Húnavaka - 01.05.1982, Blaðsíða 231

HÚNAVAKA
229
heilla. Síðan var farið um borð í
Örvar og hann skoðaður hátt og
lágt. Að beiðni skipstjórans komu
menn saman uppi í brúnni þar
sem sr. Pétur Þ. Ingjaldsson
prófastur frá Skagaströnd bless-
aði skipið og bað því velfarnaðar.
A eftir voru sungnir sálmar sem
prestfrúin Dómhildur Jónsdóttir
og organistinn Kristján Hjartar-
son frá Skagaströnd stjórnuðu.
Örvar HU-21 verður fullbúinn
til veiða i byrjun apríl 1982 og
mun verða fyrsta frystiskip sinnar
tegundar hér á landi. Það er, afl-
inn verður unninn um borð,
pakkaður og frystur til útflutn-
ings.
Framkvæmdastjóri Skag-
strendings h.f. er Sveinn S. Ing-
ólfsson sem var aðalhvatamaður
að stofnun þessa fyrirtækis og
hefur verið framkvæmdastjóri
þess frá upphafi (1968) þegar
fyrirtækið festi kaup í togbátnum
Arnari HU-1 og síðar togbátnum
Örvari HU-2 en þeir voru seldir
þegar skuttogarinn Arnar var
keyptur frá Japan árið 1973 en
við það gjörbreyttist atvinnu-
ástand á Skagaströnd til hins
betra og hefur verið í stöðugri
uppbyggingu síðan. Bindum við
Skagstrendingar miklar vonir við
skipið örvar HU-21 að hann
verði okkur jafn happadrjúg fjár-
festing og Arnar HU-1 hefur ver-
ið. Skagstrendingar eiga með
hlutafé sem safnast hefur í staðn-
um 2.2 milljónir í örvari.
Aðrar fiskveiðar.
Hringur HU-3, Auðbjörg HU-6
og Helga Björg HU-7 stunduðu
rækjuveiðar og lögðu upp hjá
Rækjuvinnslunni h.f. Helga
Björg fór svo á hrognkelsaveiðar
og síðan á færi um sumarið.
Hafrún HU-12, Ólafur
Magnússon HU-54 og Drífa SU
voru á línuveiðum á vetrarvertið,
eftir það fór Drífa á netavertíð
suður á land, en Hafrún stundaði
djúprækjuveiðar yfir sumarið.
Ólafur Magnússon fór á færi yfir
hásumarið en síðan voru gerðar
miklar endurbætur á stýrishúsi
og fleiru og var hann frá veiðum á
meðan. Drífa SU var seld um
sumarið austur á land.
Óvenju margir trillubátar gátu
stundað færaveiðar í júlí- og
ágústmánuði og öfluðu sumir
allvel.
Sæborg HU-177 sem gerð er
út frá Blönduósi hefur lagt upp
afla sinn hér að hluta til en hann
stundar línuveiðar og hefur aflað
vel.
Hrognkelsaveiðar voru stund-
aðar héðan að venju og stóðu frá
1. apríl til 30. júní. Tíu bátar á
svæðinu Blönduós-Kálfshamars-
vík tóku þátt í veiðunum, voru
þeir af stærðinni frá einu tonni
upp í 21 tonn. Aflinn varð sam-