Ægir - 01.09.2014, Blaðsíða 20

20
„Þetta hefur verið allt í lagi,“
segir Arnþór Hjörleifsson skip-
stjóri á Lundey NS 1 um vertíð-
ina á íslensku sumargots-
síldinni, en Arnór og félagar á
Lundey hófu veiðar í byrjun
október.
Hann segir veiði hafa verið
ágæta. „Þetta hefur nuddast og
veðrið hefur að langmestu leyti
alveg verið til friðs. Það skiptir
auðvitað miklu,“ segir Arnþór
og bætir við að síldin sé góð,
stór og falleg. „Þetta er alveg
ágætis síld,“ segir hann.
Síldin úti í hafi
Yfirstandandi vertíð segir Arn-
þór að því leyti ólíka þeim fyrri
að veiðarnar hafi verið nokkuð
langt út af Breiðafirði. „Við vor-
um lengst úti í hafi núna, en
ekki inn á milli skerja í Breiða-
firði eins og við höfum verið
undanfarnar vertíðir. Þá höfum
við verið að eltast við síldina
þar inn og má segja að maður
hafi nánast skrapað botn skips-
ins við hafsbotninn. Nú vorum
við lengst úti á sjó og víðáttan
mikil. Að því leyti er þessi vertíð
betri en hinar fyrri, það er mun
rýmra um okkur en oft áður,“
segir Arnþór.
Hann segir að ekki hafi þurft
að hafa mikið fyrir veiðunum,
síldin hafi gefið sig vel og veiði
oftast verið með ágætum, „og
svo hefur þetta verið nudd inn
á milli,“ segir hann. „Í heildina
sleppur þessi vertíð vel fyrir
horn, er í raun svo sem hvorki
betri né verri en þær fyrri.“
Arnór gerir ráð fyrir að þegar
skipið hefur veitt kvóta sinn af
íslensku sumargotssíldinni
muni hann fara á kolmunna-
veiðar. „Ætli við snúum okkur
ekki að kolmunna þegar þessu
er lokið.“
S
íld
a
rv
ertíðin
Arnþór Hjörleifsson, skipstjóri.
Arnþór Hjörleifsson skipstjóri á Lundey NS 1:
Síldin úti í hafi
Lundey NS landar á Vopnafirði. Þeim fækkar löndunum skipsins í þeirri höfn þar sem skipið hverfur úr flota
HB Granda þegar ný uppsjávarskip fyrirtækisins koma frá Tyrklandi.