Húnavaka - 01.05.1985, Blaðsíða 17

HÚNAVAKA
15
í Mosfellssveitinni. Má þar nefna Korpúlfsstaði, Blikastaði og Reyki.
A Korpúlfsstöðum bjó Thor Jensen stórbúi en Lorens sonur hans var
bústjóri, Magnús Þorláksson bjó á Blikastöðum og Bjarni Ásgeirsson á
Reykjum. Það var gaman að ganga um þessi grónu bændabýli, skoða
þau undir leiðsögn kunnugra manna og verða um leið áskynja um
margháttaða framtíðarmöguleika íslensks landbúnaðar.
Urðu margir skólabrœður þínir bœndur?
Skólabræður mínir hafa dreifst víða og ég held að tiltölulega fáir
þeirra hafi orðið bændur. Þeir fóru í alls konar störf, sumir urðu
lögreglumenn aðrir tannlæknar eða ríkisstarfsmenn, svo að ég nefni
dæmi. Við hittumst á 40 ára búfræðingsafmælinu og áttum ánægju-
lega stund, en þó hnykkti manni við að sjá hvað sumir voru breyttir og
þeim afturfarið.
Öll mín búskaparsaga hefur gerst hér í Hvammi
Hvers vegna fórst þú að búa í Hvammi?
Öll mín búskaparsaga hefur gerst hér í Hvammi og bráðum eru 40
ár frá því ég hóf búskap. Tildrög þess má segja að hafi verið þau að
þegar faðir minn kaupir Marðarnúp selur hann ekki Hvamm, sem
hann átti hálfan. Hann ýmist leigði jörðina eða nytjaði sjálfur með
búinu á Marðarnúpi. Við systkinin fórum oft á milli, en hér voru líka
stundum ráðsmaður og ráðskona. Sveitungar okkar sögðu ýmislegt
um þennan búskap bæði í gamni og alvöru. Á stríðsárunum varð
gjörbylting í sveitunum. Fyrst höfðu menn þyrpst burtu í svokallaða
Bretavinnu og síðar til Ameríkananna. Þar störfuðu þeir við bygg-
ingar, flugvallargerð og ýmis önnur störf í þágu hersins. Þjóðlífið
breyttist ákaflega mikið þegar þéttbýlið sogaði til sín vinnuaflið. Þá
var svo komið að erfitt var að fá fólk til að annast búið hér í Hvammi.
Jörðin hafði í sannleika sagt heldur drabbast niður á kostnað fram-
kvæmda sem faðir minn gerði á Marðarnúpi. Hann raflýsti þar og
byggði upp. Þegar svona er komið vek ég máls á því við föður minn að
kaupa Hvamm, mér verði ekki lagt það út eins og honum að jörðin
haldi áfram að drabbast niður. Hann var í fyrstu mótfallinn þessu,
sagðist ekki geta hugsað til þess að ég flytti burtu. Eg var þá einhleypur
maður og hafði öðru hverju staðið fyrir búinu, því að hann var mikið á
ferðalögum.