Morgunblaðið - 20.04.2015, Qupperneq 15
FRÉTTIR 15Erlent
MORGUNBLAÐIÐ MÁNUDAGUR 20. APRÍL 2015
Flóttamenn frá Líbíu sem þurftu að þola skip-
skaða á leið til Ítalíu sitja á hafnarbakkanum eftir
að hafa stigið á land úr björgunarskipinu. Allt
bendir til þess að 650 manns hafi farist með fiski-
bát sem sökk í Miðjarðarhaf í gær en aðeins hafa
28 af sjö hundruð farþegum fundist á lífi. Yfir-
maður flóttamannaaðstoðar SÞ, António Guter-
res, segir nauðsynlegt að grípa til aðgerða til að
koma í veg fyrir að þetta endurtaki sig.
AFP
Á sjöunda hundrað látnir eftir hörmungar í hafi
Flóttamenn frá Líbíu komnir á áfangastað eftir skipbrot í Miðjarðarhafi
Rúmlega þrjú
hundruð menn
hafa verið hand-
teknir í Suður-
Afríku eftir öldu
ofbeldisglæpa
þar í landi, sem
beinst hafa gegn
innflytjendum
frá öðrum Afr-
íkulöndum.
Að minnsta kosti sex manns hafa
verið myrtir undanfarnar tvær vik-
ur en hópar vopnaðra manna hafa
ráðist á verslanir innflytjenda og
sakað þá um að ræna innfædda
störfum sínum. Jacob Zuma, forseti
S-Afríku, hefur fordæmt ofbeldið og
segir það ekki vera í anda landsins.
Jacob Zuma
SUÐUR-AFRÍKA
300 manns hand-
teknir í ofbeldisöldu
Verkamanna-
flokkurinn og
Íhaldsflokkurinn
eru hnífjafnir
með 34% at-
kvæða hvor, þeg-
ar þrjár vikur
eru til kosninga.
Kemur þetta
fram í samantekt
BBC sem felur í
sér nokkur viðbrigði frá því í apríl
á síðasta ári, þegar Verka-
mannaflokkurinn naut hylli 36%
kjósenda og Íhaldsflokkurinn 31%.
Hnífjafnir og þrjár
vikur til kosninga
Ed Miliband
BRETLAND
Alþjóðaheilbrigðismálastofnunin
telur skordýraeitur hafa valdið
dauðsföllum 18 Nígeríubúa undan-
farna daga. Hafa vísindamenn úti-
lokað að um ebólu sé að ræða eða
aðra veirusýkingu, og leiða líkur að
því að dreifing skordýraeiturs hafi
orsakað andlát fólksins.
Einkenni veikindanna eru höfuð-
verkur, sjóntruflanir og minnis-
leysi, áður en fólk lætur lífið um 24
klukkustundum seinna.
Telja skordýraeitur
hafa drepið átján
NÍGERÍA
Skúli Halldórsson
sh@mbl.is
Miklar breytingar eru í sjónmáli fyr-
ir finnsk stjórnmál eftir að Miðflokk-
urinn fór með sigur af hólmi í
finnsku þingkosningunum sem
haldnar voru í gær. Benti allt til að
Miðflokkurinn fengi 49 þingsæti af
200, eftir að hafa verið með 35 sæti
fyrir kosningarnar. Leiðtogi Mið-
flokksins, Juha Sipilä, verður því lík-
lega næsti forsætisráðherra lands-
ins. Sipilä er 53 ára gamall
kaupsýslumaður og milljarðamær-
ingur og þykir njóta góðs af reynslu
sinni af viðskiptalífinu. Telja margir
Finnar hann vera best til þess fallinn
að blása lífi í efnahaginn sem hefur
þurft að þola lægð síðustu ár eftir
versnandi hag raftækjarisans Nokia
og minnkandi skógarhögg í landinu.
Brussel fylgist með gangi mála
Sipilä hefur meðal annars heitið
því að skapa tvö hundruð þúsund ný
störf í einkageiranum á næstu tíu ár-
um en þær áætlanir hafa mætt efa-
semdum ýmissa sérfræðinga. At-
vinnuleysi í Finnlandi mælist nú
9,2% og er það mesta síðan árið 2003.
Þegar kemur að myndun nýrrar
ríkisstjórnar getur Sipilä horft jafnt
til hægri og vinstri en Evrópusam-
bandið fylgist þó grannt með gangi
mála samkvæmt heimildum AFP.
Efasemdir um sambandið eru enda
áberandi innan Miðflokksins. Þá
þykir Finnaflokkurinn einnig and-
vígur sambandinu en Sipilä hefur
viðrað þann möguleika að mynda
ríkisstjórn með Finnaflokknum.
Miðflokkurinn sigraði
Miðflokkurinn hlaut 49 þingsæti af tvö hundruð og bætti við sig fjórtán sætum
53 ára gamall milljarðamæringur verður líklega næsti forsætisráðherra Finna
AFP
Glaður Juha Sipilä, leiðtogi Mið-
flokksins, gat glaðst í gærkvöldi.
Skúli Halldórsson
sh@mbl.is
Bandarískir vopnaframleiðendur
virðast njóta góðs af vaxandi óöld og
stríði í Mið-Austurlöndum. Til að
mynda nota Sádi-Arabar F-15 þotur
til stríðsreksturs í Jemen og Samein-
uðu arabísku furstadæmin fljúga
F-16 þotum í sprengjuárásum á bæði
Jemen og Sýrland.
Þá er búist við að Furstadæmin
nái brátt samningum við bandaríska
framleiðandann General Atomics um
kaup á flota af fjarstýrðum vélfygl-
um sem þau hyggjast nota til njósna,
að því er kemur fram í umfjöllun
New York Times.
Á meðan heimshlutinn leggst sí-
fellt meira undir stríðandi fylkingar,
staðgenglastríð og baráttu gegn
hryðjuverkasamtökum hafa þau
lönd sem safnað höfðu birgðum
bandarískra vopna loks fundið þörf
fyrir þau, og vilja nú meira.
Bandaríkin hafa lengi haft tak-
mörk á sölu vopna til arabískra þjóða
til að tryggja hernaðarforskot Ísr-
aela á hina hefðbundnu keppinauta
sína á svæðinu. En skjótt hefur veð-
ur skipast í lofti og nú eru Ísrael og
arabaríkin eins konar bandamenn
gegn þeirri ógn sem þeim finnst
stafa frá Íran.
Ríkisstjórn Obama hefur því und-
anfarið getað selt háþróuð vopn til
ríkjanna við Persaflóann, án nokk-
urra mótmæla að ráði frá Ísrael. Til
dæmis um þetta eyddu Sádi-Arabar
80 milljörðum bandaríkjadala í vopn
á síðasta ári, meira en bæði Frakk-
land og Bretland.
Sérfræðingar benda enda á það,
að umrótið í heimshlutanum og ein-
beittur vilji hinna ríku súnní-þjóða til
að berjast við sjítana í Íran um völd-
in, muni orsaka flóð pantana um há-
þróuð vopn Bandaríkjamanna.
Sækjast eftir há-
þróuðum vopnum
Bandarískir framleiðendur hagnast
AFP
Vopn Hin svokallaða Predator-vél
Bandaríkjamanna er fjarstýrt vopn.