Húnavaka - 01.05.1986, Qupperneq 94

92
HUNAVAKA
Lögðu þeir von bráðar af stað en voru ekki komnir langt norður fyrir
Höfðann þegar þeir mættu öðrum trillubátnum sem þá var snúinn
við. Komu nokkrar vomur á þá en héldu þó áfram. Eftir rúmlega
klukkutima siglingu voru þeir komnir norður í Hofspoll sem eru mið
úti af Hofi á Skagaströnd. Eins og venjulega voru þeir með 40-50 lóðir
og fóru að leggja línuna. Lögðu þeir hálfa línuna fram en síðan upp
aftur.
Meðan á þessu stóð birti af degi. Var þá kominn kólgubakki upp á
háloft, dálítið fjúk og vind farið að herða. Hófu þeir því strax að draga
línuna og drógu hratt. Allt gekk skapfellt meðan dregið var undan en
um leið og þeir fóru að draga upp gekk mun erfiðar enda komin mikil
kvika. Herti vind ört ásamt með aukinni snjókomu. Slitingsfiskirí var
og voru þeir komnir með 12-1300 kíló þegar línan slitnaði. Var þá
komið norðaustan sterkviðri og rauk sjóinn en ekki var mikið frost.
Línunni reyndu þeir ekki að ná aftur heldur tóku þá stefnu er þeir
töldu rétta og héldu heim á leið.
Heimferðin gekk þokkalega fyrst í stað en þó urðu þeir að taka
nokkrum sinnum upp í og hálsa ólög. Eftir dálítinn tíma rofaði aðeins
til, grillti i Höfðann og voru þeir nokkurn veginn á réttri leið. Þá sáu
þeir að kröpp alda kom æðandi að þeim. Taldi Benjamín eina ráðið að
hálsa hana og bætti við vélina. En hún tók ekki við sér heldur rétt
hökti og var alveg máttlaus. Ætlaði Benjamín þá að snúa bátnum
undan og lensa en hann lá svo fastur i veðrið að það tókst ekki. Tók
aldan bátinn sem lá flatur fyrir henni og skondraði honum langan veg.
Stefán og Benjamín sáu hvað verða vildi og gripu um þófturnar. En
svo var hliðarhallinn mikill að þær risu alveg með þeim og vissu þeir
ekki á hvorn veginn báturinn færi. Að lokum rétti hann sig þó og
maraði þóftufullur.
Eins og svo oft eftir mikil brot er líkt og sjórinn verði kyrrari um
stund. Nánast allt lauslegt innanborðs hafði hreinsast úr bátnum
nema tvær blöðrur, tjörubelgur og niðurstöður sem voru framundir í
barkanum, auk tveggja bala með línu i. Allt í kringum bátinn flaut
fiskur og annað smálegt. Skaut upp linubala hléborðsmegin og greip
Stefán hann og hóf að ausa. Gekk hann rösklega til verks, jós með
stampinum eins og hann væri smáfata og náði að þurrausa bátinn.
Drepist hafði á vélinni við ólagið og reyndi Benjamin að koma
henni í gang aftur en það tókst ekki. Tók hann þá fimmtán faðma
keðju og útbjó dreka til að stöðva rek bátsins. Ekki náði drekinn botni