Húnavaka - 01.05.1985, Blaðsíða 179

HUNAVAKA
177
Blíðuveður var 8. júní. Mjög þéttur ís um morguninn, en fór heldur
að greiðast í sundur fram undan landi, og um kvöldið voru komnar
stórar vakir í ísinn. Þann 9. er sólskin og bjart að líta til hafsins. Sólin
glampaði á stóra ísjaka sem voru dreifðir um allan flóann. Um kvöldið
var ísinn á útleið, og þann 10. er mest allur ís farinn út fyrir Höfða-
kaupstað, en þó sjást alls staðar jakar á sjónum.
Þoka er bæði þann 11. og 12. og ekkert sést út á sjóinn. Nokkrir
stakir jakar í flæðarmálinu. Þann 13. er blíðuveður og sjórinn íslaus,
en borgarísjakinn er kyrr út af Þingeyrasandi.
22. júní. Jakarnir sem voru hérna við landið bráðnuðu smátt og
smátt, en borgarísjakinn hefur ekkert hreyft sig, en það er eins og hann
hafi beðið eftir byr. Um morguninn tók hann sig upp og sigldi af stað
út flóann. Jakinn er ennþá stór og tignarlegur. Hann fer mjög hægt, en
heldur alltaf áfram eins og skip á siglingu. Hann er fallegur þegar
hann siglir hér framhjá eins og hvítt skip síðari hluta dags, og stefnir
framhjá Höfðakaupstað. Undir kvöld var hann fyrir framan Kálfs-
hamarsnes og áfram siglir hann hvíldarlaust. Um sólaruppkomu þann
23. júní er borgarísjakinn kominn út fyrir Skagatá, hinn hvíti voldugi
konungur íshafsins stefnir beint út auðan sjóinn í norður.
Stökur
Þó að hátt þú höfuð berir
hefur maður lengi séð,
að ef þér einhver greiða gerir
grikk þú aftur launar með.
Reynslan er víst ansi góður skóli
þar fær margur þekkinguna
og þar er minnst um blekkinguna.
Þórður Þorsteinsson.
12