Ægir - 01.09.2014, Blaðsíða 8

8
Jens Garðar Helgason var á dögunum kjör-
inn fyrsti formaður Samtaka fyrirtækja í
sjávarútvegi sem til urðu með sameiningu
Landssambands íslenskra útvegsmanna og
Samtaka fiskvinnslustöðva. Samtökin eru
þau stærstu í sjávarútvegi á Íslandi og
standa opin öllum þeim fyrirtækjum sem
með einum eða öðrum hætti starfa innan
greinarinnar. Jens Garðar segir þau hafa
mikið verk að vinna á víðtæku sviði innan
greinarinnar, hvort heldur litið sé til þess að
eiga samskipti við stjórnvöld um hags-
munamál greinarinnar, stuðla að eflingu
menntunar í sjávarútvegi eða hvetja til auk-
innar áherslu á umhverfismál innan greinar-
innar. Eitt stærsta málið sé hins vegar að
stuðla að aukinni jákvæðni í garð sjávarút-
vegsins, styrkja ímynd hennar bæði í aug-
um starfsfólks í sjávarútvegi og meðal
landsmanna almennt. Jens Garðar er í
Ægisviðtali að þessu sinni.
„Að mínu mati er stofnun þessara nýju
samtaka til marks um að sjávarútvegurinn
er orðinn allt önnur atvinnugrein en var á
þeim tíma þegar LÍÚ og SF voru stofnuð. En
um leið undirstrika ég að við erum ekki ein-
vörðungu að sameina krafta þessara
tveggja samtaka heldur eru fleiri fyrirtæki
að koma inn í samtökin sem ekki hafa neina
aðkomu að útgerð eða vinnslu. Dæmi þar
um eru stærstu sölufyrirtækin og ég vonast
til þess að við fáum fleiri fyrirtæki í hliðar-
og stoðgreinunum til liðs við okkur. Eins og
nafn samtakanna bendir til standa þau opin
öllum sem með einum eða öðrum hætti
byggja starfsemi sína á sjávarútvegi. Mark-
mið samtakanna er einmitt að beina sjón-
um almennings að þeirri miklu breidd sem
er í íslenskum sjávarútvegi í dag,“ segir Jens
Garðar og bendir á fræðsluerndi á stofn-
fundinum sem dæmi um þetta víðfeðma
svið. Þar voru veitt hvatningarverðlaun
vegna rannsókna á súrnun sjávar og fjallað
um aðkallandi þörf á háskólamenntun inn-
an sjávarútvegsins.
Tekur ekki þátt í niðurrifsumræðunni
„Sjávarútvegur er hátækniiðnaður í mörg-
um skilningi, byggir á háþróuðum vélbún-
aði, hugbúnaði og rannsóknir í líftækni inn-
an greinarinnar eru mjög framarlega. Þar er
lagður grunnur að nýrri verðmætasköpun
úr hliðarafurðum sem jafnvel eru orðnar
verðmætari en fiskflakið sjálft. Þarna er ný-
sköpun sem við sem samtök munum styðja
við af fremsta megni og sama má segja
hvað umhverfisvitundina varðar almennt í
Jens Garðar Helgason á bryggjunni á
Eskifirði. Fyrsta starf hans var í
Hraðfrystihúsi Eskifjarðar og hefur hann alla
tíð síðan helgað sjávarútvegi starfskrafta sína.
Æ
g
isv
iðta
l