Morgunblaðið - 23.01.2015, Side 17

Innlent
MORGUNBLAÐIÐ FÖSTUDAGUR 23. JANÚAR 2015
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON
VIKAN 14.01.15 - 21.01.15
1 2
5 6
7 8
109
43
Ljónatemjarinn
Camilla Läckberg
Veislan endalausa
Ragnar Freyr Ingvarsson
KAMP KNOX
Arnaldur Indriðason
DNA
Yrsa Sigurðardóttir
Almanak Háskóla Íslands 2015
Þorsteinn Sæmundsson
Heilsubók Röggu nagla
Ragnhildur Þórðardóttir
Sveitin í sálinni
Eggert Þór Bernharðsson
Þín eigin þjóðsaga
Ævar Þór Benediktsson
Svarthvítir dagar
Jóhanna Kristjónsdóttir
Dagbók Kidda klaufa 6
Kaldur vetur
Steinunn Sigurðardóttir
Sigurður Ægisson
sae@sae.is
Siglo Sea Safari, nýtt siglfirskt fyr-
irtæki, varð til á dögunum eftir
nokkurra mánaða undirbúnings-
tíma. Á bak við það er Saga útgerð
ehf., í eigu Gústafs Daníelssonar.
Boðið verður upp á daglegar hvala-
skoðunarferðir og aðrar tengdar frá
1. júní næstkomandi.
Gústaf er 57 ára gamall, fæddur
og uppalinn á Siglufirði, viðskipta-
fræðingur að mennt og hefur þar á
ofan masterspróf frá Danmörku og
er lærður stýrimaður. „Ég er búinn
að vera viðriðinn sjávarútveg alla
mína ævi,“ segir hann, aðspurður
hvað hafi gert það að verkum að
hann ákvað að fara út í þetta. „Ég
var til sjós fram undir þrítugt en
fór þá að vinna við stjórnun og hef
unnið hjá stórum sjávarútvegsfyr-
irtækjum, var t.d. í fimm ár á
Hólmavík, stjórnaði Hólmadrang, í
fimm ár hjá Vísi í Grindavík og svo
erlendis, m.a. í Danmörku. Rak þar
stórt fyrirtæki sem var að pakka
rækju, var þar í 3-4 ár, og var svo
hjá Eimskip í Englandi í sambandi
við flutninga á sjávarafurðum og
eins hér á landi.“
Gústaf flutti til Siglufjarðar að
nýju árið 2009, hóf þar útgerð, en
keypti árið 2011 Egilssíld ehf., þ.e.
reksturinn og merkið, og rekur það
fyrirtæki nú undir nafninu Egils
sjávarafurðir ehf., en hélt áfram í
útgerðinni jafnhliða þar til nýverið.
Úr fiski í túrismann
„Við seldum bát fyrir skemmstu
og ég ætla að kalla þetta gott hvað
fiskinn varðar, hætta að gera út á
fisk og rækju og fara að snúa mér
að túrismanum,“ segir Gústaf. „Ég
er með augastað á nokkrum bátum
í Noregi, litlum, hraðskreiðum far-
þegabátum, 30-50 manna, þar sem
fólk getur bæði verið inni og úti, og
þannig að hægt sé að keyra vestur í
Skagafjörð, að Málmey, eða beint í
norður eða hvaðeina.
Það er eiginlega þrennt sem ég
býð upp á: í fyrsta lagi hefðbundin
hvalaskoðun, þriggja tíma ferðir,
síðan miðnæturferðir yfir hásum-
arið, að sigla þá jafnvel út í Gríms-
ey eða eitthvað í þeim dúr, og í
þriðja lagi að leigja bátinn út í sér-
sniðnar ferðir. Þetta er í þróun og
verður það í byrjun og svo kemur
reynsla á þetta, hvernig best er að
haga þessu.“
Morgunblaðið/Sigurður Ægisson
Hvalaskoðun Gústaf Daníelsson mun hafa aðstöðu fyrir hvalaskoðunarbát sinn við bryggju í Siglufirði en hefur
einnig verið boðið að liggja í Ólafsfirði ef því er að skipta. Heimasíða fyrirtækisins er www.sigloseasafari.is.
Boðið upp á hvala-
skoðun frá Siglufirði
 Eigandinn snýr sér að ferðaþjónustu í stað sjávarútvegs
Sex önnur fyrirtæki á Norðurlandi
gera út á hvalaskoðun um þessar
mundir, eitt á Dalvík, eitt á Hauga-
nesi, eitt á Akureyri og þrjú á
Húsavík. Er tilkoma hins nýjasta
og þá sjöunda mikið gleðiefni fyrir
heimamenn og enn ein rósin í
hnappagat Siglufjarðar. Verður
spennandi að sjá hvað þar úti
leynist í hafdjúpunum, ekki síst
vestur úr, sem er ókannað svæði í
þeim bransa. En gamlir trillusjó-
menn segja þar allt vaðandi í hval.
Sjöunda fyrirtækið
HVALASKOÐUN
Viðar Guðjónsson
vidar@mbl.is
Hætta getur myndast af krapastíflu
sem myndast hefur í Jökulsá á
Fjöllum við brú á þjóðvegi nærri
Grímsstöðum ef rennsli eykst
skyndilega vegna snarprar hlýn-
unar í veðri og hláku eða vegna
jarðhitavirkjana. Áin getur þá rutt
sig í þrepahlaupi með miklum lát-
um. Þetta kemur fram í tilkynningu
frá vatnavárhópi Veðurstofu Íslands
í gær.
Hins vegar er tekið fram í til-
kynningunni að það sem oftast ger-
ist þegar krapastífla myndast á
þessum stað sé að áin finni sér far-
veg og bræði af sér stífluna jafnt og
þétt. Stórar krapastíflur í Jökulsá á
Fjöllum myndast þegar mjög kalt er
í veðri og skafrenningur. Vatnshiti
lækkar þá hratt niður að frostmarki
og vatnið verður jafnvel undirkælt í
efri lögum en það fer eftir því hvort
rennsli er jafnt eða iðukennt. Mikill
krapaburður verður í ánni og við
stefnubreytingu eða hindranir
hrannast krapinn upp og byrjar að
frjósa saman. Ískristallar í undir-
kældu vatninu setjast á botninn og
það myndast grunnstingull sem vex
við þessi skilyrði frá botni og upp og
þrengir þar með að ánni. Þegar
þrengir að ánni með þessum hætti
hækkar vatnsborðið, það hægir á
rennsli árinnar og ísstíflan þykknar.
Eins og stendur teygir stíflan sig
rúmlega 2,5 km niður fyrir brúna
yfir jökulána og um 3 km upp fyrir
hana. Í tilkynningu segir að rétt of-
an við brúna á þjóðveginum sé
vatnshæðarmælir Veðurstofunnar
og megi því fylgjast með breyt-
ingum á vatnshæð nánast í raun-
tíma. Bera fór á ístruflunum á þess-
um stað um miðjan desember en
skömmu fyrir árslok dró mjög úr
þeim. Frá 11. janúar hefur krapa-
stíflan verið að byggjast upp.
Hætta ef hlýnar fljótt
 Krapastífla í Jökulsá á Fjöllum getur valdið hættu ef
rennsli eykst hratt  Fylgst með breytingum á vatnshæð
Krapastífla Hætta getur verið á
ferðum ef rennsli eykst skyndilega.