Húnavaka - 01.05.1986, Qupperneq 112

110
H U N A V A K A
formaður og á aðalfundi sambandsins 1926 er hann enn kosinn for-
maður og þá til þriggja ára. Verða afskipti Hafsteins Péturssonar af
félagsmálum þessum ekki rakin hér frekar en á það bent að er hér var
komið sögu stendur hann á fertugu og þá. falin forusta í félagsskap
ungs fólks. Atti hann þó eftir að koma þar við sögu með forgöngu sinni
um byggingu félagsheimilisins Húnavers og þá sem oddviti Bólstað-
arhliðarhrepps. Á árinu 1951 er hann í samstarfsnefnd um undirbún-
ing að byggingu félagsheimilisins og síðar á árinu kosinn formaður
byggingarnefndar þess. Á árinu 1952 leggur Hafsteinn svo fram til-
lögu á fundi 15. april, að félagsheimilinu verði komið undir þak.
Enn skal horfið til baka í þessari félagsmálasögu Hafsteins Péturs-
sonar allt til ársins 1919, en þá er honum falin, afdráttarlaust, forusta í
sveitarmálum Bólstaðarhlíðarhrepps þegar hann er bæði kjörinn
oddviti hreppsnefndar og sýslunefndarmaður hreppsins. Var Haf-
steinn þá 33ja ára gamall. Báðum trúnaðarstöðunum hélt hann óslitið
til endadægurs eða full 40 ár og virðist sem aldrei hafi komið til mála
að annar tæki við.
Árið 1925 er Hafsteinn Pétursson ritari á aðalfundi Búnaðarfélags
Bólstaðarhlíðarhrepps og á aðalfundi félagsins 26. marz árið 1927 er
hann kosinn formaður félagsins. Einnig því trúnaðarstarfi hélt hann
fyrir sveit sína til dauðadags. Hafsteinn mælti strax með því á árinu
1928 að búnaðarfélagið gengi í búnaðarsamband sýslunnar og að
formaður félagsins væri sjálfkjörinn fulltrúi á fundum sambandsins.
Hvort tveggja var samþykkt.
Árið 1943, þann 24. janúar, minntist Búnaðarfélag Bólstaðarhlíðar-
hrepps þess að þá voru 100 ár liðin frá stofnun hins upprunalega
búnaðarfélags hreppsins, sem stofnað var árið 1842 og þá í félagi við
Svínavatnshrepp. 1 gjörðabók Búnaðarfélags Bólstaðarhlíðarhrepps er
frábær og nákvæm lýsing á þessum afmælisfagnaði innfærð af Haf-
steini Péturssyni.
Vert er að segja frá því að það er í rauninni undravert miðað við það
hvað Hafsteinn Pétursson gegndi mörgum félagsmálastörfum hversu
frágangur er framúrskarandi góður á öllum bókunum hans, hvort sem
um var að ræða venjulegt ritað mál eða skýrslur og reikninga. Er það
allt til mikillar fyrirmyndar.
Árið 1928, þann 10. mars, var haldinn undirbúningsfundur að
stofnun búnaðarsambands í sýslunni. Var Hafsteinn fundarstjóri á
þeim fundi og kosinn í undirbúningsnefnd með þeim Jóni Pálmasyni