Fréttatíminn - 31.07.2015, Blaðsíða 36

36 heilsutíminn Helgin 31. júlí-2. ágúst 2015
Gæði fara aldrei úr tísku
Hitastýrð
blöndunartæki
Stílhrein og
vönduð
Í Rekstrarlandi aðstoða sérfræðingar okkar við rétt val á hjálparvörum við
þvagleka en ávallt er um einstaklingsbundnar lausnir að ræða.
Eitt mesta úrval af hjálparvörum sem í boði er við þvagleka er frá hinum vandaða
danska framleiðanda Abena. Vörurnar fást í öllum stærðum og gerðum og búa yfir
rakadrægni sem hæfir hverju tilfelli fyrir sig þannig að auðvelt er að finna lausn
sem hentar hverjum og einum.
Abena vörurnar eru flestar umhverfisvænar og framleiddar með það að markmiði
að auka á þægindi notenda. Þær eru mjúkar viðkomu, þægilegar og umfram allt
lítt áberandi.
Skírteinishafar geta nú leitað beint til Rekstrarlands til þess að fá slíkar
vörur afgreiddar auk þess sem við sjáum um að koma vörunum heim til
notenda án aukakostnaðar.

Mörkinni 4 | 108 Reykjavík | Sími 515 1100www.rekstrarland.is
Upplýsingar fást
í síma 515 1100 eða á
heilbrigdi@rekstrarland.is.
REKSTRARLAND býður upp
á hágæðavörur við þvagleka
sem samþykktar eru af
Sjúkratryggingum Íslands
Vítamínin
í túninu
heima
Fífill og arfi eru jurtir
sem fæstir vilja sjá í
görðunum sínum en
þær eru nytsamlegri en
margan grunar. Anna
Rósa grasalæknir segir
af nógu að taka þessa
dagana á grasbölum og
í fjallshlíðum landsins
en stundum þurfi þó
ekki að leita langt yfir
skammt, garðarnir í
Reykjavík séu líka fullir
af nærandi plöntum sem
gera okkur gott.
Þ að er mjög gott að nota fífla­blöðin í salat,“ segir Anna Rósa sem er sérstaklega
hrifin af túnfíflinum í matargerð.
„Fífillinn er aðeins farinn að falla og
blöðin því orðin örlítið beiskari en
þau eru samt sem áður mjög bragð­
góð. Steikt fíflablöð með kryddi eru
frábært meðlæti með hverju sem er,
sjálf nota ég þau mikið með kjöti.
Fíflablöðin eru mjög vatnslosandi
og það er eitthvað sem allir vilja,
sérstaklega eftir allar grillveislurn­
ar. Svo hefur sjálf fíflarótin hægða­
losandi áhrif og virkar vel gegn
vindverkjum og almennum maga­
vandræðum. Ég tíni hana á haust­
in og blanda við fjallagrös til
að búa til meltingartintúru.
Svo eru fífla blómin sjálf,
steikt upp úr smjöri
og salti, ótrúlega
góð, ekkert beisk
og minna töluvert á
sveppi.“
C-vítamínríkur
haugarfi
„Annað sem er mjög sniðugt að
nota núna er venjulegur haugarfi,“
segir Anna Rósa. „Arfinn er ofsa­
lega mildur og bragðgóður og því
algjör snilld í öll salöt auk þess
sem hann er mjög ríkur af vítam­
ínum. Það er um að gera að tína
nóg af honum og búa til arfapestó
sem geymist vel í nokkra daga í
ísskápnum. Svo mæli ég með því
að fólk fari niður í fjöru og tíni
skarfakál sem er stútfullt af C­vít­
amíni og afskaplega gott í salöt.
Það er á mismunandi stigi en best
er auðvitað að nota sem nýlegust
blöð í salatið.“
Spánarkerf-
ilfræ, birkilauf
og blóðberg
„Núna er nóg
af spánarkerfli
í görðunum í
Reykjavík og það
er mjög sniðugt að safna saman
fræjunum af honum, sem eru með
lakkrískeim, og nota sem krydd í
mat eða salöt. Þau eru best fersk
og ég mæli sérstaklega með því að
setja þau fersk í eplapæ eða hvers
kyns sæta eftirrétti. Svo er auðvi­
tað tími núna til að tína blóðberg og
birkilauf sem hægt er að þurrka og
nota í te eða sem krydd. Mér finnst
blóðbergið til dæmis ómissandi á
lambakjötið.“ ­hh
Steikt fíflablöð að
hætti Önnu Rósu:
2 bollar túnfíflablöð
2/3 dl jómfrúarolía
1/2 ferskur chili, fræhreinsaður
3 hvítlauksrif
2 cm engiferrót
Allt steikt saman á pönnu og notað
sem meðlæti með hverju sem er.