Vesturbæjarblaðið - 01.11.2007, Blaðsíða 14

14 Vesturbæjarblaðið NÓVEMBER 2007
Bókaútgáfan Hólar hefur gefið út
Íslenskar gamansögur 1 í samantekt
Guðjóns Inga Eiríkssonar. Í einni sög-
unni segir Kári Elíson, næturvörð-
ur á Grund, frá: “Eitt sinn um nótt
þurfti ég að laga ljós yfir rúmi einnar
heimiliskonunnar. Til þess að kom-
ast að ljósinu varð ég að fara að ein-
hverju leyti upp í rúmið til hennar
og segi þá um leið: „Ég er bara kom-
in upp í rúm til þín, frú mín góð.”
„Já,” svaraði sú gamla. „Það fer nú
hver að verða síðastur til þess.”
Ásta Ragnheiður og
Ragnheiður Ásta
Það vakti mikla athygli þegar Halldóri
Blöndal úr Sjálfstæðisflokki varð það á að
rugla saman tveimur kvenmannsnöfnum
í ræðustól á Alþingi. Í máli sínu átti hann
við þingkonuna Ástu Ragnheiði Jóhann-
esdóttur úr Samfylkingunni og Vesturbæ-
ing, en kallaði hana þó einhverra hluta
vegna Ragnheiði Ástu Pétursdóttur, sem
er allt önnur ella og hefur aldrei setið á
þingi, heldur lengst af starfsævi sinnar
unnið hjá Ríkisútvarpinu.
Og ekki var nóg með að Halldór rugl-
aði þessum ágætu konum saman, því er
hann ætlaði að leiðrétta mistök sín og
biðjast afsökunar á þeim, þá tókst það
ekki betur en svo, að úr varð enn einn
nafnaruglingurinn.
Margir hlógu að þessari uppákomu,
en aðrir töldu að Halldór hefði með
þessu athæfi sínu móðgað og lítillækkað
Ástu Ragnheiði og voru sárir fyrir henn-
ar hönd. Af málflutningi þeirra mátti
einna helst ætla, að svona lagað hefði
aldrei áður gerst hér á landi og varðaði
jafnvel við hegningarlög.
Halldór lét þessar ásakanir sem vind
um eyru þjóta, en nokkru síðar var hann
staddur í kaffistofu Alþingis og sat þar
á spjalli við Samfylkingarmann utan af
landi. Ásta Ragnheiður var þá í ræðustól
og gátu þeir bæði séð hana og heyrt í
sjónvarpi sem þarna er staðsett. Þeir
gáfu henni þó lítinn gaum í fyrstu, en
síðan leggur Halldór við hlustir um
stund og er þá alvarlegur mjög. Lítur
svo á sessunaut sinn, hristir hausinn í
hneykslan og segir: „Svo segja menn að
það skipti einhverju máli hvað hún heiti,
þessi kona.”
Ljósvakamismæli
Seinni hlutann í febrúar 2006 var
viðtal í fréttatíma á RÚV við Vernharð
Guðmundsson, fulltrúa í launanefnd
slökkviliðsmanna, en hún var þá nýbúin
að hafna launatilboði. Sem ástæðu þess
svaraði hann: „Fólk verður að gera sér
grein fyrir því að við erum búnir að fá
okkur fullsadda á því að hætta bæði lífi,
limi...”
Í fréttum á sömu stöð, það er RÚV,
sagði Gunnar Gunnarsson fréttamaður:
„Litlar líkur eru á því að fleiri lík finnist
á lífi...”.
Ingólfur Bjarni Sigfússon var að lesa
fréttir á Stöð 2 og varaði þá meðal ann-
ars við óhollustu í tilreknum matvælum.
Fréttinni lauk hann á þennan veg: „Þetta
á einkum við um vanfærar konur á barn-
eignaraldri.”
Vitlaust riðið
Einhverju sinni bar svo til að truflanir
urðu á rafmagninu í húsi læknishjónanna
á Sauðárkróki, þeirra Torfa Bjarnasonar
og Sigríðar Auðuns. Þórður var kvadd-
ur til að kanna hvað ylli þessum vand-
ræðum og eftir ýmsar mælingar hrópaði
hann upp yfir sig úr eins manns hljóði:
„Það er barasta vitlaust riðið í þessu
húsi,” sem á máli rafmagnsfræðinnar
þýðir eitthvað á þá leið, að straumtíðnin
sé öðruvísi en hún ætti að vera.
Læknisfrúin hafði fylgst nokkuð
grannt með vinnu Þórðar. Hún þekkti lít-
ið til fagmáls rafvirkja og varð því fremur
hvumsa við þessa yfirlýsingu hans. Lét
þó ekki á neinu bera, en létti hins vegar
mjög í sinni þegar rafvirkinn lýsti því yfir
einhverjum mælingum síðar, að „líklega
væri nú rétt riðið í húsinu eftir allt sam-
an”. Missti hún þá reyndar út úr sér:
„Mikið þykir mér nú vænt um að heyra
það, Þórður minn.”
Heavy weather
Eftir Kristjáni Hreinssyni Vesturbæ-
ingi er haft: “Það var skömmu eftir miðj-
an sjöunda áratug síðustu aldar að við
stofnuðum hljómsveitina Friðryk, ég og
tveir vinir mínir, Tryggvi Hübner og Erik
Mogensen. Við fengum til liðs við okkur
valinkunna snillinga: Valgeir Skagfjörð,
Sigurð Árnason og Ólaf Garðarsson. Val-
geir hafði verið með Tryggva í hljómsveit-
inni Cabarett en þeir Sigurður og Ólafur
höfðu verið í hljómsveitinni Náttúru.
Við höfðum samið nokkuð af tónlist,
æskufélagarnir, ég, Tryggvi og Erik. Og
þegar bandið hafði æft allvel, kom að
því að fara í hljóðver og hljóðrita herleg-
heitin.
Eftir nokkrar vikur í SG-Stúdíói, undir
dyggri handleiðslu Sigurðar Árnasonar,
höfðum við náð að spila inn tólf lög og
fórum þá þegar í það að leita að útgef-
anda. Leið okkar lá á fund Jóhanns Páls
Valdimarssonar - JPV sjálfs - hjá Iðunni
og afhentum við honum kassettu sem
við lofuðum mjög og báðum hann að
hlýða á með útgáfu í huga.
Nokkrum dögum eftir að við afhent-
um Jóhanni Páli kassettuna mætum við
á skrifstofu hans, ég og vinur minn, Tryg-
gvi. Brosmildir stóðum við hjá skrifborði
Jóhanns og reiknuðum með gáfulegri
og jákvæðri úttekt á því sem við höfð-
um boðið honum að hlýða á. Hann rétti
okkur hins vegar kassettuna með þeim
orðum að þetta væri alls ekki nógu gott
hjá okkur og engan veginn það sem hent-
aði til útgáfu hjá fyrirtækinu. En hann
hvatti okkur til að halda áfram því aldrei
væri að vita nema bandið ætti eftir að
gera betur.
Daprir í bragði þökkuðum við Jóhanni
Páli fyrir, kvöddum, fórum út í bíl og
smelltum kassettunni í spilarann. Og
þá varð okkur ljóst að við höfðum látið
Jóhann Pál fá ranga kassettu, þótt vissu-
lega væri hún merkt nafni hljómsveitar-
innar. Kassetta þessi hafði að geyma ekki
ómerkilegri upptöku en meistaraverkið
,,Heavy Weather” með hljómsveitinni
Weather Report. Ekki er mér ljóst í hve
mörgum eintökum sá ágæti gripur seld-
ist en mig grunar að fáir Íslendingar hafi
náð þeim sölutölum sem Zawinul, Short-
er, Pastorius og félagar náðu með þessu
tímamótaverki. Með ,,Heavy Weather”
sló Weather Report endanlega í gegn og
platan var valin ,,plata ársins” víða um
heim og var söluhæsta plata þessarar
mögnuðu grúppu, seldist í milljónum
eintaka.”
Sögur af Grund og víðar
IPL ljósameðferð
bylting í háreyðingu
SVÆÐAMEÐFERÐ - BOWENTÆKNI
Þarftu að slaka örlítið á og láta líkamann vinna úr
vandamálunum eða bara dekra við þig?

Græðandi meðferð

Góð gjöf fyrir vini og vandamenn
Kristjana Laufey Ásgeirsdóttir
Svæðameðferðaraðili og Bowentæknir
Lindargötu 66, jarðhæð, sími: 8246698
trulla@simnet.is eða kristjanalaufey@hotmail.com