Morgunblaðið - 20.04.2015, Qupperneq 14
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 20. APRÍL 2015
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Þú finnur bílinn á bilo.is Skráðu bílinn á bilo.is
JEEP GRAND CHEROKEE
LTD OVERLAND
árg. 2003, ekinn 84 Þ.M,
sjálfskiptur, leður lúga ofl.
Verð 1.290.000. Raðnr.253474
TOYOTA LAND CRUISER
150 GX 60TH ANNIVERSARY
05/2012, ekinn 90 Þ.km, diesel,
sjálfskiptur. Verð 8.900.000.
Raðnr.285705
BMW M3 árg. 2003
ekinn 178 Þ.km. Verulega
flottur! Verð 3.990.000.
Raðnr.252703
BMW 730D
árg. 2004, ekinn 199 Þ.km,
dísel, sjálfskiptur, leður ofl.
Verð 3.850.000. Raðnr.252643
BMW 545i
árg. 2004, ekinn 180 Þ.km,
sjálfskiptur, leður ofl.
Verð 2.890.000. Flott eintak!
Raðnr.285338
Leitarvélarisinn
Google mun í vik-
unni gera breyt-
ingar á leitarnið-
urstöðum þannig
að þær hampi
frekar vefsíðum
sem eru auðnot-
anlegar á snjall-
símum. Vefir sem
ekki er auðvelt að lesa eða nota í snjallsímum
mega vænta þess að færast neðar í niðurstöð-
unum, að því er Financial Times greinir frá.
Breytingin á aðeins við niðurstöður sem
birtar eru á snjallsímum, en ekki verður gerð
breyting á algríminu sem stýrir leitarniður-
stöðum sem birtast þegar notast er við spjald-
tölvu eða einkatölvu.
Bendir FT þó á að um helmingur allra leita
á Google sé framkvæmdur í gegnum snjall-
síma og breytingin því líkleg til að hafa veru-
leg áhrif á hvert netumferð beinist.
Að sögn FT gæti breytingin bitnað harka-
lega á fyrirtækjum sem ekki hafa enn gert
vefsíður sínar snjalltækjavænar. Í þeim hópi
eru meðal annars tískuveldið Versace og vef-
ir sjálfs Evrópusambandsins. ai@mbl.is
AFP
Google
endurraðar
niðurstöðum
Leitarvélin hampar
farsímavænum vefsíðum
Aðalfundur Samtaka atvinnulífsins var hald-
inn 16. apríl og var þar kjörin ný stjórn. Nýir
stjórnarmenn eru Árni Stefánsson, Húsa-
smiðjunni; Bjarni Bjarnson, Orkuveitu
Reykjavíkur; Jens Garðar Helgason, Eskju;
Gylfi Gíslason, Jáverki; Jón Ólafur Halldórs-
son, Olíuverslun Íslands, og Rannveig Grét-
arsdóttir, Hvalaskoðun Reykjavíkur.
Út úr stjórn ganga Adolf Guðmundsson,
Gullbergi; Arnar Sigurmundsson; Gunnar
Sverrisson, ÍAV; Margrét Kristmannsdóttir,
Pfaff; Tryggvi Þór Haraldsson, Rarik, og Ey-
steinn Helgason, Kaupási.
Auk þerra sem taldir voru hér að ofan sitja
nú í stjórninni þau Ari Edwald, Eyjólfur Árni
Rafnsson, Mannviti; Guðmundur Sæmundsen,
Bláa lóninu; Guðrún Hafsteinsdóttir, Kjörís;
Höskuldur H. Ólafsson, Arion banka; Jens
Pétur Jóhannsson, Rafmagnsverkstæði RJR;
Kolbeinn Árnason, SFS; Margrét Sanders,
Deloitte; Ólafur Rögnvaldsson, Hraðfrystihúsi
Hellissands; Rannveig Rist, Rio Tinto Alcan;
Sigrún Ragna Ólafsdóttir, VÍS; Sigstein P.
Grétarsson, Marel; Þorstein Már Baldvinsson,
Samherja og Þórir Garðarsson frá Iceland
Excursions. ai@mbl.is
Sex nýir
í stjórn SA
Eftir Ásgeir Ingvarsson
ai@mbl.is
Slush-ráðstefnan í Finnlandi er
einn af lykilviðburðum tölvu-
leikjageirans og laðar uppákoman
til sín þúsundir gesta frá öllum
heimshornum. Reykjavík verður
fyrsta borgin til að hýsa Slush-
ráðstefnu utan Finnlands og verð-
ur Slush PLAY-ráðstefnan haldin
í Gamla bíói dagana 28. og 29. apr-
íl.
Stefán Þór Helgason er verk-
efnastjóri hjá Klak Innovit og
einn aðstandenda ráðstefnunar.
Hann segir að auk þess að bjóða
upp á fjölda áhugaverðra erinda
frá leiðandi fólki í tölvuleikja- og
sýndarveruleikaheiminum sé við-
burðinum ætlað að laða til lands-
ins erlenda fjárfesta og kynna
þeim blómlegan tölvuleikjaiðn-
aðinn á Íslandi.
Í hópi fyrirlesara eru Susana
Meza Graham hjá Paradox Inter-
active, Chet Faliszek hjá Valve,
David Gardner hjá London Vent-
ure Partners og Davíð Helgason
hjá Unity Technologies. „Það
stendur til að útvíkka Slush til
fleiri borga og verður Reykjavík
sú fyrsta til að byrja að mynda
þetta ráðstefnunet. Skapast þann-
ig tengingar víða út í heim og ekki
síst við stöndugan tölvuleikjaiðn-
aðinn í Finnlandi,“ segir Stefán.
Blómstraði í hruninu
Íslenski tölvuleikjageirinn hefur
þróast hratt á undanförnum árum
og virðist núna vera í miklum
blóma. Stefán segir hægt að rekja
þróunina allt aftur til OZ og CCP
sem síðan varð til í kjölfarið en
svo virðist sem sprenging hafi
orðið í greininni um og eftir hrun-
ið margumtalaða og kraftar losn-
að úr læðingi.
„Í gegnum fyrirtæki eins og
CCP öðlaðist fjöldi fólks mikla
reynslu og þekkingu og sumir
ákváðu að söðla um og stofna sín
eigin fyrirtæki. Hrunið virðist
hafa komið ákveðnu róti á at-
vinnulífið svo mikið var af hæfi-
leikafólki á öllum sviðum í leit að
áhugaverðum störfum. Gerist það
á sama tíma að uppgangur var í
leikjaheiminum almennt og hann
stækkaði á alla vegu,“ útskýrir
Stefán.
Um leið er sennilegt að út-
breiðsla snjalltækja hafi breytt
landslagi leikjamarkaðarins þann-
ig að smærri fyrirtæki fóru að
eiga greiðari leið að við-
skiptavinum og tekjum. Áður var
leikjaútgáfa mikið til bundin við
stór útgáfufyrirtæki þar sem
hundruð forritara og listamanna
streðuðu við gerð hvers tölvu-
leiks, en með snjallsímum var
hægt að ná til alls heimsins með
lítilli yfirbyggingu og slá í gegn
með frekar einfaldri leikjasmíði.
„Auðveldara varð fyrir þá litlu að
koma sér á framfæri og byrja að
ná fótfestu, þó á móti hafi komið
að með auknu framboði urðu fleiri
um hituna og erfitt að standa upp
úr hópnum.“
Íslensk áhættusækni
Stefán er heldur ekki frá því að sú
tilhneiging Íslendinga að vera
áhættusæknir og gjarnir á að elt-
ast við stóra drauma hafi haft sitt
að segja því tölvuleikjasmíði þykir
nokkuð áhættusamt svið þar sem
sigurvegararnir uppskera ríku-
lega en þeir sem ekki ná hylli
neytenda sitja iðulega eftir með
sárt ennið. „Samlíkingin við kvik-
myndageirann á fullan rétt á sér,
og margt af því sem íslenskir
tölvuleikjafrömuðir hafa gert er
keimlíkt því sem Baltasar Kor-
mákur er að fást við í dag. Tölvu-
leikur er rétt eins og kvikmynd að
því leyti að ótalmargt þarf að
smella saman til að dæmið gangi
upp og aldrei má ástríðuna vanta.
Ef það svo gerist að sköp-
unarverkið fær ekki náð fyrir
augum almennings þarf að harka
það af sér og reyna að takast á við
næsta verkefni.“
Segir Stefán að margt af því
fólki sem beri íslenska tölvu-
leikjageirann uppi sé mikið hæfi-
leikafólk sem gæti látið að sér
kveða á ótal sviðum. „Allt gæti
þetta fólk verið á blússandi laun-
um við að gera eitthvað annað en
velur þess í stað að reyna að gera
drauminn að veruleika og er tilbú-
ið að leggja á sig ýmsar fórnir á
meðan.“
Uppistaða eða aukabúgrein?
Hversu miklu máli íslenski tölvu-
leikjaiðnaðurinn skiptir fyrir hag-
kerfið er erfitt að segja. Í dýpstu
lægðum kreppunnar var mál
manna að munaði miklu fyrir
gjaldeyristekjur þjóðarinnar
hversu margir erlendir áskreif-
endur greiddu mánaðargjald
EVE online. Á síðustu árum hafa
svo borist fréttir af landvinn-
ingum fyrirtækja eins og Plain
Vanilla í Kísildal og núna síðast í
Kína. Stefán segir að leikjaiðn-
aðurinn geti seint keppt við und-
irstöðuatvinnugreinar eins og
ferðaþjónustu og sjávarútveg, en
sé samt verðmæt viðbótarbúgrein
fyrir hagkerfið. Þá geti það gerst
eins og hendi sé veifað að leikur
slái óvænt í gegn og verði að
næsta Angry Birds, en sá leikur
reyndist vera margra milljarða
dala virði.
„En það sem er svo heppilegt
við tölvuleikjaiðnaðinn er að jafn-
vel þótt hluti fyrirtækjanna fari
alveg lóðrétt á hausinn þá verður
til svo mikil reynsla og þekking á
meðal starfsfólksins, sem fer svo
með þetta farteski í önnur verk-
efni. Nú er Plain Vanilla til dæmis
að markaðssetja Quiz Up-leikinn í
Kína, og vel hægt að ímynda sér
að sú reynsla sem þar skapast, og
innsýn í kínverska markaðinn,
sölu og markaðssetningu geti
smitað út frá sér og nýst annars
staðar í íslensku atvinnulífi.“
Vantar fleira fólk
En hvað þarf til að hlúa enn betur
að atvinnugreininni og gera Ís-
land að aðalaðandi stað til að
smíða leiki? Stefán nefnir fyrst af
öllu að tölvuleikjafyrirtækin glími
við viðvarandi skort á hæfi-
leikafólki. Ekki aðeins þurfi að
mennta nýjar kynslóðir forritara
og leikjahönnuða heldur líka að
laða til landsins fólk erlendis frá
með reynslu í farteskinu. „Þar er
hægt að horfa til fordæmis Kan-
ada sem laðar til sín verðmæta
starfskrafta með alls kyns fríð-
indum, skattalegum og annars
konar.“
Stefán segir einnig mikilvægt
að fylla í ákveðnar glufur í þekk-
ingar- og reynsluforða atvinnu-
greinarinnar. Íslensk tölvuleikja-
fyrirtæki kunni að gera vandaða
vöru en eigi sínar veiku hliðar
þegar kemur að dreifingu og
markaðssetningu. „Betri teng-
ingar við miðstöðvar tölvu-
leikjaheimsins vestan- og aust-
anhafs myndu koma sér vel.“
Verður næsti Angry
Birds íslenskur?
Fyrsta Slush-ráðstefnan utan Finnlands verður haldin í Reykjavík
Leiða saman leiðtoga, fjárfesta og frumkvöðla úr tölvuleikjageiranum
Ljósmynd / Anton Brink Hansen
Segulstál Stefán segir hægt að læra af Kanada sem hefur reynt að laða
til sín hæfileikafólk á hugbúnaðarsviðinu með ýmiss konar fríðindum.