Morgunblaðið - 10.03.2015, Qupperneq 16

SKÁK
Helgi Ólafsson
helo@simnet.is
Tæplega 300 skákmenn eru skráðir
til leiks á Reykjavíkurskákmótinu
sem verður sett í Hörpu í dag. Það er
mesti fjöldi sem um getur í sögu
mótsins sem fyrst var haldið í Lídó í
vetrarbyrjun árið 1964. Á 50 ára af-
mælismótinu í fyrra voru keppendur
254 talsins. Mótið í ár er að þessu
sinni tileinkað Friðriki Ólafssyni,
fyrsta stórmeistara Íslendinga, sem
varð 80 ára fyrr á þessu ári. Hann var
meðal keppenda á fyrsta mótinu 1964.
Keppnisfyrirkomulagið er með
hefðbundnu sniði, tefldar verða tíu
umferðir en keppendur geta óskað
eftir ½ vinnings yfirsetu í einni af sjö
fyrstu umferðunum. Tímamörk gera
ráð fyrir því að eftir hvern leik bætist
30 sekúndur við tímann, þ.e. 90 mín-
útur + 30 sekúndur á fyrstu 40 leik-
ina og eftir það 30 mínútur + 30 sek-
úndur til loka skákar. Meðal nýmæla
er að nú má ekki bjóða jafntefli fyrr
en báðir keppendur hafa lokið 30
leikjum. Þetta ákvæði er í takt við
þróun alþjóðlegra skákviðburða og
kemur í veg fyrir stutt jafntefli án
baráttu.
Þá geta þátttakendur ekki komið
með síma á skákstað eða önnur slík
tæki en vegna svindlmála og al-
mennrar tortryggni á keppnisstað
hefur alþjóðaskáksambandið FIDE
nýlega samþykkt strangar reglur
sem leggja blátt bann við notkun
slíkra tækja. Taflmennskan hefst kl.
15 flesta keppnisdagana nema næsta
fimmtudag þegar tefldar verða tvær
umferðir. Sú fyrri hefst kl. 10 um
morguninn og seinni skák þess dags
hefst kl. 17.
Öflugir keppendur –
pollrólegur Perúmaður
Stigahæsti keppandinn á Reykja-
víkurskákmótinu er Aserinn Shakriy-
ar Mamedyarov sem er með 2.756 elo-
stig og er sem stendur nr. 13 á heims-
listanum. Næststigahæsti
keppandinn er Tékkinn David Nav-
ara sem er með 2736 elo og er í 22.
sæti á heimslistanunm. Þriðji stiga-
hæsti keppandinn er svo Úkraínu-
maðurinn Pavel Eljanov sem er með
2.727 elo-stig og er í 27. sæti á heims-
listanum. Fjölmargir aðrir þekktir
skákmenn og -konur eru meðal þátt-
takenda. Má þar nefna Artur Jusu-
pov sem nú teflir fyrir Þjóverja og
tefldi síðast hér á landi árið 1990 en
hann var þá í liði Sovétríkjanna sem
tók þátt í Stórveldaslag VISA ásamt
úrvalsliðum Norðurlanda, Bandaríkj-
anna og Englands.
Granda Zuniga, sterkasti skák-
maður Perú um áratuga skeið, teflir í
fyrsta sinn hér á landi en á ólympíu-
mótinu í Bled í Slóveníu árið 2002
vakti hann mikla athygli sérlegs að-
stoðarmanns íslenska liðsins, Gunn-
ars Eyjólfssonar leikara, fyrir ein-
hverja mögnuðustu hugarró sem
hann hafði orðið vitni að hjá skák-
manni.
Meðal annarra keppenda má nefna
Armenann Sergei Movsesian. Þekkt-
asta skákkonan í keppendahópnum
er indverska skákdrottningin Tania
Sadchev.
Hannes Hlífar Stefánsson og
Hjörvar Steinn Grétarsson eru stiga-
hæstir íslensku stórmeistaranna en
einnig eru í hópi keppenda Héðinn
Steingrímsson, Henrik Danielssen,
Stefán Kristjánsson og Þröstur Þór-
hallsson. Aðrir öflugir skákmenn eru
bræðurnir Björn og Bragi Þorfinns-
synir, Jón Viktor Gunnarsson, Guð-
mundur Kjartansson og Dagur Arn-
grímsson. Þá mun athyglin einnig
beinast að yngstu þátttakendunum
en einn þeirra, nýbakaður Norð-
urlandameistari ungmenna, Dagur
Ragnarsson, hækkaði milli mánaða
um tæplega 300 elo-stig á síðasta
stigalista FIDE.
Heimsmeistarinn vill
komast í fótbolta
Magnús Carlsen, heimsmeistari í
skák, er væntanlegur til landsins á
föstudaginn og dvelur hér fram á
mánudag. Hann kemur hingað til að
fylgjast með föður sínum Henrik
Carlsen sem tekur þátt í mótinu ann-
að árið í röð og einnig vini sínum og
hjálparhellu til margra ára, Jon Lud-
vig Hammer. Á bloggsíðu sinni minn-
ist Magnús þess að hann hafi teflt á
Reykjavíkurmótunum 2004 og aftur
2006. Frægð hans náði nýjum hæðum
í Noregi þegar hann tefldi nokkrar
skákir með styttri umhugsunartíma
við Garrí Kasparov og Anatolí Kar-
pov á Reykjavik rapid-mótinu sem
fram fór í kjölfar Reykjavíkurmóts-
ins í mars 2004.
Ekkert liggur fyrir um dagskrá
heimsmeistarans en hann verður hér
í einkaerindum. Hann hefur þó óskað
eftir því að komast í fótbolta enda
ágætur í þeirri grein og eftir að hann
varð heimsmeistari haustið 2013 var
hann fenginn til að taka fyrsta spark-
ið í heimaleik Real Madrid, sem er
uppáhaldslið hans í spænska bolt-
anum.
Metfjöldi á Reykjavíkurskákmóti
 Mótið tileinkað Friðriki Ólafssyni  Heimsmeistarinn kemur til Íslands að fylgjast með föður sín-
um og vini tefla  Pollrólegur Perúmaður og indversk skákdrottning meðal keppenda  Sett í dag
EPA
Heimsmeistarinn í Reykjavík Magnus Carlsen náði að skoða verk Ver-
meers, Stúlka með perlueyrnalokka, er hann tefldi í Amsterdam í janúar.
Morgunblaðið/Ómar
Mótið tileinkað meistara Friðrik Ólafsson situr að tafli við Garrí Kasparov á Heimsmótinu í skák í Tónlistarhúsi
Kópavogs í apríl 2000. Reykjavíkurskákmótið er að þessu sinni tileinkað Friðriki, sem varð áttræður fyrr á árinu.
16 FRÉTTIRInnlent
MORGUNBLAÐIÐ ÞRIÐJUDAGUR 10. MARS 2015
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Vönduð og endingargóð
vetrardekk sem koma þér
örugglega hvert á land sem er
Tvær farþegaþotur Icelandair, önn-
ur á leið frá München og hin frá
Helsinki, lentu á varaflugvöllum á
sunnudag. Önnur í Reykjavík og hin
á Akureyri. Auk þess lenti kanadísk
herflugvél í Reykjavík.
Lendingarskilyrði voru á köflum
erfið á Keflavíkurflugvelli á sunnu-
dag. Sunnan- og suðvestanéljagang-
urinn olli því að lendingarskilyrði
voru ekki alltaf ásættanleg, að sögn
talsmanns Isavia.
Ætla má að á fjórða hundrað far-
þega hafi verið í farþegaþotunum
tveimur. Þær tóku eldsneyti í
Reykjavík og á Akureyri en farþeg-
arnir fóru ekki frá borði. Flugvélarn-
ar héldu síðan til Keflavíkur. Guðjón
Arngrímsson, upplýsingafulltrúi
Icelandair, sagði að flugvélar á leið
frá Evrópu til Íslands síðdegis á
sunnudag hefðu sumar hverjar þurft
að hringsóla í biðflugi vegna slæmra
lendingarskilyrða í Keflavík. Ákveð-
ið hefði verið að lenda tveimur þeirra
á varaflugvöllunum.
Veðrið olli seinkunum á flugferð-
um Icelandair á sunnudagskvöld.
Guðjón sagði að óvenjumikil röskun
hefði orðið á flugi síðustu vikurnar
vegna veðurs.
Allar flugvélar WOW Air lentu á
réttum tíma í Keflavík um helgina,
að sögn félagsins. gudni@mbl.is
Morgunblaðið/Kristinn
Reykjavíkurflugvöllur Eins og má var skyggnið afar slæmt um tíma í gær.
Tvær þotur lentu
á varaflugvöllum
 Mikil röskun á flugi undanfarið