að líkt læknast af líku, það er
að einkenni manns meðhöndl-
ast af sambærilegu einkenni
sem koma fram í ákveðinni rem-
edíu (smáskammta af efnum).
Val smáskammtsins fer eftir ein-
staklingsbundnum viðbrögðum
við umhverfinu, líkamlega,and-
lega og tilfinningalega. Vegna
hinnar miklu þynningar eru smá-
skammtar fullkomlega hættu-
lausir og ekki ávanabindandi.
Remedíum fylgja engar óæski-
legar aukaverkanir og eru örugg-
ir jafnvel fyrir ungabörn, börn,
mæður með börn á brjósti og
ófrískar konur. Hómópatía nýt-
ist í flest öllum tilfellum áfalla,
sjúkdóma, slysa og kvilla.
Hægt er að fá ráðgjöf og panta
viðtalstíma í síma 5614724 milli
kl.18.00 og 20.00 virka daga.
Nathalie nam í 4 ára í hómópa-
tíu við The College of Practical
Homoeopathy. Hún er meðlim-
ur í Organon fagfélagi hómópata
og Bandalagi íslenskra græðara.
Hómópatía getur ekki truflað
aðrar aðferðir né lyfjatöku.
N‡ hómópatastofa