Vesturbæjarblaðið - 01.03.2007, Side 4
4 Vesturbæjarblaðið MARS 2007
Flestir Íslendingar kannast
við Hjálpræðisherinn sem hef-
ur verið áratugum saman við
Kirkjustræti 2, og er raunar
hluti af miðbæ Reykjavíkur, og
starfseminni sem þar fer fram.
Hjálpræðisherinn er einnig
með starfsemi úti á landi.
Hjálpræðisherinn er alþjóð-
leg evangelisk hreyfing, hluti af
hinni almennu kirkju og boðskap-
ur hans grundvallast á Biblíunni.
Þjónustan er knúin af kærleika
til Guðs en verkefnið er að boða
fagnaðarerindið um Jesú Krist
og í nafni hans mæta mannlegri
neyð án þess að mismuna fólki.
Hjálpræðisherinn hóf starfsemi
sína í London um miðja 19. öld.
Árið 1895 kom hreyfingin til
Íslands og hefur síðan verið sýni-
leg í íslensku samfélagi, eða í lið-
lega 111 ár.
Færra vita að í Garðastræti 6
er starfrækt fatabúð Hjálpræðis-
hersins. Ágústa Guðmundsdóttir
er verslunarstjóri fatabúðarinn-
ar. Hún segir að þau föt sem séu
seld í búðinni komi flest frá góðu
fólki úti í bæ, sem komi þeim til
Hjálpræðishersins þegar verið
er að taka til í fataskápunum,
eða af öðrum ástæðum. Öll föt
sem þarna eru til sölu er gefin af
heilum hug til styrkar starfsemi
Hjálpræðishersins.
“Við eigum góða að víða sem
gefa okkur vörur svo segja má
að aldrei hafi orðið lægð í fataúr-
valinu. Það er alls konar fólk sem
kemur hingað og verslar við okk-
ur, bæði fólk sem á erfitt og hef-
ur lítil auraráð en einnig fólk sem
við getum kannski kallað venju-
legt með þokkaleg fjárráð. Flest-
um þeirra sem hingað koma líkar
viðskiptin vel og koma hingað
aftur. Margt af þessu fólki þekkj-
um við vegna þess að það kemur
aftur og aftur, og það eru bæði
konur og karlar, þó konurnar séu
í miklum meirihluta, og versla þá
jafnvel á alla fjölskylduna, bæði á
sjálfan sig, eiginmanninn og börn-
in. En eðlilega kemur fólk hing-
að misjafnlega oft,” segir Ágústa
Guðmundsdóttir.
- Takið þið við öllum þeim
fatnaði sem fólk kemur með til
ykkar?
“Já, en við flokkum hann. Við
höfum t.d. fengið málningabux-
ur í poka og jafnvel rifin föt, en
við getum eðlilega ekki selt þau
þó þau séu örugglega gefin af
heilum hug. Hugsanlega hefur
fólk að við séum með einhverja
aðstoðu til að nýta efnið í þess-
um fötum, t.d. til sauma. En svo
er ekki.
Hér er opið mánudaga til föstu-
daga milli kl. 13.00 og 18.00 og
það hefur dugað ágætlega. Fyrr
var hér opið aðeins þrjá daga í
viku,” segir Ágústa Guðmunds-
dóttir, verslunarstjóri.
Í fatabúðinni er hægt að fá
barnaföt á allt frá 100 krónum
en þarna er einnig dýrari fatnað-
ur, s.s. pelsar. Fötin eru í versl-
uninni ákveðin tíma, t.d. í tvo
mánuði, og séu þau þá ekki seld
eru þau látin víkja fyrir nýrri fata-
gjöfum. Þau föt fara til Rauða
Kross Íslands, sem sendir þau til
bágstaddra erlendis, ekki síst í
stríðsþjáðum löndum.
Ágústa Guðmundsdóttir, verslunarstjóri fatabúðar Hjálpræðishersins, í dyrum verslunarinnar við
Garðastræti.
Föt fáanleg á alla fjölskylduna
í fatabúð Hjálpræðishersins
Fjölmargar athugasemd-
ir vegna byggingar
háhýsis að Keilugranda 1
Á fundi skipulagsráðs Reykja-
víkurborgar 14. fe brúar sl. voru
lögð fram drög skipulagsfulltrúa
að breytingu á aðalskipulagi
Reykjavíkur vegna Keilugranda
1, en í breytingunni felst að að
skilgreina nýjan þéttingarreit
við Keilugranda þar sem gert er
ráð fyrir allt að 150 íbúðum.
Lögð var fram til nýrrar kynning-
ar tillaga Kristins Ragnarssonar
arkitekts en þar er gert ráð fyrir
að skemma SÍF verði rifin og byggt
verði fjölbýlishús á lóðinni. Lögð
fram umsögn ÍTR, dags. 22. des-
ember 2006 og umsögn KR, dags.
16. janúar 2007. Tillagan var í
grenndarkynningu frá 8. janúar til
og með 22. janúar 2007. Eftirtaldir
aðilar sendu inn athugasemdir:
Halldór G. Eyjólfsson, dags. 10.
janúar 2007, 6 íbúar í Fjörugranda
14-18, dags. 12. janúar 2007, Hall-
dór Jóhannsson, dags, 17. janú-
ar 2007, Sigríður H. Bjarkadóttir
og Valdimar Búi Hauksson, dags.
19. janúar 2007, Salvör Jónsdótt-
ir og Jón Atli Árnason, dags. 21.
janúar 2007, húsfélög og íbúar í
næsta nágrenni við Keilugranda
1, mótt. 19. janúar 2007, Ólafur
Klemensson og Unnsteinn f.h.
lóðasamtakanna Rekagrandi 1-7
og Keilugrandi 2-10, dags. 20. jan-
úar 2007 ásamt álitsgerð vegna
jarðsigs við Keilu og Rekagranda,
dags. 11. desember 2006, Valgeir
Pálsson, dags. 22. janúar 2007,
Ragnheiður Lára Jónsdóttir og
Karl Harðarsson, dags. 22. janúar
2007, Reynir Erlingsson og Anna
Vilborg Hallgrímsdóttir, dags. 22.
janúar 2007, Margrét Reynisdóttir
og Karl Axelsson, dags. 22. janúar
2007 og Haukur Gunnarsson f.h.
eigenda Fjörugranda 10 og Erna
Eggertsdóttir f.h. eigenda Fjöru-
granda 12, dags. 22. janúar 2007.
Einnig var lögð fram samantekt
skipulagsfulltrúa um athugasemd-
ir ásamt umsögn Menntasviðs og
umsögn Framkvæmdasviðs frá
13. febrúar sl. Afgreiðslu málsins
var frestað.
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson