Húnavaka - 01.05.1986, Síða 64

62
IIUNAVAKA
niður um 90 þúsund lítrum það sem af væri árinu. Var verið að setja
upp strokk til þess að hirða fituna úr mjólkinni til smjörgerðar, en lítið
verð fékkst fyrir smjörið því allar matvöruverslanir voru með smjör og
aðrar mjólkurafurðir frá Efnahagsbandalagslöndunum á niður-
greiddu verði. Nýmjólkin og rjóminn frá búinu voru seld á heldur
hærra verði en G-vörur innfluttar. Mjólkurkýr eyjabænda kvað
Eiríkur vera 8-900 og væri mjólkin flutt i brúsum til búsins með bílum
og ferjunum. Fyrir hefði komið að þurft hefði að kasta brúsunum í
sjóinn og draga þá um borð í ferjuna. Nú átti búið von á tankbílum og
ætlunin væri að flytja alla mjólk með þeim i framtíðinni.
Samkvæmt lauslegum útreikningi okkar virtust færeyskir og ís-
lenskir bændur fá greitt svipað verð fyrir mjólkina, en mjólkurstöðin
fékk í rekstrarstyrk um 3,60 kr. á lítra úr landssjóði.
Turnar og trú
A hvítasunnudag hlýddum við messu í Vesturkirkjunni í Þórshöfn.
Kirkjan er veglegt hús með háum hringlaga turni sem gnæfir yfir
nálægar byggingar. Skammt frá kirkjudyrum er bjarg mikið, senni-
lega álfakirkja, sem ekki hefur þótt ráðlegt að fjarlægja. Að innan er
kirkjan látlaus og stílhrein. Ljósaskreytingar sömu gerðar og í kirkj-
unni í Klakksvík. Kirkjan tekur um 1000 manns í sæti og var hún nær
fullsetin. Þarna voru skírð nokkur börn og lýst með þrennum hjóna-
efnum. Messan fór fram á svipaðan hátt og við áttum að venjast og
skildum við flest sem sagt var.
Á annan í hvítasunnu fórum við svo á samkomu hjá hvítasunnu-
söfnuðinum. Samkoman fór fram í stórum sal og var hann þéttsetinn.
Áberandi fannst mér hvað hér var samankomið yngra fólk en í Vest-
urkirkjunni, hér voru stórar fjölskyldur saman og sum börnin vart
eldri en eins til tveggja ára. Aðalræðumaðurinn var norskur og talaði
hér sem gestur. Lagði hann út af biblíunni og skýrði mál sitt með
myndum, sem þöktu heilan vegg salarins. Þar var saga mannkyns og
trúar rakin á myndrænan hátt til vorra tíma. Mikil átök áttu sér stað á
myndfletinum milli þess góða og illa, satan var alls staðar á næsta leiti
og sat um sálirnar.
Erfitt fannst mér að skilja allt það sem sá norski sagði. Þegar hann